1 पतरस 3:14 - राना थारु नयाँ नियम

¹⁴ पर अगर तुम अच्छो काम करोके कारणसे कोइ दुख उठान पणो हए कहेसे, परमेश्वर तुमके आशिष देबैगो। अगमबक्ता, यशैयासे लिखो भओ कता करओ: “तुमके धमकी देन बारे आदमीनसे मतडराओ और आदमी का करंगे कहिके बातमे चिन्ता मत् करओ।”

परमेस्वर को सच्चो वचन

¹⁴ अगर तुम न्याय के वजह से दुख भी उठाबौ, तौ धन्य हौ; पर उनके डरपान से मत डरईयो, और न घबरईयो।

1 पतरस 3:14 Referans Kwoze

मत्ती 10:28

जौन शरीरके मारडारत हए, पर प्राणके नाए मारपात हए, बिनसे मतडरओ; पर परमेश्वरसे डराबओ, जौन आत्मा और शरीर दोनएके नरकमे नाश करसकत हए।

2 कोरिन्थी 12:10

जहेमारे ख्रीष्टके ताहीं कमजोरीनमे, बदनामीनमे, कठिनाइमे, सतावटमे, आफतमे मए सन्तुष्ट रहत हओं। काहेकी जब मए कमजोर होत हओं, तओ मए ख्रीष्टको शक्ति द्वारा मजबुत होत हओं।

याकूब 1:12

बे आदमी धन्यके हएं, जो परीक्षामे स्थिर रहात हएं, काहेकी बे इमान्दार साबित होत हएं, और बे कभी फिर अन्त नाए होन बारो जीबनको मुकुट पामंगे, जौनको प्रतिज्ञा परमेश्वर बे सबके दइहए, जो परमेश्वरसे प्रेम करत हएं।

यूहन्ना 14:27

“मए तुमके शान्ति देत हओं जौन शान्ति मोएमे हए। जा बो शान्ति नाए हए जो संसार देतहए, तुम दुखी मतहोबओ और मतडराओ।

यूहन्ना 14:1

येशू चेलनसे कही, “तुम दुख मत् मानओ। तुम अपन भरोसा परमेश्वरमे करओ और मोएमे फिर करओ।

मर्कूस 10:29

येशू चेलनसे कही, “नेहात्तओ मए तुमसे कहात हओं, चेला होनके ताहीं और अच्छो समाचारको घोषणा करनके ताहीं, जौन अपन घर, या ददाभइयनके, दिदी-बहिनियाके, अइयादौवाके, लौंणालौंणीयाके या जगहा जमिनके छोड दइ हए, बो जा सतावटके सँगएसँग बहुत चीज पएहए जैसेकी, औ ददाभइयनके, दिदी-बहिनीया, अइयादौवा, लौंणालौंणीया अइसियए करके औ फिर। और आन बारो समयमे तुमके कभी फिर नाश नाए होन बारो जीबन मिलैगो।

मर्कूस 8:35

काहेकी जौन अपन प्राण बचानके इच्छा करत हए, बो बाके खोबैगो। पर मिर और अच्छो समाचारके ताहीं अपन प्राण गुमान बारो, बो बचाओ जाबैगो।

मत्ती 19:29

हरएक जौन मिर नाउँके खातिर घर, ददाभइया और दिदी-बहिनीया और दौवा और अइया और लौंणालौंणीया और जग्हाजमिन छुणेहए, बो सओ गुणा पएहए, और कभी फिर नाश नाए होन बारो जीबनको अधिकार पएहए।

मत्ती 16:25

काहेकी जौन अपन प्राण बचानके इच्छा करत हए, बो बोके खोबैगो। पर मिर और अच्छो समाचारके ताहीं अपन प्राण गुमान बारो, बो बचाओ जाबैगो।

1 पतरस 3:6

सारा कता, जौन अब्राहामके स्वामी कहिके बोको आज्ञापालन करत रहए, बो कहोक जा हए, कि अगर तुम औ आदमीनके ताहीं ठिक काम करे और चिन्ता और डर नाएहए कहेसे, तओ तुम साराके लौंणीया कता होबैगे।

मत्ती 10:39

काहेकी जौन अपन प्राण बचानके इच्छा करत हए, बो येशूके खोबैगो। पर मिर और अच्छो समाचारके ताहीं अपन प्राण गुमान बारो, बो बचाओ जाबैगो।”

फिलिप्पी 1:29

काहेकी परमेश्वर तुमके सिरफ ख्रीष्टमे बिश्वास करनके इकल्लो नाए, बल्कि दु:ख सहनके फिर अनुग्रह दइ हए, काहेकी तुम बामे बिश्वास करत हओ।

मत्ती 10:31

जहेमारे मत् डराबओ, तुम बेढम गरगओटासे बहुत मूल्यवान हओ।”

प्रेरित 9:16

और मए बोके बतामंगो, कि आदमीनके मेरे बारेमे बात बतानके कारण बोके कैसे-कैसे दुख उठान पणैगो।”

याकूब 5:11

देखओ, धिरज करन बारेनके हम धन्यके कहात हएं। तुम अय्यूब नाउँ भओ आदमीको धिरज करोके बारेमे त सुने हओ, और प्रभुके घेनसे बोके जो इनाम मिलो, बोके फिर तुम जानत हओ। जोसे हमके पता चलो, कि प्रभु करुणा और दयासे भरो हए।