1 पतरस 3:18 - राना थारु नयाँ नियम

¹⁸ मए अइसे कहात हओं काहेकी हमर पापके कारण ख्रीष्ट फिर दुख भोगी और मरो। बा एकए चोटी इकल्लो मरो और जाके दुस्रो चोटी करनके जरुरी नैयाँ। बा एक धर्मी आदमी रहए, जो पापी आदमीनके ताहीं मरो। ताकी बा हमके परमेश्वरके जौँणे लाए पाबए। बे बाको शरीरके मारीं, पर बाको आत्मा जिन्दा हए।

परमेस्वर को सच्चो वचन

¹⁸ तभई कि मसीह भी, मतलब अधर्मियन के ताहीं धर्मी पापन के कारड़ एक बार दुख उठाई, ताकी तुमकै परमेस्वर तक लैजाओ जाए सकै। बाकै सरीर के रूप से मार डारो गौ, लेकिन आत्मा के रूप से जिंदो कर दौ गौ,

1 पतरस 3:18 Referans Kwoze

हिब्रू 9:28

उइसी करके बहुत आदमीनको पाप उठाए लैजानके ताहीं ख्रीष्ट अपनएके एकए चोटी बलि करी। और येशू दुस्रो चोटी फिर आबैगो। बो बेरा अपनएके पापके ताहीं बलि करनके नाए, पर बाको डगर देखके बैठन बारेनके बचानके ताहीं आबैगो।

2 कोरिन्थी 5:21

ख्रीष्टमे पाप नाए रहए, परमेश्वरके नजरमे हम धर्मी बनन सिकएं कहिके ख्रीष्ट हमर पापको दण्ड लइ।

1 पतरस 4:6

जहेमारे मरे भए आदमी फिर ख्रीष्टको बारेमे अच्छो समाचारको परचार सुनीं। उनको शरीर, औ सब आदमीन कता मरन पणो, पर अब बे सदासर्वदा परमेश्वरसँग आत्मामे जिइरहे हएं।

तीतुस 2:14

येशू ख्रीष्ट अपनएके हमरे फाइदाके ताहीं बलिदान करदइ। ताकी हम अधर्म कामसे छुटकारा पामएं, और हमके नैतिक रुपसे शुद्ध करपाबए। और ताकी हम बाके अपने खास आदमी बन जाएं, जो भले काम करनके ताहीं पुरी तरिकासे समर्पित होत हएं।

1 यूहन्ना 1:9

अगर हम परमेश्वरके अग्गु अपनो पापके स्वीकार करएं, तओ हमर पापके क्षमा करनमे, और हमएं सब अधर्मसे शुद्ध करनमे बिश्वासयोग्य और धर्मी हए।

रोमियों 4:25

येशू हमर अपराधके ताहीं मारोगओ, और परमेश्वर हमएं अपने सँग धर्मी घोषित करनके ताहीं येशूके फिरसे जिन्दा करी।

1 पतरस 4:1

जहेमारे ख्रीष्ट अपनो शरीरमे रहातए दुख भोगी, और तुम फिर बहे कता बिचार करके दुख उठान तयार होन पणत हए। काहेकी अगर तुम ख्रीष्टके ताहीं दुख उठान इच्छा करत हओ कहेसे, तुम पाप करन छोडनको फैसला करे हओ।

रोमियों 8:3

काहेकी जो काम मोशाको नियम कानुन हमर पापमय शरीरके कारण दुर्बल हुइके नाए करपाइ, बोके परमेश्वर करी, अर्थात् बा अपनो लौंणाके मनैकी शरीरमे पठाइ, और बा हमर पापके ताहीं बलिदान होनके ताहीं ख्रीष्टके शरीरमे पापको दण्ड दइ।

गलातियों 3:13

पर ख्रीष्ट हमके बो सरापसे बचाइ हए, जो नियम कानुन लात हए। जब क्रूसमे ख्रीष्टको मृत्यु भओ, तओ बा हमरे पापसे आन बारो सराप अपने उपर लैलै और हमके छुटकारा दइ। काहेकी पबित्र-शास्त्रमे जा लिखो हए, “जो कोइ फिर क्रूसमे मरत हए, बो सरापित हए।”

गलातियों 1:4

हमर दौवा परमेश्वरकी इच्छाके अनुसार ख्रीष्ट येशू अपनए हमरे पापके ताहीं बलि हुइगओ, ताकी हम जा बर्तमान संसारके आदमीनके खराब प्रभावसे बचे रहिपामएं।

