1 पतरस 1:5 - राना थारु नयाँ नियम

⁵ परमेश्वर अपनो बडो शक्ति द्वारा तुमके सुरक्षित रक्खैगो काहेकी तुम येशूमे बिश्वास करत हओ। बा तुमके अनन्त दिनतक सुरक्षित रक्खैगो, जब ख्रीष्ट लौटके आबैगो। तओ तुमके पता चलैगो, कि परमेश्वर तुमके पुरा रुपसे पाप और मृत्युसे बचाइ हए।

परमेस्वर को सच्चो वचन

⁵ बे तुमरे ताहीं हैं, जो बिस्वास के जरिये से परमेस्वर की सामर्थ्य के जरिये बौ उद्धार के ताहीं सई सलामत रखे जाथैं जो समय के अंत मैं दिखाई देन के ताहीं तैयार है।

1 पतरस 1:5 Referans Kwoze

फिलिप्पी 1:6

मोके जा बातको भरोसा हए, कि परमेश्वर तुममे कुछ अच्छो काम करन सुरु करीहए, और परमेश्वर बो दिनमे पुरा करैगो, जब येशू ख्रीष्ट लौटके आबैगो।

इफिसियों 2:8

काहेकी जब तुम बिश्वास करे तओ परमेश्वर अपने अनुग्रहसे तुमके बचाएलै, और तुम अपनए कोसिस करके बचे नाए हओ, बल्कि जा परमेश्वरको बरदान हए।

1 पतरस 1:13

बहेमारे, तुम का करत हओ कहिके बारेमे अच्छेसे सोँचओ और अपनएके नियन्त्रण करओ। मुक्ति पानको आसरा करओ जौन अनुग्रहसे आत हए, जो तुमके येशू ख्रीष्टको जा संसारमे लौटके आन बारो दिनमे दओ जाबैगो।

यहूदा 1:1

मए यहूदा जा चिट्ठी तुमके लिखनडटो हओं। मए येशू ख्रीष्टको दास और याकूबको भइया हओं। मए जा चिट्ठी परमेश्वरमे बिश्वास करनके बाके द्वारा बुलाएभए आदमीनके लिखनडटो हओं। तुमके परमेश्वर हमर दौवा प्रेम करत हए और येशू ख्रीष्टमे सुरक्षित रक्खी हए।

हिब्रू 9:28

उइसी करके बहुत आदमीनको पाप उठाए लैजानके ताहीं ख्रीष्ट अपनएके एकए चोटी बलि करी। और येशू दुस्रो चोटी फिर आबैगो। बो बेरा अपनएके पापके ताहीं बलि करनके नाए, पर बाको डगर देखके बैठन बारेनके बचानके ताहीं आबैगो।

2 तिमोथी 3:15

और बच्चएसे तए पबित्र-शास्त्रके सिखो हए, जो तोके जा सम्झनमे मदत करत हए, कि जब तए येशू ख्रीष्टमे बिश्वास करत हए तओ परमेश्वर तोके बचात हए।

गलातियों 2:20

जा अइसो रहए, जैसे मए ख्रीष्टके सँग क्रूसमे मरीगओ, और अब मए जिन्दा नाए हओं, पर ख्रीष्ट मोएमे जीइत हए; जैसे मए अब जिइरहो हओं। अब मए परमेश्वरको लौंणामे भरोसा करके जीइ रहो हओं, जो मोसे इतनो जद्धा प्रेम करत हए, कि बा मेरे ताहीं अपनी ज्यान दइदइ।

यूहन्ना 17:15

मए तुमसे अइसे प्राथना नाए करत हओं, कि तुम उनके संसारसे उठाएलेओ, पर जा प्राथना करत हओं, कि तुम उनके शैतानसे रक्षा करओ।

तीतुस 2:13

हम अइसे ब्यबहार करत हएं, जब हम बेहीं अदभुत दिनको प्रतीक्षा कर रहे हएं, जोको हमके आसरा हए; बहे दिन जब प्रभु येशू ख्रीष्ट, जो हमर महान परमेश्वर और मुक्तिदाता हए, अपनो सारे महिमाके सँग पृथ्वीमे लौटके आबैगो।

इफिसियों 3:17

तुमके अपने दिलन्मे मजबुत होनचाहो, ताकी जब तुम ख्रीष्टमे बिश्वास करओ तओ बा तुमर दिलमे रहाए। मए प्राथना करत हओं, कि परमेश्वरके ताहीं और एकदुस्रेके ताहीं तुमर प्रेम तुमके मजबुत बनाबए और तुमके गिरनसे बचाबए।

