1 पतरस 2:2 - राना थारु नयाँ नियम

² मए तुमके नयाँ जनम भए बाल्कन सँग तुलना करत हओं। नयाँ जन्मो भओ बालकाके मजबुत होतए बढनके ताहीं रोज अइयाकी दुध चाँहत हए। उइसीयए तुमके फिर परमेश्वरको बचन सुनन इच्छा करन पणत हए, ताकी तुमर परमेश्वर उपरको भरोसा बढतए जाबए और तुम बाचाए जाबओ।

परमेस्वर को सच्चो वचन

² नया पैदा भै बालका के जैसी सुद्ध आत्मिक दूद की इच्छा करौ, ताकी जाकै पीन से तुम उद्धार पान के ताहीं बढ़त जाबौ।

1 पतरस 2:2 Referans Kwoze

इफिसियों 4:15

बल्कि, प्रेमसे सच्चो बात बोलके और हमएं हर तरिकासे पक्को होनचाहो। ताकी ख्रीष्टके कता बनपामएं, जो मुण हए।

2 पतरस 3:18

पर तुम लगातार हमर प्रभु और मुक्तिदाता येशू ख्रीष्टको अनुग्रहके बहुतसे बहुत अनुभव करे रहान पणत हए, और बाके बारेमे तुमर सम्झना बढन जरुरी हए। बाके अभए और सदासर्वदा प्रसंसा होए। आमेन।

मर्कूस 10:15

नेहात्तओ, मए तुमसे कहात हओं, जौन आदमी बालकनके कता अपनएके परमेश्वरको राज्यमे नाए सौँपत हए, कहेसे बे बाको राज्यमे बक आदमी नाए बनपामंगे।”

1 कोरिन्थी 14:20

हे मेरे बिश्वासी ददाभइयओ, एक बच्चा कता मत् सोँचओ, जब जा बुराइको बात आत हए तओ बच्चाके रुपमे निर्दोष होबओ। पर जे मेलके बातनके सम्झनमे परिपक्व होओ।

2 थेसलोनिकी 1:3

हे मेरे बिश्वासी ददाभइयओ, तुमर ताहीं हमके लगातार परमेश्वरके धन्यबाद देन पणो, और अइसो करनो हमरे ताहीं सही हए। काहेकी तुम प्रभु येशूमे लगातार बहुतसे बहुत बिश्वास करत हओ, और तुम सब लगातार एकदुस्रेसे बहुतसे बहुत प्रेम करत हओ।

मत्ती 18:3

और कही, “नेहात्तओ, मए तुमसे कहात हओं, मन बदलके तुम छोटो बालकनके कता नाए हुइहओ तओ कभु स्वर्गके राज्यमे घुस नाए पएहओ।

इफिसियों 2:21

ख्रीष्ट बो हए जो पुरो घरके एक साथ पक्णे रहात हए, और जाके परमेश्वरके ताहीं एक पबित्र मन्दिरके रुपमे बढात हए।

रोमियों 6:4

जहेमारे जब हम बप्तिस्मा लए तओ जा अइसो रहए, जैसे हम ख्रीष्टके सँग मरिगए और बाके सँग दफ्नाए गए, ताकी जैसे ख्रीष्ट दौवा परमेश्वरकी महिमाके द्वारा मरो भओ मैसे जिन्दा करोगओ, उइसीयए हम फिर एक नयाँ जीबन जिमंगे।

1 पतरस 1:23

काहेकी तुम परमेश्वरसे नयाँ जीबन पाएहओ। तुम जा जीबनके, नाश होन बारे बातसे नाए पाएहओ पर सदाके ताहीं रहो रहान बारो बातसे पाएहओ। हम जा नयाँ जीबन जिन्दा और अनन्त परमेश्वरको बचनसे पाए हएं।

मत्ती 19:14

तओ येशू कही, “बालकनके मिर ठिन आनदेओ, बिनके मत् रोकओ। काहेकी स्वर्गको राज्य अइसिनको हए।”

लूका 18:17

नेहात्तओ मए तुमसे कहात हओ, जौन एक बालकनके जैसो परमेश्वरको राज्यके ग्रहण नाएकरैगो, बो कोइ रितिसे बो भितर प्रबेश नाए कर्पएहए।”