1 यूहन्ना 3:5 - राना थारु नयाँ नियम

⁵ और तुम जानत हओ, कि येशू ख्रीष्ट पापनके हटानके ताहीं आओ, और बामे कोइ पाप नाए हए।

परमेस्वर को सच्चो वचन

⁵ तुम जानथौ कि मसीह पापन कै दूर करन के ताहीं दिखाई दई, एक और जौ कि उनमैं कोई पाप नाय है।

1 यूहन्ना 3:5 Referans Kwoze

2 कोरिन्थी 5:21

ख्रीष्टमे पाप नाए रहए, परमेश्वरके नजरमे हम धर्मी बनन सिकएं कहिके ख्रीष्ट हमर पापको दण्ड लइ।

हिब्रू 9:28

उइसी करके बहुत आदमीनको पाप उठाए लैजानके ताहीं ख्रीष्ट अपनएके एकए चोटी बलि करी। और येशू दुस्रो चोटी फिर आबैगो। बो बेरा अपनएके पापके ताहीं बलि करनके नाए, पर बाको डगर देखके बैठन बारेनके बचानके ताहीं आबैगो।

1 पतरस 3:18

मए अइसे कहात हओं काहेकी हमर पापके कारण ख्रीष्ट फिर दुख भोगी और मरो। बा एकए चोटी इकल्लो मरो और जाके दुस्रो चोटी करनके जरुरी नैयाँ। बा एक धर्मी आदमी रहए, जो पापी आदमीनके ताहीं मरो। ताकी बा हमके परमेश्वरके जौँणे लाए पाबए। बे बाको शरीरके मारीं, पर बाको आत्मा जिन्दा हए।

1 पतरस 2:24

जब ख्रीष्ट मरो, बा क्रूसमे हमर पापके ताहीं अपनो शरीरमे दण्ड भोगी। बा अइसो करी, ताकी हम पाप करन छोडके धार्मि हुइके जीबन जीइन सुरु कर पामएं। और बाको सहीभइ चोट द्वारा हम अच्छे भए हएं।

यूहन्ना 1:29

दुस्रे दिन बप्तिस्मा देन बारो यूहन्ना येशूके अपन घेन आत देखी और कही, “देखओ, अपनएके बलिदान करके सारा संसारके पापसे छुटकारा देन बारो परमेश्वरको थुमा!

प्रकाश 1:5

और येशू ख्रीष्टके घेनसे जौनको बचनमे भरोसा करोजाए सकत हए। बहे हए जो मरनके बाद फिरसे जिन्दा हुइगओ हए और बो जा संसारके सब राजनको सासक हए। बा हमसे प्रेम करत हए और बा हमके बचात हए, बाको खुन हमके हमर पापसे बचात हए।

1 यूहन्ना 1:7

बहे करएं, जो अच्छो हए, जैसे परमेश्वर सिद्ध रुपमे बहुत अच्छो हए उइसियए हम फिर अच्छो जीबन जीइके, परमेश्वर और औरे आदमीनके सँग संगती करएं, तओ बाको लौंणा येशू ख्रीष्टको खुनसे हमके सब पापसे शुद्ध करैगो।

1 यूहन्ना 1:2

जा जीबन हियाँ पृथ्वीमे आओ, और हम बाके देखे, और बाकी गवाही देत हएं, और तुमके बा कभी फिर नाश नाए होन बारो जीबनके बारेमे परचार करत हएं, जो दौवाके सँग रहए, और हमर ठिन प्रकट भओ।

तीतुस 2:14

येशू ख्रीष्ट अपनएके हमरे फाइदाके ताहीं बलिदान करदइ। ताकी हम अधर्म कामसे छुटकारा पामएं, और हमके नैतिक रुपसे शुद्ध करपाबए। और ताकी हम बाके अपने खास आदमी बन जाएं, जो भले काम करनके ताहीं पुरी तरिकासे समर्पित होत हएं।

1 पतरस 2:22

पबित्र-शास्त्रमे लिखो हए, “बा कभी फिर पाप नाए करी, और बा कभी फिर कोइ झुट नाए मस्की।”

हिब्रू 1:3

बा परमेश्वरको महिमाको प्रतिबिम्ब और परमेश्वर जैसो स्वभाबको सित्माओंको प्रतिरुप हए, और सब बिश्वके अपन शक्तिशाली बचनसे सम्हारत हए। जब ख्रीष्ट आदमीनको पापके क्षमा करोजाए कहिके अपन काम खतम करी, तओ जाएके बा महिमित परमेश्वरको दहिना हात घेन स्वर्गमे उच्च आदरको ठाउँमे बैठिगओ।

1 तिमोथी 1:15

जा एक सच्ची कहानी हए, जोके पुरो तरिकासे स्वीकार और बिश्वास करोजान पणो, कि येशू ख्रीष्ट हम जैसे पापीनके बचानके ताहीं जा संसारमे आओ, जौनमे सबसे जद्धा पापी मए हओं।