रोमियों 11:20

जा सत्य हए, बे त अबिश्वासीके कारण काटेगए, पर तुम बिश्वाससे बने रहात हओ जहेमारे घमण्डी मतहोबओ, पर डर मानओ।

यूहन्ना 12:48

मिर बात सुनके फिर बिश्वास नाए करहए कहेसे बोके ताहीं एक जनै न्याय करन बारो हए। जौन बात कहो बहे बात अन्तके दिनमे न्याय करैगो।

यूहन्ना 5:24

“मए तुमसे नेहात्तओ कहात हओं, जौन मिर बचनके सुनके मोके पठान बारोके उपर बिश्वास करत हए, बो कभी फिर नाश नाए होन बारो जीबन पबैगो, और बो दण्डमे नाए पणैगो, और बो अनन्तकालको मृत्युसे बचाओ जाबैगो, और बो पहिलीयएसे नयाँ जीबनमे प्रबेश करडारी हए।

यहूदा 1:24

परमेश्वर तुमके बचान सिकैगो, ताकी तुम पापमे जीबन जीइनके ताहीं धोखामे नाए पणओ। बा महिमित परमेश्वर तुमके निष्कलङक और आनन्दसे भरो भओ बनानके तुमके अपने ठिन फिर्ता करलेबैगो।

1 यूहन्ना 3:2

मेरे प्यारे सँगीउ, अब हम परमेश्वरके सन्तान हएं, और अबतक जा प्रकट नाए भओ हए, कि हम कैसे होमंगे! इतकए जानत हएं, कि जब येशू ख्रीष्ट आबैगो; तओ हम फिर बाके हानी होमंगे। काहेकी बाके उइसीयए देखंगे, जैसो बा हए।

2 कोरिन्थी 1:24

हम तुमर बिश्वासके उपर हमर अधिकार जमान नाए चाँहत हएं। पर तुमर आनन्दके ताहीं तुमरे सँग मिलके काम करत हएं। काहेकी अपन बिश्वासमे तुम स्थिर हओ।

यूहन्ना 4:14

पर जौनकोइ मिर दइभइ पानी पिइहए, बोके कभु प्यास नाए लगैगो। और जौन पानी मए बोके देमंगो, बो अइसो पानी देतएरहान बारो कुँइँयाँ बन्जएहए, जौन बोके कभी फिर नाश नाए होन बारो जीबन देहए।”

रोमियों 8:18

मए निश्चित हओं, कि जो महिमा परमेश्वरसे हमके पिच्छु मिलैगो, बो महिमा दुख और कष्टसे बहुत बडी हए जो हम अभए सहिरहेहएं।

1 कोरिन्थी 1:21

मए जा जहेमारे कहात हओं, काहेकी परमेश्वर बुद्धिमानके साथ जा फैसला लइ, कि जा संसारके आदमी अपनो ज्ञानके द्वारा बोके जाननमे सक्षम नाए होमंगे। जहेमारे परमेश्वर बे आदमीनके बचानको बिचार करी जो बो अच्छो समाचारमे बिश्वास करत हएं जौनको हम परचार करे, हियाँतककी बे आदमी जो बिश्वास नाए करत हएं, कि हमर परचारको कोइ फाइदा नाए हए।

फिलिप्पी 4:7

तओ परमेश्वरको शान्ति, जो आदमीको समझके बाहेर हए, जहे शान्ति तुमर हृदय और बिचारनके ख्रीष्ट येशूमे बचाएके धरैगो।

1 पतरस 4:13

जाके बारेमे खुसी होबओ, काहेकी तुम ख्रीष्टको भोगो भओ कष्टमे सहभागी भए हओ। बहेमारे जब ख्रीष्ट सबए आदमीनके अपनो महिमा प्रकट करनके फिरसे आबैगो, तओ नेहात्तओ तुमर आनन्द बहुत होबैगो।

1 पतरस 5:1

मए हुवाँके मण्डलीके अगुवनके फिर कुछु कहान चाँहत हओं। काहेकी मए फिर तुमर कता एक अगुवा हओं। मए अपनए ख्रीष्टके मिलो भओ दुखके बहुत समय अग्गु देखो हओं। जब बा फिरसे लौटके आबैगो, मए फिर बाके महिमामे साझेदार होमंगो। अब मए तुमके आग्रह करत हओं,

2 पतरस 1:3

परमेश्वर अपनो ईश्वरीय शक्ति द्वारा बाके खुसी बनान बारो जीबन जिनके ताहीं हमके चाहो भओ सब चीज दइ हए। जा सम्भब हए, काहेकी हम परमेश्वरके चीन्हत हएं और बहे हए जो हमके अपनो महिमा और नैतिक भलाइ द्वारा हमके अपनो आदमी होनके बुलाइ हए।