1 कोरिन्थी 9:15 - राना थारु नयाँ नियम

¹⁵ लेकिन मए इन मैसे एकफिर अधिकार इस्तमाल नाए करो। मए जा चिट्ठी जाकेमारे नाए लिखरहो हओं, कि तुम अब मेरे ताहीं कुछ करओ। नाए! बिरकुल नाए! मेरे ताहीं मरनो अच्छो हुइहए! काहेकी कोइ फिर मोके जा बातको घमण्ड करनसे नाए रोक सकत हए, कि मए अपनो खयाल अपनए रक्खत हओं।

परमेस्वर को सच्चो वचन

¹⁵ लेकिन मैं इनमैं से एकौ बात काम ना लाओ! और जे बेकार की बातन कै मैं जहे के मारे ना लिखो, कि मेरे ताहीं ऐसो होबै, काहैकि जासे तौ मेरो मरनोई भलो है; कि कोई मेरो घमंड खाली मूली ठहराबै।

1 कोरिन्थी 9:15 Referans Kwoze

1 थेसलोनिकी 2:9

हे मेरे बिश्वासी ददाभइयओ, हम रातदिन कामधन्दा करतए तुमर बीचमे परमेश्वरको अच्छो समाचार परचार करे। ताकी हमसे जो जरुरत हए बोके पुरा करनके ताहीं तुमके कुछ देनके जरुरी नाए पणए कहिके हम मेहेनत और दुख करे कहान बारी बातके तुम सम्झत हओ।

2 थेसलोनिकी 3:8

हम कोइकी रोटी सेतएमे नाए खाए। पर मेहेनत और कष्टसे रातदिन काम धन्धा करत रहएं, ताकी हमके जो चीजको जरुरत होए, बोके पुरा करनके ताहीं तुम मैसे कोइमे निर्भर नाए पणएं।

1 कोरिन्थी 9:12

काहेकी तुम अन्य आदमीनके आर्थिक मदत करे जौन तुमर बीच परचार करी, नेहात्तओ बारनाबास और मए जाको औ फिर जद्धा लायक हएं। काहेकी हम तुमर ताहीं चुनेभए चेला रहएं। हबएतक, हम मैसे कोइ फिर जा बातमे जोर नाए दओ, कि तुम हमके बे चीजके देओ जो हमके तुमसे चाहो रहए। पर जा छोडके, हम कुछ फिर सहनके ताहीं तयार रहएं, ताकी हम ख्रीष्टके बारेमे अच्छो समाचारमे बिश्वास करनसे कोइके फिर बाधा नाए डारएं।

प्रेरित 20:34

तुम अपनए जान्त हओं, मिर जे हातसे काम करके मिर और मिर सँग होन बारेनको आवश्यकताके पुरा करो रहओं।

प्रेरित 20:24

पर मए अपनो जीबन कोइ मोलके और अपनो ताहीं प्यारो नाए मानो इतकए इकल्लो मए जानत हओं, कि परमेश्वरको अनुग्रहको अच्छो समाचारको गवाही देनके मिर दौड और प्रभु येशू ख्रीष्टसे मिलो मिर सेवाकाइ मए पुरा कर पामओं।

प्रेरित 18:3

पावल और अकिलासको एकए व्यपार रहए। जहेमारे पावल उनके सँग रहो और काम करी, काहेकी बो फिर उनही कता किरपाल बनान बारो काम करके जीबन चलात रहए।

1 कोरिन्थी 4:12

और अपनो हातसे काम करके हम मेहेनत करत हएं। अपमानित होन समयमे हम बिनके आशिष देत हएं। और जब हम सताए जात हएं हम सहात हएं।

प्रेरित 8:3

तओ शाऊल घर-घरमे घुसके मण्डलीके सतान लागो रहए। बो बिश्वासी लोग और बैयरनके घिसियात लैजाएके जेलमे डारत रहए।

मत्ती 18:6

“पर जौन मिर उपर बिश्वास करत हए और अगर जे छोटे मैसे कोइ एक जनैके पाप करन लगाबैगो कहेसे, बासेत बोके घेँटमे बडो चकियाको पट्टा बाँधके बोके गहिरो समुन्दरमे डुबाए देनो असल हुइहए।

प्रेरित 20:33

मए कोइ आदमीको सोनो, चाँदी, लत्ताको लोभ नाए करो।

1 कोरिन्थी 9:18

तओ फिर मिर कौनछो इनाम हए? जा, कि अच्छो समाचार परचार करनमे मए ख्रीष्टको अच्छो समाचार सेँतए-मेँत करदेओं; हियाँतककी अच्छो समाचारमे जो मिर अधिकार हए, बोके मए पुरो रितिसे काममे लाओं।