1 यूहन्ना 3:18 - राना थारु नयाँ नियम

¹⁸ हे मेरे प्यारे बालकओ, हम मुँहुँ और बातसे इकल्लो प्रेम नाए करएं, हमर प्रेम सच्चो होन पणत हए। अइसो प्रेम काम द्वारा इकल्लो दिखात हए।

परमेस्वर को सच्चो वचन

¹⁸ मेरे बालका, हमरो प्रेम सिरफ सब्द और बात नाय होनो चाहिए; जौ सच्चो प्रेम होनो चाहिए, जो खुदकै काम मैं दिखाथै।

1 यूहन्ना 3:18 Referans Kwoze

रोमियों 12:9

दुस्रेन्से प्रेम करनको दिखावा नाए करन पणत हए, खराब बातके घृणा करओ; जो अच्छो हए, बोके लगातार करतए रहाओ।

1 पतरस 1:22

काहेकी तुम सत्य पालन करके शुद्ध भए हओ, अब तुमके निष्कपट रुपसे अपनो बिश्वासी ददाभइयनके प्रेम करन पणत हए। एकदुस्रेके निष्कपटता साथ और पुरा हृदयसे प्रेम करतए रहाओ।

गलातियों 5:13

हे मेरे बिश्वासी ददाभइयओ, तुमके परमेश्वरके द्वारा छुटकारा होनके ताहीं बुलाओ गओ रहए, और जहेमारे अब तुमके मोशाको नियम कानुनके पालन करनके जरुरी नाए हए; और अपनी शारीरिक इच्छनके अनुसार चलन बारे मतबनाओ, बल्कि एक-दुस्रेसे प्रेम करओ और एक-दुस्रेको सेवा करओ।

इफिसियों 4:15

बल्कि, प्रेमसे सच्चो बात बोलके और हमएं हर तरिकासे पक्को होनचाहो। ताकी ख्रीष्टके कता बनपामएं, जो मुण हए।

1 थेसलोनिकी 1:3

जब हम अपनो दौवा परमेश्वरसे प्राथना करत हएं, तओ हम बे कामके याद करत हएं जो तुम बिश्वासके कारण करत हओ। और दुस्रेनके उपर प्रेम दिखानके ताहीं जो कडी मेहेनत तुम करत हओ, और तुम सतावट सहे करत हओ काहेकी तुम प्रभु येशू ख्रीष्टको लौटनको आसरा कर रहेहओ।

1 यूहन्ना 2:1

मेरे छोटे बालका, मए जा बात तुमके जहेमारे लिखत हओं, कि तुम पाप मत् करओ, और अगर कोइ पाप करैगो कहेसे दौवा परमेश्वरके ठिन हमर एक साहायक येशू ख्रीष्ट हए जो धर्मी हए। बा हमर पापके माफी करन ताहीं परमेश्वरसे बिन्ती करत हए।

2 यूहन्ना 1:1

मए, यूहन्ना मण्डलीको अगुवा जा चिट्ठी परमेश्वरके द्वारा चुनीभइ बो बैयर और बक लौंणालौंणीयाके लिखरहो हओं, मए तुमके सच्चो रुपसे प्रेम करत हओं। मए इकल्लो नाए, बल्कि सत्यके चिनन बारे सब तुमके प्रेम करत हएं।

यूहन्ना 17:19

उनको फाइदाके ताहीं मए अपनएके सत्यके द्वारा पबित्र बनात हओं ताकी बे फिर सत्यके द्वारा पबित्र बने जाएं।”

1 यूहन्ना 3:7

मेरे प्यारे बालकाओ, कोइ आदमी तुमके छल नाए पाबए। जौन धार्मिकताके काम करत हए, बहे ख्रीष्ट जैसो धर्मी हए।

3 यूहन्ना 1:1

मए, मण्डलीको अगुवा यूहन्ना जा चिट्ठी मिर प्यारो सँगी गायसके लिखरहो हओं, जोसे मए सच्चो प्रेम करत हओं।

लूका 7:5

काहेकी बो हमर जातिके अपनए कता प्रेम करत हए, और बहे हमर यहूदी सभाघर बनाइ रहए।”