1 यूहन्ना 1:7 - राना थारु नयाँ नियम

⁷ बहे करएं, जो अच्छो हए, जैसे परमेश्वर सिद्ध रुपमे बहुत अच्छो हए उइसियए हम फिर अच्छो जीबन जीइके, परमेश्वर और औरे आदमीनके सँग संगती करएं, तओ बाको लौंणा येशू ख्रीष्टको खुनसे हमके सब पापसे शुद्ध करैगो।

परमेस्वर को सच्चो वचन

⁷ लेकिन अगर हम उजीते मैं रहथैं, जैसी बौ उजीते मैं है, तौ हमरे झोने एक दुसरे के संग संगती है, और ईसु बाके लौड़ा को खून, हमैं हर पाप की जिंदगी से सुद्ध करथै।

1 यूहन्ना 1:7 Referans Kwoze

इफिसियों 5:8

तुम अपनए अन्धकारमे रहात रहओ, पर जबसे तुम प्रभुके आदमी बनेहओ, तुम ज्योतीमे हओ। जहेमारे तुमके उइसे आदमीन कता जीइन चाहो जो ज्योतिसे सम्बन्धित हएं।

प्रकाश 1:5

और येशू ख्रीष्टके घेनसे जौनको बचनमे भरोसा करोजाए सकत हए। बहे हए जो मरनके बाद फिरसे जिन्दा हुइगओ हए और बो जा संसारके सब राजनको सासक हए। बा हमसे प्रेम करत हए और बा हमके बचात हए, बाको खुन हमके हमर पापसे बचात हए।

रोमियों 13:12

जा खराब संसारमे रहानके हमर समय लगभग खतम हुइगओ हए, एक रातके कता, जो लगभग खतम हुइगइ हए, और बो समय फिर ढिँगै हए जब ख्रीष्ट लौटके आबैगो; जहेमारे हमके बे चीजके बन्द करदेनके चाहो जो अंधियारोसे सम्बन्धित हएं। हमके बो हथियारको इस्तमाल करनके चाहो जोके उजियारोमे इस्तमाल करोजात हए।

इफिसियों 1:7

ख्रीष्ट मरत पेती हमर ताहीं खुन बहानके द्वारा परमेश्वर हमके छुटकारा करदइ हए, और परमेश्वर हमर पापनके क्षमा करदइ हए, और बाको अनुग्रह बहुत महान हए जो हमके मिलो हए।

हिब्रू 9:14

जा सोँचओ, कि मृत्यु घेन लैजान बारो कामसे ख्रीष्टको खुन हमर हृदयके त झन् कित्तो अच्छेसे शुद्ध बनाए सकत हए, ताकी हम जिन्दा परमेश्वरको आराधना कर पामएं। काहेकी अनन्त आत्माको शक्तिसे ख्रीष्ट हमके हमर पापके ताहीं एक सिद्ध बलिके रुपमे परमेश्वरके चढाइ।

प्रकाश 7:14

और मए बोसे कहो, “हे स्वामी, मए नाए जानत हओं पर तए जानत हए।” बो मोसे कही, “जे सेते लत्ता पैँधेभए आदमी बेहिं हएं, जौनको मृत्यु कष्टको भयानक समयमे भओ रहए। जे बे आदमी हएं, जौन थुमाके खुनसे अपनएके सफा बनाए लइ हएं।”

1 यूहन्ना 1:5

जो समाचार हम येशूसे सुने, और तुमके सुनात हएं, बो जा हए; कि परमेश्वर उजियारो हानी अच्छो और सिद्ध हए, और बामे अइसो कुछ फिर दुष्टता नाए हए।

1 कोरिन्थी 6:11

पहिले तुम मैसे कुछ उइसीयए ब्यबहार करत रहओ, पर तुम प्रभु येशू ख्रीष्टके नाउँसे और हमरे परमेश्वरको आत्मा तुमर पापनके धोए दइ, और तुमके पबित्र बनाइ और तुमके धर्मी बनाइ।

1 पतरस 1:19

पर ख्रीष्टको बहुमोल खुनसे किनेगए हओ, जो निर्दोष और निष्खोट भेंणा कता रहए।

यूहन्ना 12:35

येशू बिनसे कही, “हबए थोरी देरतक उजियारो (येशू) तुमर सँग हए। उजियारो तुमरे सँग रहानतक तुम नेँगघुम करओ, ताकी अंधियारो तुमके नाए तोपए। अगर कोइ अंधियारोमे नेँगघुम करत हए कहेसे, बो नाए जान्त हए, कि बो कहाँ जाएरहो हए।

