1 पतरस 2:21 - राना थारु नयाँ नियम

²¹ परमेश्वर तुमके बुलानको एक कारण जा हए, कि तुम बाके ताहीं कष्ट उठाबओ। ख्रीष्ट, जौन तुमर ताहीं कष्ट उठाइ, बा तुमर उदाहरण हए। बहेमारे तुमके बाको दिखाओ भओ डगरमे नेँगन पणैगो।

परमेस्वर को सच्चो वचन

²¹ जौ जओ बात के ताहीं रहै कि परमेस्वर तुमकै बुलाई, मसीह तुमरे ताहीं खुदकै दुखी करी और एक उदाहरड़ छोड़ दई, ताकी तुम बाके पच्छू चलौ।

1 पतरस 2:21 Referans Kwoze

1 यूहन्ना 2:6

परमेश्वरमे हओं, कहान बारो आदमी ख्रीष्ट जैसो जीबन जीइनके पणत हए।

मत्ती 16:24

तओ येशू अपन चेलनसे कही, “कोइ मिर पिच्छु आनके इच्छा करैगो कहेसे बो अपनी इच्छन्के त्यागए और अपन क्रूस उठाएके मिर चेला बननके ताहीं आबए।

यूहन्ना 13:15

काहेकी मए तुमर ताहीं एक उदाहरण दिखाओ हओं, कि जैसो मए तुमर ताहीं करो हओं तुम फिर अइसियए करओ।

इफिसियों 5:2

ख्रीष्टको उदाहरणके पालन करके दुस्रेन्के प्रति प्रेमसे भरो भओ जीबन जीबओ, जौन तुमसे प्रेम करी और तुमर पापनके उठानके ताहीं अपनएके बलिदान करके दइदइ। और परमेश्वर जा कामसे खुसी रहए, काहेकी बो बलिदान बाके ताहीं सुगंधित धुपके समान रहए।

1 यूहन्ना 3:16

येशू ख्रीष्ट हमर ताहीं अपनो प्राण दइ। जहेमारे हम प्रेमके बुझे हएं और हमके फिर अपने बिश्वासी ददाभइयनके ताहीं अपनो प्राण देन पणत हए।

1 पतरस 2:24

जब ख्रीष्ट मरो, बा क्रूसमे हमर पापके ताहीं अपनो शरीरमे दण्ड भोगी। बा अइसो करी, ताकी हम पाप करन छोडके धार्मि हुइके जीबन जीइन सुरु कर पामएं। और बाको सहीभइ चोट द्वारा हम अच्छे भए हएं।

1 कोरिन्थी 11:1

जैसे मए ख्रीष्टको चाल चलत हओं, उइसी तुम फिर मिर जैसो चाल चलओ।

1 पतरस 4:1

जहेमारे ख्रीष्ट अपनो शरीरमे रहातए दुख भोगी, और तुम फिर बहे कता बिचार करके दुख उठान तयार होन पणत हए। काहेकी अगर तुम ख्रीष्टके ताहीं दुख उठान इच्छा करत हओ कहेसे, तुम पाप करन छोडनको फैसला करे हओ।

फिलिप्पी 2:5

जैसे येशू ख्रीष्टको स्वाभाव रहए उइसीयए तुमर स्वाभाव होबए।

मत्ती 11:29

मिर जुवा अपने उपर लेओ, और मिर पिच्छु आओ और मोसे सिखओ; काहेकी मए बिनम्र और कोमल ह्रदयको हओं: और तुम अपन प्राणमे बिश्राम पाबैगे।

रोमियों 8:29

काहेकी जौनन्के बा पहिलीएसे चुनलै हए, बिनके पहिलीयएसे बाको लौंणा कता होन फैसला करीहए, ताकी बाको लौंणा बहुत बिश्वासी ददाभइयन मैसे बडो हुइपामएं।

प्रेरित 14:22

और बे हरेक गाउँमे भए प्रभुके चेलनके मजबुत बनात बिश्वासमे रहिरहानके हौसला दइं। “परमेश्वरको राज्यमे पुगनसे पहिले हम दुख और कष्ट सहान पणैगो,” कहान बारी बात सिखाइ।

