1 यूहन्ना 3:23 - राना थारु नयाँ नियम

²³ परमेश्वरको आज्ञा जहेहए, कि परमेश्वरको लौंणा येशू ख्रीष्टको नाउँमे बिश्वास करनो और जैसे ख्रीष्ट आज्ञा दइ हए, उइसीयए एक-दुस्रेके प्रेम करनो।

परमेस्वर को सच्चो वचन

²³ बाकी आग्या जौ है कि हम बाके लौड़ा ईसु मसीह के नाओं के ऊपर बिस्वास करथैं और एक दुसरे से प्रेम करथैं, ठीक जैसी मसीह हमैं आग्या दई रहै।

1 यूहन्ना 3:23 Referans Kwoze

यूहन्ना 13:34

“अब मए तुमके एक नयाँ आज्ञा देत हओं: तुम एकदुस्रेके अपनए कता प्रेम करओ। जैसी मए तुमके प्रेम करत हओं, उइसियए तुम फिर एकदुस्रेसे उइसी प्रेम करओ।

1 पतरस 1:22

काहेकी तुम सत्य पालन करके शुद्ध भए हओ, अब तुमके निष्कपट रुपसे अपनो बिश्वासी ददाभइयनके प्रेम करन पणत हए। एकदुस्रेके निष्कपटता साथ और पुरा हृदयसे प्रेम करतए रहाओ।

यूहन्ना 15:12

“मिर आज्ञा जहे हए, कि जैसी मए तुमके प्रेम करो हओं, तुम फिर एकदुस्रेसे उइसी प्रेम करओ।

यूहन्ना 6:29

येशू बिनसे कही, “परमेश्वरको काम जा हए, कि तुम मोएमे बिश्वास करओ जौनके बा पठाइ हए।”

1 पतरस 4:8

सबसे खास बात जा हए, कि एकदुस्रेनसे गहिरो प्रेम करओ। काहेकी अगर तुम आदमीनके प्रेम करे कहेसे, तुम रोज उनको करोभओ कोइ फिर गलत कामके क्षमा देन तयार रहाबैगे।

1 यूहन्ना 3:11

एकदुस्रेसे प्रेम करन पणत हए कहान बारी बात तुम पहिलीयएसे सुने हओ।

1 यूहन्ना 4:21

और येशू प्रभुसे हमएं, जा आज्ञा मिलो हए, कि जोकोइ परमेश्वरसे प्रेम करत हए, बो अपने सँगी बिश्वासीसे फिर प्रेम करए।

1 थेसलोनिकी 4:9

पर बिश्वासी ददाभइया उपरको प्रेमके बारेमे जा जरुरी नाए हए, कि मए तुमर बारेमे लिखओं; काहेकी एक-दुस्रेके प्रेम करनो तुम अपनए परमेश्वरसे सिखे हओ।

इफिसियों 5:2

ख्रीष्टको उदाहरणके पालन करके दुस्रेन्के प्रति प्रेमसे भरो भओ जीबन जीबओ, जौन तुमसे प्रेम करी और तुमर पापनके उठानके ताहीं अपनएके बलिदान करके दइदइ। और परमेश्वर जा कामसे खुसी रहए, काहेकी बो बलिदान बाके ताहीं सुगंधित धुपके समान रहए।

मर्कूस 9:7

और एक बादर आएके बिनके तोपदइ, और परमेश्वर बद्रि मैसे बोली, “जा मिर प्यारो लौंणा हए, बा जो कएहए बोमे ध्यान दियओ।”

मत्ती 22:39

दुस्रो फिर उइसी हए, ‘तुम अपन परोसीके अपनए कता प्रेम करीयओ।’

प्रेरित 16:31

बे कहीं, “प्रभु येशू ख्रीष्टमे बिश्वास करओ, तओ तुम और तुमर परिवार मुक्ति पामंगे।”

यूहन्ना 17:3

कभी फिर नाश नाए होन बारो जीबन जहेहए, कि आदमी एकए इकल्लो सत्य परमेश्वरके चिन्हएं, और येशू ख्रीष्टके, जौनके तुम पठाए हओ।

यूहन्ना 14:1

येशू चेलनसे कही, “तुम दुख मत् मानओ। तुम अपन भरोसा परमेश्वरमे करओ और मोएमे फिर करओ।

1 तिमोथी 1:15

जा एक सच्ची कहानी हए, जोके पुरो तरिकासे स्वीकार और बिश्वास करोजान पणो, कि येशू ख्रीष्ट हम जैसे पापीनके बचानके ताहीं जा संसारमे आओ, जौनमे सबसे जद्धा पापी मए हओं।

यूहन्ना 1:12

पर जित्नो येशूके स्वीकार करीं, और बाके उपर बिश्वास करीं, बिनके बा परमेश्वरको सन्तान होनके अधिकार दइ।

यूहन्ना 2:23

जब येशू यरूशलेम सहरमे यहूदीनको निस्तार तेवहारको भोजको बेरा, तेवहारमे रहए, तओ येशू बहुतनके शक्तिशाली चमत्कार दिखाइ रहए, और देखके बहुत येशूके नाउँमे बिश्वास करीं।

यूहन्ना 3:18

जौन परमेश्वरको लौंणाके उपर बिश्वास करैगो, बिनके उपर दण्डको आज्ञा नाए होत हए, पर जौन बाके उपर बिश्वास नाए करत हएं, बे अग्गुवएसे दोषी ठहिरे हएं; काहेकी बे परमेश्वरको एकलौटो लौंणाके नाउँमे बिश्वास नाए करी हएं।

1 यूहन्ना 2:7

हे मेरे प्यारे सँगीउ, मए तुमके कोइ नयाँ आज्ञा नाए लिखत हओं, पर बहे पुरानो आज्ञा लिखत हओं, जो सुरुसे चलो भओ पुरानो आज्ञा हए, जब तुम ख्रीष्टमे बिश्वास करे रहओ।

1 यूहन्ना 4:15

जोकोइ जा स्वीकार करत हए, कि येशू परमेश्वरको लौंणा हए तओ हम परमेश्वरके सँग एकजुटमे रहात हएं, और परमेश्वर हमर सँग एकजुटमे रहात हए।

1 यूहन्ना 5:13

मए जा चिट्ठी तुमके लिखरहो हओं जो परमेश्वरको लौंणाके नाउँमे बिश्वास करत हओ, ताकी तुम जानपाबओ, कि तुमर ठिन कभी फिर नाश नाए होन बारो जीबन हए।