1 यूहन्ना 2:24 - राना थारु नयाँ नियम

²⁴ बो सच्चो सन्देश जो तुम सुने हओ, जब तुम ख्रीष्टमे बिश्वास करे, अगर सच्चो सन्देश तुमर मनमे रहाबैगो; तओ तुम फिर लौंणामे, और दौवा परमेश्वरमे रहाबैगे।

परमेस्वर को सच्चो वचन

²⁴ तौ फिर, बौ संदेस कै अपने दिल मैं रखन ताहीं ठानौ, जो तुम सुरु से सुने हौ। अगर तुम बौ संदेस देथौ, तौ तुम हमेसा लौड़ा और दऊवा के संग रैहगे।

1 यूहन्ना 2:24 Referans Kwoze

यूहन्ना 14:23

येशू बाके जबाफ दइके कही, “जौन मोके अपनए कता प्रेम करैगो, बो मिर बचनको शिक्षाके पालन करैगो कहेसे मिर दौवा बाके प्रेम करैगो, और हम बोके ठिन आमंगो, और बोके सँग रहामंगे।

1 यूहन्ना 4:13

जासे हम जानन हएं, कि हम परमेश्वरके सँग एकजुटमे रहात हएं, और परमेश्वर हमर सँग एकजुटमे रहात हए, काहेकी बा अपनो पबित्र आत्मा हमके दइ हए।

1 यूहन्ना 4:16

हम अच्छेसे जानत हएं और बिश्वास करत हएं, कि परमेश्वर हमसे प्रेम करत हए, काहेकी परमेश्वर प्रेम हए, जो प्रेममे बने रहात हएं, बे परमेश्वरके सँग एकजुटमे रहात हएं, और परमेश्वर उनके सँग एकजुटमे रहात हए।

प्रकाश 3:3

तए पहिले सुनो भओ और बिश्वास करोभओ शिक्षाके याद कर। तोके जो सिखाओ गओ रहए बोके पालन कर, तेरो गलत कामसे पाप करन छोडके परमेश्वर घेन घुम। अगर तए गलत काम करन नाए छोडो कहेसे, मिर आगमन एक चुट्टा कता इक्बरी हुइहए, और तोके बो बेरा फिर पता नाए हुइहए, कि जब मए तोके सजाए देन आमंगो।

1 यूहन्ना 2:7

हे मेरे प्यारे सँगीउ, मए तुमके कोइ नयाँ आज्ञा नाए लिखत हओं, पर बहे पुरानो आज्ञा लिखत हओं, जो सुरुसे चलो भओ पुरानो आज्ञा हए, जब तुम ख्रीष्टमे बिश्वास करे रहओ।

1 यूहन्ना 1:3

येशूके बारेमे जो कुछ हम देखे और परचारके सुनेहएं, बहे समाचार तुमके फिर देत हएं। जहेमारे कि तुम फिर हमर सँग संगती करओ, और जा संगती दौवाके सँग और बाको लौंणा येशू ख्रीष्टके सँग हए।

यूहन्ना 15:7

अगर तुम मोएमे रएहओ और मेरी शिक्षा तुमरमे रएहए, तओ जो कुछ तुम मेरे नाउँमे माँगैगे, बहे तुमके मए देमंगो।

प्रकाश 3:11

मए जल्दी आएरहो हओं। बहेमारे तोके मोएमे मजबुत हुइके बिश्वास करे रहान पणैगो, ताकी कोइ तेरो जितको इनामके पानेसे रोकनाए पाबए, जो एक मुकुट कता हए।

कलस्सी 3:16

हर समय ख्रीष्टके सन्देशके बारेमे सोँचओ। ताकी जा बे सबके नियन्त्रण करए, जो तुम करत और सोँचत हओ। और सिद्ध ज्ञान सहिँत एकदुस्रेके सिखाओ, और सल्लहा देओ। और अपने-अपने मनमे धन्यबादके सँग परमेश्वरके ताहीं भजन, स्तुति और आत्मिक गीत गाओ।