1 यूहन्ना 5:6

बा येशू ख्रीष्ट हए, जौनके परमेश्वरके द्वारा जा संसारमे पठाओ गओ हए, और पानीसे बप्तिस्मा दओगओ रहए, और पिच्छु जब बा मरो, तओ बाको खुन बहो। बा बप्तिस्मा लेन इकल्लो नाए, पर अपनो खुन बहाएके क्रूसमे मरो। पबित्र आत्मा गवाही देतहए, कि येशू ख्रीष्ट परमेश्वरसे आओ हए, और पबित्र आत्मा सदिमान सच्चो मस्कत हए।

1 यूहन्ना 1:3

येशूके बारेमे जो कुछ हम देखे और परचारके सुनेहएं, बहे समाचार तुमके फिर देत हएं। जहेमारे कि तुम फिर हमर सँग संगती करओ, और जा संगती दौवाके सँग और बाको लौंणा येशू ख्रीष्टके सँग हए।

प्रकाश 12:11

और हमर बिश्वासी, शैतानके हराए दइ हएं। बे, बोके थुमाको खुनको शक्तिसे हराए दइ हएं, जो उन्हएं उनको पापनके छुणानके ताहीं मरोगओ रहए। बे बोके हराए दइं, काहेकी बे जा स्वीकार करतए रहे, कि थुमा उनको परमेश्वर रहए। हियाँतककी, उन्हएं सतावगओ और मारोगओ, पर बे अपनो बो स्वीकारसे पिच्छु नाए हटे।

1 तिमोथी 6:16

और सिरफ बहे इकल्लो हए, जो हमेसाके ताहीं जिन्दा हए, और बा इतनो चम्कन बारो उजियारोमे रहात हए, कि कोइ फिर बाके ढिँगै नाए आए पातहए। और नए बाके कोइ आदमी देखी हएं, और नए कभी देख पामंगे। बाकी महिमा और शक्ति सदा दिन रहाबए। आमेन।

1 यूहन्ना 5:8

पबित्र आत्मा, येशूको बप्तिस्मा, बाको खुन; जे तीनौं एकए चीजकी गवाही देत हएं।

याकूब 1:17

काहेकी हरेक असल बरदान और हरेक असल दान हमर दौवा परमेश्वरके घेनसे आतहए, जौन स्वर्गमे सब बादरमे भओ ज्योतिके सृष्टि करी। परमेश्वर हमेसा एकए हानी रहात हए, और बो छाहीं हानी नाए बद्लत हए।

यूहन्ना 1:29

दुस्रे दिन बप्तिस्मा देन बारो यूहन्ना येशूके अपन घेन आत देखी और कही, “देखओ, अपनएके बलिदान करके सारा संसारके पापसे छुटकारा देन बारो परमेश्वरको थुमा!

3 यूहन्ना 1:4

जबही फिर मए जा सुनत हओं, कि बे आदमी, जो मेरे लौंणालौंणीया हानी हएं, बे बहे तरिकासे जिइनडटे हएं, जो सचमे परमेश्वर हमएं दिखाइ हए, तओ जा मोके औ खुसी बनाए देत हए।

2 यूहन्ना 1:4

मए बहुत आनन्दित भओ, जब मए जा सुनो, कि तुमर कुछ लौंणालौंणीया सत्यके पालन करके जिनडटे हएं, जौनके हमर दौवा परमेश्वर हमएं करनके कही हए।

मत्ती 6:12

हमर पाप क्षमा करियओ, जैसी हम अपन अपराधीन्के पाप क्षमा करेहएं, बे जौन हमर बिरुद्धमे गलत काम करी हएं।

तीतुस 2:14

येशू ख्रीष्ट अपनएके हमरे फाइदाके ताहीं बलिदान करदइ। ताकी हम अधर्म कामसे छुटकारा पामएं, और हमके नैतिक रुपसे शुद्ध करपाबए। और ताकी हम बाके अपने खास आदमी बन जाएं, जो भले काम करनके ताहीं पुरी तरिकासे समर्पित होत हएं।

यूहन्ना 5:4

काहेकी कभी-कभी परमेश्वरको दूत कुण्डामे उतरके पानी हलाए देत रहए। और पानी हालो खिनक जो कोइ पहिले पानी भितर घुसत रहए, तओ चहुँ बोको जैसो रोग होबए सोउँ फिर, बो अच्छो हुइजात रहए।