1 पतरस 2:1 - राना थारु नयाँ नियम

¹ जहेमारे सबए मेलको खराब ब्यबहार करन इन्कार करओ। औरेनके धोखा मतदेओ, कपटी मत् होओ। औरेनको ईर्ष्या मत् करओ। दुस्रे आदमीनको बिरुद्ध खराब बात मत् करओ।

परमेस्वर को सच्चो वचन

¹ तभई, अपने तुमकै सबै बुराई से छुटकारा दियौ; कोई और जद्धे झूठ या पाखंड या जलन या बदनामी भाँसड़ के संग करो जाथै।

1 पतरस 2:1 Referans Kwoze

इफिसियों 4:31

सब गलत बात, लडाइ-झगडा और गुस्साके त्यागदेओ। बदनाम मत् करीयओ, सब किसिमके हिंसा करन तुम छोड देबओ।

याकूब 1:21

जहेमारे सब खराब बात और सब दुष्टसे दुर होबओ। नम्र हुइके तुमर मनमे धरो भओ परमेश्वरको बचनके अपनो बनाओ, काहेकी तुमर प्राणके जहे बचन बचाबैगो।

याकूब 4:11

हे मेरे बिश्वासी ददाभइयओ, एकदुस्रेके बिरुद्धमे खराब बात मत् बतकाबओ। जौन अपनो भइयाको बिरोध करत हए या भइयाके दोष लगात हए कहेसे बो मोशाको नियम कानुनके बिरोध करत हए। अगर तुम मोशाको नियम कानुनके बिरोध करत हओ कहेसे तुम मोशाको नियम कानुनके पालन करन बारे नाए हुइके मोशाको नियम कानुनके दोष लगान बारे बन्जात हओ।

1 पतरस 3:10

काहेकी पबित्र शास्त्रमे लिखो हए, “अगर एक आदमी अपनो जीबनको आनन्द लेन चाँहत हए, और अच्छे दिन देखनके चाँहत हए कहेसे, बोके खराब बात करनसे होसियार होन पणैगो और बोके बे बात मस्कनके छोडन पणैगो जो सच्चे नाए हएं।

1 पतरस 4:4

जहेमारे तुमर पुराने सँगी अचम्मो मानत हएं, जब तुम बिनके करन बारो दुष्ट कामनमे सामिल नाए होत हओ। बहेमारे बे तुमर बारेमे खराब बात मस्कत हएं।

1 पतरस 4:2

परिणामके रुपमे बो आदमी जा पृथ्वीमे अपनो बाँकी जीबन अपनुवए पापी मानब इच्छा पुरा करके नाए जिइबैगो, पर बो परमेश्वरके चाहो भओ बात करैगो।

याकूब 5:9

हे मेरे बिश्वासी ददाभइयओ, एकदुस्रेके उपर दोष मत् लगाबओ, ताकी तुम दोषी नाए ठहिरओ। देखओ, न्याय करन बारो बहुत ढिँगै हए, और बा आनके तयारीमे हए।

हिब्रू 12:1

हमर आसपिस अइसे बहुत आदमी हएं, जौनको जीबन हमके बिश्वासको अर्थ बतात हए। बहेमारे हमर डगरमे आन बारे बाधा और हमके फसान बारो पापके हम हटामएं और हमर दौडके धैर्यसाथ दौरएं।

1 तिमोथी 3:11

अइसियए मण्डलीको सेवा करन बारेनकी बैयर सम्मानको लायक होन पणत हए; और दुस्रेनके बारेमे खराब बात बत्कान बारी नाए होबए, पर शान्त तरिकासे ब्यबहार करन बारी होबए, ताकी उनके उपर हर चीजमे भरोसा करपामएं।

1 पतरस 2:22

पबित्र-शास्त्रमे लिखो हए, “बा कभी फिर पाप नाए करी, और बा कभी फिर कोइ झुट नाए मस्की।”

तीतुस 2:3

अइसियए करके बुढी बैयर अइसो ब्यबहार करएं, जो हर बातमे परमेश्वरके सम्मान देमएं; दुस्रेनके बारेमे खराब बात बत्कान बारी और दारु पिइन बारी नाए होमएं, पर उनके एक अच्छो जीबन जीइनको तरिका सिखन पणो।

1 कोरिन्थी 14:20

हे मेरे बिश्वासी ददाभइयओ, एक बच्चा कता मत् सोँचओ, जब जा बुराइको बात आत हए तओ बच्चाके रुपमे निर्दोष होबओ। पर जे मेलके बातनके सम्झनमे परिपक्व होओ।

रोमियों 1:29

बे सब किसिमके पाप, दुष्टता, स्वार्थ, हिर्ससे भरे हएं। बे दिक्क, हत्या, लणाइ झगडा, छल, और बिजरोसे भरिगए। और बे चुग्ली खान बारे,