1 पतरस 3:18

मए अइसे कहात हओं काहेकी हमर पापके कारण ख्रीष्ट फिर दुख भोगी और मरो। बा एकए चोटी इकल्लो मरो और जाके दुस्रो चोटी करनके जरुरी नैयाँ। बा एक धर्मी आदमी रहए, जो पापी आदमीनके ताहीं मरो। ताकी बा हमके परमेश्वरके जौँणे लाए पाबए। बे बाको शरीरके मारीं, पर बाको आत्मा जिन्दा हए।

मत्ती 10:38

और जौन मिर अनुसरण नाएकरैगो और मिर ताहीं क्रूस नाए उठाबैगो, और मरनके ताहीं तयार नाए होबैगो; बो मिर चेला बननके ताहीं मिर पिच्छु नाए लगपए हए।

1 पतरस 3:9

खराबीको बदला खराबी, और अपमानको बदला अपमान नाए मत् करओ। बल्कि, बोको बदलामे आशिष देनके ताहीं परमेश्वर तुमके बुलाइ हए। अगर तुम अइसे करे कहेसे, परमेश्वर तुमके फिर आशिष देबैगो।

यूहन्ना 16:33

मए जा बात तुमसे जहेमारे कहो, कि तुमके मेरे कारणसे शान्ति मिलए। संसारमे तुमके समस्या आबैगो, पर सहास करओ, काहेकी मए जा संसारके सासक या शैतानके जितो हओं।”

प्रकाश 12:11

और हमर बिश्वासी, शैतानके हराए दइ हएं। बे, बोके थुमाको खुनको शक्तिसे हराए दइ हएं, जो उन्हएं उनको पापनके छुणानके ताहीं मरोगओ रहए। बे बोके हराए दइं, काहेकी बे जा स्वीकार करतए रहे, कि थुमा उनको परमेश्वर रहए। हियाँतककी, उन्हएं सतावगओ और मारोगओ, पर बे अपनो बो स्वीकारसे पिच्छु नाए हटे।

हिब्रू 2:10

परमेश्वर सब चीज सृष्टि करी और सब चीज बहेके हएं। जहेमारे बहुत आदमीनके बाको महिमामे सहभागी होन लैजानके ताहीं परमेश्वर निर्णय करी, कि मुक्तिको संस्थापक प्रभु येशूके दु:ख-भोगके माध्यमसे सिद्ध बनानो सही हए।

2 तिमोथी 3:12

तए अच्छेसे जान्त हए, कि आदमी बे सब जनैके सतामंगे जो ख्रीष्ट येशूके अनुयायीके रुपमे जीबन जीइन चाँहत हएं।

1 पतरस 1:20

जा संसारके सृष्टि होनसे अग्गु, येशू ख्रीष्ट मुक्तिदाता होबैगो कहिके परमेश्वर समयसे पहिलीए अठोट करी रहए। पर बा जे अन्तिम दिनमे जा संसारमे तुमर फाइदाके ताहीं आओ।

1 थेसलोनिकी 4:2

काहेकी तुम जानत हओ, कि जा हुकुम प्रभु येशूके घेनसे आओ हए।

1 थेसलोनिकी 3:3

ताकी कोइ जे दु:खके कारण डगमगाए नाए जाए। काहेकी तुम जानत रहओ, कि हमके दुख उठान पणैगो।

प्रेरित 17:3

पावल पबित्र-शास्त्रसे प्रमाण दइके बिनके अइसे सम्खाइ, “मुक्ति देन बारो राजा ख्रीष्ट दु:ख उठाएके मरनके रहए, और मरके जिन्दा होनके फिर रहए, और मए जौनके बारेमे तुमके सुनात हओं बहे येशू मुक्ति देन बारो ख्रीष्ट हए।”

प्रेरित 9:16

और मए बोके बतामंगो, कि आदमीनके मेरे बारेमे बात बतानके कारण बोके कैसे-कैसे दुख उठान पणैगो।”

लूका 24:26

जा जरुरी रहए, कि ख्रीष्ट जे सब दु:ख उठाबैगो और फिर अपनो महिमामे प्रबेश करैगो।”

1 पतरस 4:13

जाके बारेमे खुसी होबओ, काहेकी तुम ख्रीष्टको भोगो भओ कष्टमे सहभागी भए हओ। बहेमारे जब ख्रीष्ट सबए आदमीनके अपनो महिमा प्रकट करनके फिरसे आबैगो, तओ नेहात्तओ तुमर आनन्द बहुत होबैगो।