1 पतरस 1:12 - राना थारु नयाँ नियम

¹² पर परमेश्वर बे अगमबक्तनसे कही कि बिनको सन्देश अपने ताहीं नाए बल्कि तुमर ताहीं हए, जौन तुम हबए सुने हओ। परमेश्वर स्वर्गसे अपनो पबित्र आत्माके, तुम आदमी, अच्छो समाचार परचार करपाबओ कहिके मदत करनके पठाइ। जा सब इत्नो अचम्मोको हए कि स्वर्गदूत फिर उत्सुकताके साथ जे बात भओ देखरहे हएं।

परमेस्वर को सच्चो वचन

¹² परमेस्वर जे नबियन कै बताई कि उनको काम उनके अपने फायदे के ताहीं नाय रहै, लेकिन तुमरी सेवा के ताहीं है, जैसी कि बे उन चीजन के बारे मैं बात करीं, जो तुम अब बे दूतन से सुने हौ, जो स्वर्ग से भेजी गई पवित्र आत्मा की सक्ति से सुसमाचार को ऐलान करीं। जे ऐसी चीजैं हैं जिनकै देवदूतौ समझनो चाहंगे।

1 पतरस 1:12 Referans Kwoze

यूहन्ना 15:26

“मए दौवाके घेनसे तुमर ताहीं एक सल्लाहकार पठामंगो। बा बो आत्मा हए जो परमेश्वरके बारेमे सच्चाईके प्रकट करत हए, जब बा आबैगो तओ बो तुमके मेरे बारेमे गवाही देबैगो।

इफिसियों 3:10

अब परमेश्वरको उदेश्य, मण्डलीके प्रयोग करके बाको बहुत मेलको ज्ञान, बे सब आत्मनके उपर प्रकट कर्नो हए, जौनको अधिकार और शासन अनदेखी संसारमे हए।

1 कोरिन्थी 2:10

पर परमेश्वर जे बातनके हममे अपनो पबित्र आत्मा द्वारा प्रकट करी; काहेकी अइसो कुछ नाए हए जो परमेश्वरको आत्माके पता नाए होबए। हियाँतककी परमेश्वरको गहिरी बिचारनके फिर बा ठिकसे जानत हए।

हिब्रू 4:2

जैसी हम येशू ख्रीष्टके बारेमे अच्छो समाचारको परचार सुनेहएं, इस्राएल देशके आदमी फिर बिश्रामको ठाउँमे प्रबेश करनके खुसीको परचार सुनि रहएं। पर बे जामे बिश्वास नाए करीं। जहेमारे बो सन्देश बिनेके ताहीं काम नाए लागन बारो भओ।

मर्कूस 16:15

तओ येशू उनसे कही, “संसारमे हर ठिहामे जाओ और सब आदमीनके बीच अच्छो समाचार परचार करओ।

1 पतरस 1:25

पर प्रभुको बचन सदासर्वदा रहो रहात हए।” और तुमके परचार करो भओ अच्छो समाचारको बचन जहेहए।

प्रकाश 5:11

जब मए फिरसे देखो, तओ अचानकसे मए लाखओं-लाख स्वर्गदूतनकी अबाज सुनो, उनकी गिन्ती नाए करोजाए सकत रहए। बे चार जिन्दा प्राणी और बे चौबिस जनै धर्मगुरु, सबए बो राजाके सिंहासनके आसपिस रहएं।

2 कोरिन्थी 6:6

शुध्दतामे, ज्ञानमे, धैर्यमे, दयामे, पबित्र आत्माको अगुवाईमे, सच्चो प्रेममे,

2 कोरिन्थी 1:22

और बा हमर उपर अपन छाप लगाइ हए, और हमर ह्रदयमे बैनाके रुपमे पबित्र आत्मा दइ हए।

रोमियों 15:19

पबित्र आत्मासे मोके दओगओ शक्तिसे मए अचम्मोके काम और चमत्कार करत हओं। जहेमारे जहाँ फिर मए यरूशलेम सहरसे लैके इल्लुरिकन परदेश तक गओ हओं, मए हुवाँ सब आदमीनके येशू ख्रीष्टके बारेमे अच्छो समाचार सुनाओ हओं।

प्रेरित 2:33

अब बा स्वर्गमे परमेश्वरको दहिना हात घेन सबसे बडो सम्मानको ठाउँमे बिराजमान हए। और दौवा जैसे बाके बाचा करी रहए, उइसियए बाके पबित्र आत्मा दइ और बो पबित्र आत्मा हमके दइ हए, जैसेकी तुम आजकाल देख रहेहओ और सुनरहे हओ।

हिब्रू 2:4

और परमेश्वर अपनो इच्छा अनुसार जा सन्देशके चिन्हा और अचम्‍मको कामसे और बहुत किसिमको शक्तिशाली काम करके और पबित्र आत्माको बरदान दइके सत्य साबित करिहए।

गलातियों 1:16

मोएमे अपनो लौंणाके प्रकट करी, कि मए गैर-यहूदीनमे बाको अच्छो समाचार परचार करओं; और मए कोइके ठिन सल्लाह लेनके ताहीं नाए गओ।

गलातियों 1:12

काहेकी मए जा अच्छो समाचार पुर्खनसे नाए सिखो और नए त कोइ धार्मिक गुरु मोके जा सिखाइ। पर येशू ख्रीष्ट मोके अच्छो समाचार सम्झनमे मदत करी।

रोमियों 10:15

और कोइ आदमी परमेश्वरके बारेमे बतानसे पहिले बो आदमीके पठान चाहो। जहेमारे पबित्र-शास्त्र कहात हए, “अच्छो समाचार परचार करन बारेनको पाउँ कित्नो सुथ्रो हए!”