2 कोरिन्थी 13:4

काहेकी कमजोरीमे ख्रीष्ट क्रूसमे टंगोगओ, पर परमेश्वरको शक्तिमे बा जिन्दा हए। अइसियए ख्रीष्ट कमजोरीमे भओ कता हम फिर कमजोर हएं, पर तुमर सँगको हमर ब्यबहार करनके परमेश्वरको शक्ति द्वारा हम ख्रीष्टएके सँग जिइमंगे।

रोमियों 5:2

हमर बिश्वास करनके कारण, ख्रीष्ट हमके जा अनुग्रहमे लाइ हए, जहाँ हम अभए खडा हएं। और हम निश्चय और आनन्दके साथ परमेश्वरको महिमामे सहभागी होनके आसरामे हएं।

रोमियों 1:4

और पबित्र आत्माके शक्तिसे, येशू ख्रीष्ट मरो भओ मैसे जीइ उठके परमेश्वरको आत्मामे सामर्थके साथ परमेश्वरको लौंणा ठहिरो हए।

याकूब 5:6

बिरोध नाए करन बारे निर्दोषके फिर तुम दोष लगाएके मारे।

प्रेरित 3:14

पर तुम येशूके अस्वीकार करे, जो पबित्र और धर्मी रहए। और तुम चाहे, कि एक ज्यानमाराके तुमर ताहीं छोडो जाए।

2 कोरिन्थी 1:24

हम तुमर बिश्वासके उपर हमर अधिकार जमान नाए चाँहत हएं। पर तुमर आनन्दके ताहीं तुमरे सँग मिलके काम करत हएं। काहेकी अपन बिश्वासमे तुम स्थिर हओ।

रोमियों 8:11

अगर तुममे परमेश्वरको आत्मा बास करत हए, जौन ख्रीष्ट येशूके मरो भओ मैसे जिन्दा करी कहेसे, बा जौन ख्रीष्ट येशूके मरो भओ मैसे जिन्दा करी, बा तुमर नाशवान शरीरके फिर जिन्दा करैगो जो आत्मा तुमरमे बास करत हए।

प्रेरित 22:14

तओ बो कही, ‘हमर दौवा-पुर्खाको परमेश्वर, तोके बाको इच्छा जाननके ताहीं, और धर्मी सेवक येशूके देखन ताहीं और बाको अबाज सुननके ताहीं तोके नियुक्त करीहए।

मत्ती 27:19

तओ जब बो न्याय-आसनमे बैठो रहए, तओ बहे समयमे बोकी बैयर अइसे कहिके खबर पठाइ, “येशू निर्दोष आदमी हए बाके कुछु मत् करीयओ, काहेकी आज सपनामे येशूके मारे मए बहुत दु:ख भोगो हओं।”

मत्ती 27:24

पर कोइ सीप नाए लगो देखके, झन् हलचल मचिजएहए करके डराएके पिलातस पानी लैके भिडके अग्गु अपन हात धोएके कही, “तुम अपनए जानओ, मए जा आदमीको खुनसे निर्दोष हओं।”

यूहन्ना 16:10

और धार्मिकताके बारेमे जहेमारे, कि मए दौवाके ठिन जाएरहो हओं, और तुम मोके फिरसे नाए देखैगे।

इफिसियों 3:12

ख्रीष्ट सँग हमर सम्बन्धको कारण और बाके उपर हमर बिश्वासके कारणसे, अब हम परमेश्वरको उपस्थितिमे हिम्मत और आत्माबिश्वाससे आएसकत हएं।

हिब्रू 9:14

जा सोँचओ, कि मृत्यु घेन लैजान बारो कामसे ख्रीष्टको खुन हमर हृदयके त झन् कित्तो अच्छेसे शुद्ध बनाए सकत हए, ताकी हम जिन्दा परमेश्वरको आराधना कर पामएं। काहेकी अनन्त आत्माको शक्तिसे ख्रीष्ट हमके हमर पापके ताहीं एक सिद्ध बलिके रुपमे परमेश्वरके चढाइ।

1 पतरस 3:19

तओ बाको आत्मा गओ और परमेश्वरद्वारा जेलमे पणेभए आत्मनके अच्छो समाचार परचार करी, जहाँ मरे आदमीनको आत्मा हएं।