1 यूहन्ना 2:15 - राना थारु नयाँ नियम

¹⁵ संसार और संसारके चीजके प्रेम मत् करओ। कोइ संसारके चीजसे प्रेम करैगो कहेसे बो, दौवा परमेश्वरके प्रेम नाए करत हए।

परमेस्वर को सच्चो वचन

¹⁵ दुनिया या ऐसी कोई चीज से प्रेम मत करौ जो दुनिया से मतलब रखथैं। अगर तुम दुनिया से प्रेम करथौ, तौ तुम दऊवा से प्रेम ना करथौ।

1 यूहन्ना 2:15 Referans Kwoze

याकूब 4:4

हे बिश्वासीघाती आदमी, का तुम नाए जानतहओ, कि जा संसारके चीजके सँग सँगत करनो परमेश्वरके दुश्मन बनानो हए? जहेमारे जोकोइ संसारके सँगी होनके चाँहत हए, बो अपनएके परमेश्वरको दुश्मन बनात हए।

रोमियों 12:2

और जा संसारके आदमीन कता मतबनओ; पर अपनो मनके पुरा परिबर्तनके द्वारा तुमर चालचलन फिर बदलओ, जोसे तुम परमेश्वरको असल, ग्रहणयोग्य और सिद्ध इच्छा का हए बो तुम पता लगान सिकओ।

मत्ती 6:24

कोइ आदमी एकए समयमे दुई मालिकको सेवा नाए करपएहए। काहेकी बो एकके हेला करैगो और दुस्रेके अपनए कता प्रेम करैगो। और बो एककेसँग मिलो रएहए और दुस्रेके बो खराब बतएहए। उइसीयए तुम फिर एकए समयमे परमेश्वर और धन दोनएको सेवा नाए करपए हओ।

लूका 16:13

कोइ नोकर एकए समयमे दुई मालिकको सेवा नाए कर्पएहए, काहेकी बो एकके हेला करैगो और दुस्रेके अपनए कता प्रेम करैगो; या एकसे मिलो रएहए और दुस्रेके खराब बतएहए। उइसीयए, तुम फिर एकए समयमे परमेश्वरको और धन दुनौको सेवा नाए कर्पएहओ।”

यूहन्ना 15:19

अगर तुम जा संसारके आदमी जैसे हुइते तओ संसारके आदमीसे तुमके अपनए कता प्रेम करते। पर तुम संसारके नाए हओ काहेकी मए तुमके जा संसारके आदमीसे चुनलओ हओं। जहेमारे संसारके आदमी तुमके हेल्हा करत हएं।

1 यूहन्ना 3:17

संसारको धनसम्पति होन बारे आदमी अपनो भइयाको जरुरत देखके फिर दया नाए दिखात हए कहेसे कैसे उइसो आदमी परमेश्वरके प्रेम करैगो?

1 तिमोथी 6:10

काहेकी धनको प्रेम सब किसिमको खराबीको जर हए, कुछ आदमी धीरे-धीरे ख्रीष्ट येशूको शिक्षामे बिश्वास करन छोड दइ हएं। काहेकी बे धनके बहुत चाँहत रहएं। और अब अपनए-अपनएके कोइ एक हथियार लैके अँदाओ कता बे बहुत मेलके दुखमे पणे हएं।

गलातियों 1:10

स्पष्ट रुपसे, मए आदमीनके खुसी करनके कोसिस नाए कररहो हओं, पर मए परमेश्वरके खुसी करन चाँहत हओं। मए आदमीनके खुसी करनके कोसिस नाए कररहो हओं, अगर मए अबतक आदमीनके खुसी करत रहितो तओ ख्रीष्टको दास नाए हुइतो।

1 यूहन्ना 4:5

बे झुठे अगमबक्ता संसारके हएं, जहेमारे बे संसारकी बात मस्कत हएं, और संसारके आदमी बिनकी सुनत हएं।

इफिसियों 2:2

बो समयमे तुम जा संसारके आदमीनको तरिकाके पालन करत रहओ जो परमेश्वरके नाए जानत हएं और तुम शैतानको आज्ञापालन करत रहओ, अर्थात् बहे प्रधानके जो बादरमे दुष्टआत्मनमे शासन करत हए। जो अभौफिर बे आदमीनके कब्जामे करनके कोसिस कररहो हए जो परमेश्वरको आज्ञापालन नाए करत हएं।

1 यूहन्ना 5:10

जो परमेश्वरको लौंणाके उपर बिश्वास करत हए। बो नेहात्तओ बिश्वास करत हए, कि जो कुछ परमेश्वर कही हए, बो सच्चो हए। जौन परमेश्वरमे बिश्वास नाए करत हए, बो बाके झुठो सम्झत हए। काहेकी बो परमेश्वरको गवाहीमे बिश्वास नाए करीहए, जो दौवा परमेश्वर अपन लौंणाके बारेमे गवाही दइ हए।

मत्ती 4:8

फिर शैतान येशूके एक उँचो पहाडमे लैजाएके संसारको सब राज्य और संसारको सम्पति येशूके दिखाइ,

याकूब 1:27

हमर दौवा परमेश्वरके अग्गु शुद्ध और पबित्र धरम-करम जहेहए, कि अनाथ और बिधुवनको दु:खमे रेखदेख करनो और अपनएके जा संसारके खराब बातसे अलग रहानो हए।