1 पतरस 1:8 - राना थारु नयाँ नियम

⁸ तुम येशूके कभु नाएदेखे हओ, तहुँफिर तुम बाके प्रेम करत हओ। तुम बाके हबए नाए देखैगे। पर तुम बामे बिश्वास करत हओ, बहेमारे तुम बहुत खुसी हओ। तुम कित्नो खुसी हओ कहिके बर्णन करनके सब्द नाए हएं।

परमेस्वर को सच्चो वचन

⁸ तुम बासे प्रेम करथौ लेकिन तुम बाकै नाय देखे हौ, और तुम बाके ऊपर बिस्वास करथौ, हालाकि अब तुम बाकै नाय देखथौ। तभई तुम बौ बड़े और महिमा मैं खुसी से भर गै हौ जोकै सब्द बयाँ नाय कर सकथैं,

1 पतरस 1:8 Referans Kwoze

यूहन्ना 20:29

तओ येशू बोसे कही, “तए त मोके देखके बिश्वास करो हए। पर धन्य हएं बे, जौन मोके नाए देखके फिर बिश्वास करीं।”

2 कोरिन्थी 5:7

परमेश्वरके देखके नाए, बल्कि हम बामे बिश्वास करके जीइत हएं।

रोमियों 15:13

मए प्राथना करत हओं, कि परमेश्वर जो आसरा देन बारो हए, तुमके बिश्वास करनमे पुरा रुपसे खुसी और शान्तिको आनन्द लेनमे मदत करसकए। ताकी पबित्र आत्माको शक्तिसे तुमर आसरा बढतए जाए।

हिब्रू 11:1

बिश्वास करनको मतलब आसरा करोभओ बातमे निर्धक्क होनो और नाएदेखो भओ बातमे पक्का भरोसा करनो हए।

यूहन्ना 16:22

अइसियए, तुमके फिर त पिडा हए, पर मए तुमसे फिरसे मिलंगो और तुम आनन्दित होबैगे, और तुमर आनन्द कोइ तुमसे नाए छिनाए पएहए।

2 कोरिन्थी 4:18

हम दिखान बारी बातके नाए, बल्कि नाए दिखान बारी बात देखत हएं, काहेकी दिखान बारी बात क्षणिक होत हएं, पर अदृश्य बात अनन्ततक रहात हएं।

1 पतरस 1:6

तुमके जे सबए बातके बारेमे खुसी होन पणैगो, तहुँफिर अभए थोरी समयके ताहीं तुमके बिभिन्न किसिमको कष्ट सहान पणैगो।

हिब्रू 11:27

राजाको गुस्सासे नाए डराएके बिश्वासए द्वारा बो मिश्रदेश छोडी, काहेकी कठिनाइको सामना करनके बाबजुत फिर बो नाए लौटो। काहेकी बोके अइसो लागत रहए, कि बो अदृश्य परमेश्वरके देखी होए।

1 पतरस 2:7

तुम येशू ख्रीष्टमे बिश्वास करन बारेनके ताहीं जा पत्थर बहुत मुल्यवान हए, पर बामे बिश्वास नाए करन बारे आदमीनके बारेमे पबित्र-शास्त्र कहात हए कि, “जौन पत्थरके घर निर्माण करन बारे प्रयोग करनके इन्कार करीं बहे पत्थर घर बनात पेती बहुमुल्य पत्थर बनो हए।”

फिलिप्पी 4:4

प्रभुमे रोज आनन्द करओ, मए फिरसे कहात हओं, आनन्द करओ।

1 पतरस 5:4

जब येशू ख्रीष्ट लौटके आबैगो, जो हमर प्रमुक बक्रेहेरा हए, तओ तुमके एक सुन्दर मुकुट देबैगो, जौनको चमक कभी फिर कम नाए होबैगो।

इफिसियों 6:24

परमेश्वर बे सबके अनुग्रह दिखाबए जो हमर प्रभु येशू ख्रीष्टसे प्रेम करत हएं। बो प्रेम, जो कभी खतम नाए होतहए।

फिलिप्पी 1:25

और जहेमारे, कि मोके जाको भरोसा हए। मए जानत हओं, कि मए जिन्दा रहामंगो, और तुम सबके सँग रहिके मए तुमर बिश्वासमे मजबुत होनके और बोमे खुसी होनके ताहीं मदत करंगो।