1 यूहन्ना 1:7

बहे करएं, जो अच्छो हए, जैसे परमेश्वर सिद्ध रुपमे बहुत अच्छो हए उइसियए हम फिर अच्छो जीबन जीइके, परमेश्वर और औरे आदमीनके सँग संगती करएं, तओ बाको लौंणा येशू ख्रीष्टको खुनसे हमके सब पापसे शुद्ध करैगो।

हिब्रू 3:14

अगर हमर सुरुमे रहो भओ बिश्वासमे हम जीबनको अन्त तक मजबुत रएहएं तओ हम ख्रीष्ट सँग साझा हकदार हुइहएं।

फिलिप्पी 4:15

हे फिलिप्पी सहरके आदमीउ, तुम अभौफिर जानत हओ, कि मए तुमर बीचमे अच्छो समाचार परचार करो, जब मए माकेडोनिया परदेशमे रहओं। और तुम अपनए फिर जानत हओ, कि खुसीको परचारके सुरुमे मोसे बिदा होत, देन और लेनको काममे, तुमर बाहेक कोइ मण्डली मिर सँग सामिल नाए भओ रहए।

3 यूहन्ना 1:3

काहेकी कोइ बिश्वासी ददाभइया आए, और हमके बताइं, कि तए परमेश्वरके सच्चो डगरके अनुसार जिइनडटो हए, जोमे तए नेहात्तओ चलत हए, जा सुनके मए गजब खुसी भओ।

2 यूहन्ना 1:2

हम तुमसे प्रेम करत हएं, काहेकी हम सत्य शिक्षामे बिश्वास करत हएं, और हम बो शिक्षाके सदिमानके ताहीं थामे रहात हएं।

हिब्रू 2:1

जहेमारे हमरी सिखाइ भइ बात पालन करनके ताहीं जद्धा ध्यान देन पणत हए, तओ हम सच्चाईसे दुर नाए जाए पामंगे।

यूहन्ना 8:25

यहूदी अगुवा येशूसे पुछीं, “तुम कौन हओ तओ?” येशू बिनके जबाफ दइके कही, “मए बहे हओं, जो मए तुमके सुरुसे लैके कहात आओ हओं कि ‘मए बहे हओं।’

लूका 1:2

बे ठिक बहे लिखीं, जो हमके बे आदमीनसे बताओ गओ रहए। जौन बे येशूको सेवकाइके सुरुसे देखी रहएं, और जौन पिच्छु परमेश्वरको बचनको सेवक बनिगए।

लूका 9:44

“जा बात तुमर मनमे धरओ काहेकी मए, आदमीको लौंणा आदमीके हातमे पकडओ पणन बारो हओं।”

यूहन्ना 6:56

मिर शरीर खान बारो और मिर बलिदानको खुन पिन बारो मोएमे रएहए, और मए बोमे रएहओं।

1 यूहन्ना 3:24

और जो परमेश्वरको आज्ञाके पालन करत हए, बो परमेश्वरके सँग और परमेश्वर बोकेसँग एकजुटमे रहात हए। और पबित्र आत्मासे जो बा हमके दइ हए, हम जानत हएं, कि पबित्र आत्मा हमर सँग और हम पबित्र आत्माके सँग एकजुटमे रहात हएं।

1 यूहन्ना 4:15

जोकोइ जा स्वीकार करत हए, कि येशू परमेश्वरको लौंणा हए तओ हम परमेश्वरके सँग एकजुटमे रहात हएं, और परमेश्वर हमर सँग एकजुटमे रहात हए।

2 यूहन्ना 1:9

बे आदमी जो सच्चो शिक्षासे भणकजात हएं, और ख्रीष्टको शिक्षा जैसो नाए करत हएं, बे परमेश्वरके सँग संगतीमे नाए हएं। जो कुछ ख्रीष्ट सिखाइ हए, बोके लगातार पालन करत रहाओ, और दौवा परमेश्वर, बाको लौंणा येशू ख्रीष्टके सँग संगतीमे रहे रहाओ।