1 यूहन्ना 3:1 - राना थारु नयाँ नियम

¹ बिचार करओ, कि दौवा परमेश्वर हमसे कैसो प्रेम करीहए, बाको प्रेमको कारण हम परमेश्वरके सन्तान कहेगए हएं। पर जौन आदमी जा संसारके आदमीसे सम्बन्ध बनात हएं, बे नाए जानत हएं, कि हम परमेश्वरके सन्तान हएं। काहेकी बे दौवा परमेश्वरके नाए चिन्हत हएं।

परमेस्वर को सच्चो वचन

¹ देखौ, दऊवा हमसे कित्तो प्रेम करी है! बाको प्रेम इत्तो महान है कि हम बाके बालका कहे जाथैं, और तभईये, सच्ची मैं हम हैं। जहे कारड़ है कि दुनिया हमैं नाय जानथै: जो परमेस्वर कै जानी नाय।

1 यूहन्ना 3:1 Referans Kwoze

यूहन्ना 1:12

पर जित्नो येशूके स्वीकार करीं, और बाके उपर बिश्वास करीं, बिनके बा परमेश्वरको सन्तान होनके अधिकार दइ।

गलातियों 3:26

“जब तुम ख्रीष्टके नाउँसे बप्तिस्मा लए हओ, और तुम सब ख्रीष्ट येशूमे बिश्वास करनके द्वारा तुम ख्रीष्टको नयाँ जीबनके पैंधलए हओ, जैसे एक आदमी नयाँ लत्ता पैंधलेत हए। जहेमारे तुम ख्रीष्ट येशूमे बिश्वास करे, तओ तुम सब परमेश्वरके सन्तान बनेहओ।

2 कोरिन्थी 6:18

मए तुमर दौवा होमंगो, और तुम मिर लौंणालौंणीया होबैगे; जा सर्बशक्तिमान परमप्रभु परमेश्वरको बचन हए।”

यूहन्ना 17:25

“हे सत्य और न्याय करन बारो दौवा, संसारके आदमी मोए नाए चिन्त हए, पर मए तुमके चिन्त हओं और जे चेला फिर जानएं, कि तुम्ही मोके पठाए हओ।

यूहन्ना 3:16

काहेकी परमेश्वर संसारके आदमीनसे अइसो प्रेम करी, कि बा अपन ठिन रहो एकलौटो लौंणा दइदइ, ताकी बाके उपर बिश्वास करन बारे कोइ फिर नाश नाए होबए, पर कभी फिर नाश नाए होन बारो जीबन पाबए।

प्रकाश 21:7

जौन आदमी बुराइके हराए देतहए, बो मोसे जे आशिष पामंगे, और मए बिनको परमेश्वर होमंगो, और बे मिर लौंणा होमंगे।

रोमियों 5:8

पर परमेश्वर हमर उपर अपनो प्रेमको भलाइ जा रितिसे प्रकट करत हए, कि जब हम पापीए रहएं, तभीए ख्रीष्ट हमर ताहीं मरो।

गलातियों 3:29

और काहेकी तुम ख्रीष्टके सँग एक हओ, अब तुम अब्राहामके परिवारको हिस्सा हओ, और तुम परमेश्वरसे प्रतिज्ञा करो भओ आशिषके हकदार बनिगए हओ।”

रोमियों 8:32

परमेश्वर अपने लौंणाके अपने ताहीं फिर नाए धरी, पर बाके हमर ताहीं अपने दुस्मनन्के सौँपदइ। बा हमएं बे सब चीजमे फिर अनुग्रह करैगो जो बा हमसे प्रतिज्ञा करी रहए।

यूहन्ना 16:3

और अइसे बे जाकेमारे करंगे, कि बे नए दौवाके जानी हएं नए मोके जानत हएं।

कलस्सी 3:3

काहेकी तुम अपने पापी स्वाभावके ताहीं मरिगए हओ, और तुमर जीबन ख्रीष्टके सँग परमेश्वरमे लुको हए।

रोमियों 8:21

सृष्टि बो दिनके असियाए रहो हए जब जा, मृत्यु और बिनाशसे छुटके परमेश्वरके सन्ताननके साथ महिमामय स्वतन्त्रतामे सामिल हुइजएहए।

लूका 20:36

बे फिरसे मरत नाए हएं, काहेकी बे स्वर्गदूत समान होत हएं, और मरे मैसे जिन्दा होन बारोको सन्तान होनके कारणसे बे परमेश्वरको सन्तान हएं

यूहन्ना 11:52

पर उनके ताहीं इकल्लो नाए हुइके, बा परमेश्वरके सन्ताननके ताहीं फिर मरैगो, जौन जा संसारमे तितरबितर हएं, ताकी बिनके एक ठाउँमे जमा करो जाए सकए।

यूहन्ना 15:21

पर जे सब कुछ, आदमी तुमके मेरे चेला होनेके कारण सतामंगे, काहेकी बे मोके पठान बारो परमेश्वरके नाए चिन्त हएं।

रोमियों 8:19

सृष्टि बडो आसरा भरी दृष्टिसे परमेश्वरको सन्तान प्रकट होनको प्रतिक्षा कररहो हए।

1 यूहन्ना 3:2

मेरे प्यारे सँगीउ, अब हम परमेश्वरके सन्तान हएं, और अबतक जा प्रकट नाए भओ हए, कि हम कैसे होमंगे! इतकए जानत हएं, कि जब येशू ख्रीष्ट आबैगो; तओ हम फिर बाके हानी होमंगे। काहेकी बाके उइसीयए देखंगे, जैसो बा हए।

1 यूहन्ना 3:10

जहेसे परमेश्वरके सन्तान और शैतानके सन्तान जाने जात हएं। बे आदमी जो धार्मिक काम करत हएं बे परमेश्वरके घेनसे हएं, और बे आदमी जो अपने भइयासे प्रेम करत हएं बे परमेश्वरके घेनके हएं।

1 यूहन्ना 4:17

जहेमारे प्रेम हमरमे सिद्ध बनो रहात हए, कि परमेश्वर हमके दण्ड नाए देबैगो, हम जा संसारमे रहिके परमेश्वरके सँग एकजुटमे रहे हएं, जैसे येशू परमेश्वरके सँग एकजुटमे हएं।