रोमियों 14:17

काहेकी परमेश्वरको राज्यमे खानपिन महत्वपूर्ण नाए हए। बल्कि महत्त्वपूर्ण बात परमेश्वरके सँग धर्मी शान्ति और पबित्र आत्मामे आनन्दित हुइके जिइनो हए।

यूहन्ना 14:24

जो मोके प्रेम नाए करत हए, बो मिर बचनके आज्ञापालन नाए करत हए और जो बचन तुम सुनत हओ बे मए अपनएसे नाए कहो हओं पर मोके पठान बारो दौवासे आओ हए।”

यूहन्ना 8:42

येशू बिनसे कही, “नेहात्तओ तुमर दौवा परमेश्वर हुइतो तओ तुम मोके प्रेम करते, काहेकी मए परमेश्वरके घेनसे आओ हओं; मए अपनो इच्छासे नाए आओ हओं, बल्कि परमेश्वर मोके पठाइ हए।

फिलिप्पी 3:3

काहेकी खास करके हम परमेश्वरके आदमी हएं, जो परमेश्वरको आत्माकी अगुवाईसे आराधना करत हएं, और येशू ख्रीष्टमे घमण्ड करत हएं, और शरीरके उपर भरोसा नाए करन बारे सच्चो खतना हम करेहएं।

गलातियों 5:22

जब पबित्र आत्मा हमके अगुवाई करत हए, तओ बा हमके प्रेम करनके, आनन्दित रहानके, शान्तिमे रहानके, धिरज करनके, दया दिखानके, भलाइ करनके, भरोसा करनके,

गलातियों 5:6

अगर तुम ख्रीष्ट येशूके चेला हओ तओ जा बातसे कोइ फरक नाए पणत हए, कि तुमर खतना भओहए या नाए भओहए, पर जरुरी बात जा हए, कि हम ख्रीष्टके हमर मुक्तिदाताके रुपमे बिश्वास करत हएं। और हम परमेश्वर और दुस्रे आदमीनके प्रेम करत हएं।

2 कोरिन्थी 12:4

और हुवाँ नाए बतान बारी बात बो सुनी, जौनको बारेमे औरेनके बतानके ताहीं आदमीनके अनुमति नाए हए।

2 कोरिन्थी 9:15

आबओ, कोइ फिर पुरा रुपमे ब्याख्या नाए करपान बारो बाको बरदानके ताहीं परमेश्वरके धन्यबाद देमएं।

2 कोरिन्थी 1:22

और बा हमर उपर अपन छाप लगाइ हए, और हमर ह्रदयमे बैनाके रुपमे पबित्र आत्मा दइ हए।

प्रेरित 16:34

तओ हाकिम, पावल और सिलासके अपने घरमे खानु खबाइ। हाकिम परमेश्वरके उपर बिश्वास करनके कारणसे बे सबए खुसी भए।

यूहन्ना 14:21

जौन मिर आज्ञाके जान्त हए और बोके पालन करत हए कहेसे बो मोके प्रेम करत हए, और जो मोसे प्रेम करैगो बोके मिर दौवा फिर प्रेम करैगो, और मए फिर बोके प्रेम करंगो, और मए अपनए बोमे दिखाइ पणंगो।”

यूहन्ना 14:15

अगर तुम मोके प्रेम करत हओ कहेसे, जो आज्ञा मए तुमके दओ हओं बोके फिर पालन करओ।

मत्ती 10:37

जौन मोसे जद्धा अपन दौवा या अइयाके अपनए कता प्रेम करैगो, बो मिर चेलाको लायक नैयाँ, और जौन मोसे जद्धा अपन लौंणा या लौंणीयाके प्रेम करैगो, बो फिर मिर चेला बननके लायकको नाए हए।

1 कोरिन्थी 16:22

अगर कोइ प्रभुसे प्रेम नाए करत हए कहेसे बो सरापित हए। हे हमर प्रभु, आबओ!

इफिसियों 3:19

तुम जान सकत हओ, कि ख्रीष्ट हमके कित्नो प्रेम करत हए ताकी परमेश्वर तुमके अपनो स्वभाबसे भर पाबए।