मत्ती 1:21

बो एक बच्चाके जनम देहए, और तुम बाको नाउँ येशू धरियओ, काहेकी बा अपन आदमीनके उनको पापसे छुटकारा देहए।”

1 यूहन्ना 2:1

मेरे छोटे बालका, मए जा बात तुमके जहेमारे लिखत हओं, कि तुम पाप मत् करओ, और अगर कोइ पाप करैगो कहेसे दौवा परमेश्वरके ठिन हमर एक साहायक येशू ख्रीष्ट हए जो धर्मी हए। बा हमर पापके माफी करन ताहीं परमेश्वरसे बिन्ती करत हए।

1 पतरस 1:20

जा संसारके सृष्टि होनसे अग्गु, येशू ख्रीष्ट मुक्तिदाता होबैगो कहिके परमेश्वर समयसे पहिलीए अठोट करी रहए। पर बा जे अन्तिम दिनमे जा संसारमे तुमर फाइदाके ताहीं आओ।

हिब्रू 4:15

प्रधान यहूदी पुजारी, जो येशू ख्रीष्ट हए, बा हमर सब कमजोरीके बुझत हए, हमैंकता शैतान बाके सब बातमे परीक्षा करी, तहुँफिर बा कोइ पाप नाए करी।

हिब्रू 7:26

येशू हमके चाहो भओ प्रधान यहूदी पुजारीको राजा हए। बा पबित्र, निर्दोष, और शुद्ध हए। और परमेश्वर बाके पापी आदमीनसे अलग करके सबसे जद्धा आदरसे स्वर्गमे बैठाइ।

1 तिमोथी 3:16

बिना कोइ शंखाके हम जा बातके कहे सकत हएं कि, परमेश्वरसे प्रकट करेभए सन्देश पुरा रुपसे सच्चे हएं, अर्थात् ख्रीष्ट एक आदमीके रुपमे प्रकट भओ, बाके पबित्र आत्माके द्वारा परमेश्वरको लौंणाके रुपमे साबित करोगओ, स्वर्गदूत बाके देखीं, येशूसे चुनेभए चेला हर ठिहा बाके बारेमे जति-जातिनके अच्छो समाचार सुनाइं, संसार भरके आदमी बाके उपर बिश्वास करीं, और परमेश्वर बाके स्वर्ग उपर उठाए लैगओ।

यूहन्ना 14:30

मेरे ठिन तुमसे बात करनके ताहीं जद्धा समय नाए हए, काहेकी संसारको सासक शैतानको शक्ति आनडटो हए। और बोको शक्ति मोके कुछु नाए कर्पएहए।

यूहन्ना 8:46

तुम मैसे कौन मिर उपर गलत काम करन बारोको दोष लगाबैगे? और मए सच्चो बात बोलत हओं तओ तुम मिर उपर बिश्वास काहे नाए करत हओ?

यूहन्ना 1:31

बा ख्रीष्ट हए कहिके मए अपनए फिर बाके नाए चिनो रहओं, पर इस्राएल देशके आदमीन चिन पामएं कहिके मए पानीसे बप्तिस्मा देत आओ हओं।”

लूका 23:47

जा सब घटना देखके कप्तान अइसे कहात परमेश्वरको महिमा करी, “नेहात्तओ जा धर्मी आदमी रहए।”

लूका 23:41

और हम त न्याय अनुसार दण्ड पाए रहे हएं, जा हम अपन कामको ठिक फल पाए रहे हएं, पर जा आदमी त कोइ गलत काम नाए करीहए।”

1 पतरस 1:18

तुमके पता हए, बिगतमे तुम ब्यर्थ तरिकासे जीबन बितान डटे रहओ, जौन तरिका तुमर पुर्खा बितात रहएं। पर तुम बो बेकारको जीबनसे बचाएगए हओ। तुम सोनो और चाँदी जैसे नष्ट होन बारे चीजसे छुटकारा नाए करेगए हओ,

1 यूहन्ना 2:2

और हमर पाप क्षमा करनके ताहीं, ख्रीष्ट एक बलिदान बनिगओ: और हमर ताहीं इकल्लो नाए बल्कि पुरो संसारके आदमीनको पापके ताहीं हए।

1 यूहन्ना 2:29

अगर तुम जनत हओ, कि ख्रीष्ट धर्मी हए, तओ जा फिर जनत हओ, कि जो कोइ धार्मिक काम करत हएं; बे परमेश्वरके सन्तान हएं।

1 यूहन्ना 3:8

जौन पाप लगातार करत रहतहए, बो शैतानको आदमी हए, काहेकी शैतान सुरुसे पाप करत आओ हए। शैतानको कामके नष्ट करनके ताहीं परमेश्वरको लौंणा आओ हए।