रोमियों 1:17

काहेकी अच्छो समाचारमे परमेश्वर हमके अपनी दृष्टिमे सही बनातहए। और जा पुरा रुपसे बिश्वास द्वारए आतहए। जैसे पबित्र-शास्त्रमे लिखो हए, “बो आदमी जो बिश्वासके द्वारा परमेश्वरमे धर्मी ठहिरो हए, बो जिन्दा रहाबैगो।”

लूका 15:10

मए तुमसे कहात हओं, जहे रितिसे एक पाप करन छोडके परमेश्वर घेन घुमन बारे पापीके ताहीं परमेश्वरको स्वर्गदूत अग्गु आनन्द होबैगो।”

मत्ती 11:25

बो बेरा येशू कही, “हे दौवा परमेश्वर, बादर और पृथ्वीके प्रभु, मए तुमके धन्यबाद चढात हओं, काहेकी तुम जा बात बुद्धिमान और समझदार आदमीसे छिपाएके रक्खे, और जौन आदमी छोटे बच्चा कता हए बिनके प्रकट करेहओ।

1 थेसलोनिकी 2:9

हे मेरे बिश्वासी ददाभइयओ, हम रातदिन कामधन्दा करतए तुमर बीचमे परमेश्वरको अच्छो समाचार परचार करे। ताकी हमसे जो जरुरत हए बोके पुरा करनके ताहीं तुमके कुछ देनके जरुरी नाए पणए कहिके हम मेहेनत और दुख करे कहान बारी बातके तुम सम्झत हओ।

लूका 9:6

तओ बे हुवाँसे बिदा भए, और अच्छो समाचार परचार करत और सब ठाउँमे रोगीनके अच्छो करत गाउँ-गाउँ गए।

लूका 2:26

पबित्र आत्मा बोके बताइ, कि प्रभु येशू ख्रीष्टके नाए देखेतक मरैगो नाए।

मत्ती 16:17

येशू बिनसे कही, “योनाको लौंणा सिमोन, तुम धन्य हओ। काहेकी आदमीको शरीर और खुनसे जा प्रकट नाए भओ हए, पर स्वर्गमे होन बारो मिर दौवासे प्रकट भओ हए।

मत्ती 11:27

मिर दौवा मोके सब कुछको जिम्मा दइ हए। केबल बहे इकल्लो हए जो लौंणाके चिन्हत हए, और बे आदमी चिन्हत हएं, जो लौंणा दौवाके देखन चाँहत हए।

हिब्रू 11:13

जे सबए आदमी जो परमेश्वरमे भरोसा करीं, बे चिजनके प्राप्त करे बिना मरिगए जोको वादा परमेश्वर करी रहए। पर बे परमेश्वरको भबिष्यमे करन बारो काम बुझके खुसी भए। और बे जा फिर बुझलैं, कि हम जा धर्तीमे परदेशी और अन्जान हएं।

रोमियों 1:15

जहेमारे मए तुमके फिर, जो रोम सहरमे रहात हओ, अच्छो समाचार परचार करनके बहुत इच्छा हए।

प्रेरित 16:10

पावल उइसो दर्शन पाइ, तओ हम तुरन्त माकेडोनिया परदेशके इलाका घेन जानके तयार भए काहेकी हुवाँके आदमीनके प्रभुको अच्छो समाचार परचार करनके परमेश्वरए बुलाइ हए कहान बारी बात हमके पता भओ।

प्रेरित 10:44

पत्रुस जे बात बतकातए-बतकात बचन सुनन बारे सबमे पबित्र आत्मा आइगओ।

प्रेरित 8:25

और इत्का कहिके पत्रुस और यूहन्ना गवाही दइके और प्रभु येशूको बचन सुनाएके, यरूशलेम सहरमे लौटिगए और बे सामरिया परदेशके बहुत गाउँमे अच्छो समाचार परचार करीं।

प्रेरित 4:31

जब बे प्राथना करडारीं तओ जहाँ बे जमा भए रहएं, बो ठाउँ हालिगओ। और बे सब जनै पबित्र आत्मासे भरिगए और बे परमेश्वरको बचन हिम्मतसे सुनातए रहे।

प्रेरित 4:8

तओ पबित्र आत्मासे भरके पत्रुस बिनसे कही, “आदमीनके सासक और यहूदी अगुवनको समुहओ,

1 तिमोथी 3:16

बिना कोइ शंखाके हम जा बातके कहे सकत हएं कि, परमेश्वरसे प्रकट करेभए सन्देश पुरा रुपसे सच्चे हएं, अर्थात् ख्रीष्ट एक आदमीके रुपमे प्रकट भओ, बाके पबित्र आत्माके द्वारा परमेश्वरको लौंणाके रुपमे साबित करोगओ, स्वर्गदूत बाके देखीं, येशूसे चुनेभए चेला हर ठिहा बाके बारेमे जति-जातिनके अच्छो समाचार सुनाइं, संसार भरके आदमी बाके उपर बिश्वास करीं, और परमेश्वर बाके स्वर्ग उपर उठाए लैगओ।

1 पतरस 4:6

जहेमारे मरे भए आदमी फिर ख्रीष्टको बारेमे अच्छो समाचारको परचार सुनीं। उनको शरीर, औ सब आदमीन कता मरन पणो, पर अब बे सदासर्वदा परमेश्वरसँग आत्मामे जिइरहे हएं।