लूका 6:42

जब तुमर अपनी भितर बणी-बणी गल्ती हएं, तओ तुम छोटी गल्ती करन बारे आदमीनके मदत करनके कोसिस मत् करओ! ए कपटी, पहिले अपन बडो गल्तीके सुधार फिर तए सफासे अपन भइयाकी आँखीको कुराके निकार पबैगो। और बिनकी छोटी गल्तीके सुधारनमे मदत कर पबैगो।”

मत्ती 23:28

अइसियए तुम फिर बाहिर आदमीनके अग्गु धर्मी दिखात हओ, पर भितर कपटी और अधर्म कामसे भरेहओ।”

मत्ती 7:5

ए कपटी, पहिले अपन बडो गल्तीके सुधार फिर तए सफासे अपन भइया कि आँखीको कुराके निकार पबैगो। और बिनकी छोटी गल्तीके सुधारनमे मदत कर पबैगो।

2 कोरिन्थी 12:20

काहेकी मोके डर हए, कहुँ अइसो नाए होए, कि मए आएके जैसो चाँहत हओं, उइसो तुमके नाए पामओं। और मोके फिर जैसो तुम नाए चाँहत हओ उइसीयए पाबओ। मोके डर हए, कि तुममे लडाइ, डाह, क्रोध, स्वार्थ, बिजरो, चुग्ली, घमण्ड और गोलमाल हुइ सकत हए।

प्रकाश 14:5

बे कभी फिर नाए ठगी हएं, बे निर्दोष हएं।

1 पतरस 2:16

तुमके चाहो अनुसार काम करनसे तुमके रोकपान बारो कोइ नाए हए। काहेकी तुम हमर प्रभु येशू ख्रीष्टसे स्वतन्त्र करेगए हओ। पर जाके तुम खराब कामको बहाना मतबनाबओ। पर तुमके अपनो काममे जा दिखान पणैगो, कि तुम नेहात्तओ परमेश्वरके सेवक हओ।

याकूब 4:5

का तुम जा सम्झत हओ, कि पबित्र-शास्त्र अइसो कहात हए, “हमरे भितर परमेश्वरको धरो भओ आत्माके ताहीं बा बहुत बडो इच्छासे चाहना करत हए?”

याकूब 3:14

पर अगर तुम अपने-अपने मनमे बहुत जलन होनो और स्वार्थ हए, कहेसे तुमर घमण्ड एक झुटो हए, जौन सच्चाईके लुकात हए।

1 थेसलोनिकी 2:3

काहेकी हमर सिखाओ भओ शिक्षा झुठो और खराब सोँच या कोइ छल नाए रहए।

1 कोरिन्थी 5:8

तओ आओ हम निस्तार तेवहार मनात हएं। निस्तारके समयमे, यहूदी अपने घरसे सब खमिरके फेक देत हएं। उइसीयए, हमके बिश्वासी बननसे पहिले हम जौन तरिकासे ब्यबहार करत रहएं, बो कामके करन बन्द कर देन चाहो। बो निस्तारके समयमे, यहूदी रोटी खाइं, जोमे कोइ खमिर नाए रहए। उइसीयए, हमके ब्यबहार करन चाहो। काहेकी परमेश्वरके आदमीनके अइसो ब्यबहार करन चाहो जैसे हमरे जीबनमे कोइ मेलको फिर खराब ब्यबहार नाए हए। जोको मतलब, हमरे दिलमे धोखासे फिर खराब बात छिपन नाए चाहो, बल्कि इमान्दारीसे ख्रीष्टको अनुसरण करन चाहो।

यूहन्ना 1:47

येशू नथानेलके अपने घेन आत देखके बक बारेमे कही, “देखओ, एक जनै भरोसालायक इस्राएल देशको (जौन याकूब) पिढी हए: जौन पुरा रितिसे इमान्दार हए।”

लूका 11:44

परमेश्वर तुमके दण्ड देहए! काहेकी तुम बो चिहान हानी हओ, जो नाए दिखात हएं, और पता नाए पाएके आदमी बिनके उपर नेँगत हएं।”

लूका 12:1

जहे बीचमे जब हजारौँ मनैको भिड जमा भओ, हियाँतककी एकदुस्रेके चिबदानलागे, तओ येशू पहिले अपन चेलासे कहान लागो, “तुम फरिसीनको समुहको खमिरसे होसियार बैठओ!” कहाइको अर्थ हए, “बिनको कपटीपनसे होसियार रहाओ, बो खमिर बिनको खराब बानी हए।”

मर्कूस 12:15

का हमके करदेन पणो या नाए देनपणो?” येशू उनको कपटीपन पता पाएके उनसे कही, “तुम काहे मोके गलत बात बताएके फसानके कोसिस करत हओ? एक चाँदीको सिक्का लाएके मोके दिखाओ।”

मत्ती 24:51

तओ मालिक नोकरके कडा दण्ड देबैगो; और नोकर, कपटीनके ठिन फेँको जाबैगो। हुवाँ रुइहएं, और दाँत किटकिटए हएं।”

मत्ती 15:7

ठगीओ, यशैया ठिक कही रहए जब बा पबित्र-शास्त्रमे तुम जैसे कपटीन्के बारेमे भबिष्यबाणी करी,