1 कोरिन्थी 9:1 - राना थारु नयाँ नियम

¹ जो कुछ मए करन चाँहत हओं, बोके करनके ताहीं मए स्वतन्त्र हओं। मए चुनो भओ चेला हओं, मए हमर प्रभु येशूके देखो हओं। तुम प्रभुके ताहीं बनाए गए मिर सेवाको परिणाम हओ।

परमेस्वर को सच्चो वचन

¹ का मैं आजाद ना हौं? का मैं प्रेरित ना हौं? का मैं ईसु को जो हमरो प्रभु है, ना देखो? का तुम प्रभु मैं मेरे बनाये भै ना हौ?

1 कोरिन्थी 9:1 Referans Kwoze

प्रेरित 9:17

तओ हननिया बो घरमे आओ जहाँ शाऊल रहए, और बोके उपर अपन हात धरके कही, “भइया शाऊल, जौन प्रभु येशू, तए आओ भओ डगरमे तोके दिखानो रहए, बहे प्रभुके तए देखन बारो हुइपाबए और तए पबित्र आत्मासे भर जाबए, कहिके मोके पठाइ हए।”

1 तिमोथी 2:7

जहेमारे परमेश्वर मोके अच्छो समाचारको परचारक और एक चुनो भओ चेला होनके चुनी। बा मोके गैर-यहूदीनके बिश्वासको सच्चो सन्देश सिखानके ताहीं चुनी। मए नाए ठग रहो हओं; मए सच्चो बात कहात हओं।

1 कोरिन्थी 3:6

तुमके परमेश्वरको सन्देश बतान बरो मए पहिलो आदमी रहओं, जहेमारे मए बो आदमी कता हओं जौन खेतमे बीज बोइ। बोको पिच्छु, अपोल्लोस तुमके तुमर बिश्वासके मजबुत होनके मदत करी, ठिक उइसीयए कोइ दुस्रो आदमी बे पेणनके पानी देतहए जो बढन लगे हएं। पर परमेश्वर तुमके नयाँ जीबन दइ हए और तुमके आत्मिक रुपसे बढनमे मदत कर रहो हए, जैसे परमेश्वर पेणके बढात हए।

प्रेरित 23:11

दुस्रो दिन रातके, प्रभु येशू पावलके ढिँगै ठाणके कही, “पावल, हिम्मत कर। काहेकी जैसी तर यरूशलेम सहरमे मिर बारेमे गवाही दओ, उइसी तोके रोम सहरमे फिर गवाही देन पणैगो।”

प्रेरित 9:3

पर जब शाऊल और बोके सँगी दमस्कस सहरमे जात रहएं। जातए-जात सहरके ढिँगै पुगत पेती अचानक स्वर्गसे एक ज्योति उनके आसपिस चमको।

1 कोरिन्थी 9:19

जाको मतलब जा हए, कि मए आदमीनको आज्ञापालन करनके ताहीं मजबुर नाए हओं। सिर्फ जहेमारे, कि बे मोके तलप देत हएं। तहुँफिर मए हर कोइको नोकर बनिगओ हओं ताकी मए जद्धासे-जद्धा आदमीनके ख्रीष्टमे बिश्वास करनके ताहीं लाओं।

2 तिमोथी 1:11

जा अच्छो समाचारके ताहीं, परमेश्वर मोके एक परचार करन बारोके रुपमे, और येशूसे चुनो भओ चेलाके रुपमे और गुरुके रुपमे फिर मोके चुनी हए।

गलातियों 5:1

ख्रीष्ट हमके बचाए लइहए, ताकी हमके मोशाको नियम कानुनको पालन करनके ताहीं गुलामी कता जीइनको जरुरी नाए होए; अपनो स्वन्त्रताके पक्डे रहाओ, और नियम कानुनको पालन करनके ताहीं अपनएके फिरसे गुलामी बनन मतदेओ।

2 कोरिन्थी 6:1

हम परमेश्वरए सँग काम करत हएं और जहे हैसियतसे तुमके बिन्ती करत हएं, तुम परमेश्वरको अनुग्रह पाएके अब बो व्यर्थ होन मतदेओ।

रोमियों 1:1

मए पावल, येशू ख्रीष्टको सेवक हओं, और चुनो भओ चेला होनके ताहीं परमेश्वर द्वारा चुनो गओ हओं, और परमेश्वरको तरफसे अच्छो समाचारके परचार करनके ताहीं अलग करोगओ हओं।

गलातियों 1:1

मए पावल, तुमके जा चिट्ठी लिखरहो हओं, और मोके चुनो भओ चेला होनके ताहीं आदमीनको कोइ फिर समुह या कोइ फिर आदमीसे नाए चुनो गओ हओं। पर येशू ख्रीष्टसे और दौवा परमेश्वरसे चुनो गओ हओं जौन येशूके मृत्युसे जिन्दा करी।

1 थेसलोनिकी 2:6

और हम ख्रीष्टसे चुनेभए चेला होनके कारण तुमसे मदत पानो हमर अधिकार रहए, तओ फिर हम आदमीनसे आदर नाए चाँहत हएं, और नए तुमसे, नए औ कोइसे।

2 कोरिन्थी 11:5

अगर बे अपनएके सबए येशूसे चुनेभए चेलनसे महान भओ कता ब्यबहार और काम करत हएं कहेसे मए फिर अपनएके उनही कता असल सोँचंगो।

1 कोरिन्थी 1:1

मए, पावल जा चिट्ठीके लिखरहो हओं। मए चुनो भओ चेला होनके ताहीं परमेश्वरको इच्छासे ख्रीष्ट येशू द्वारा बुलाओ गओ हओं। मए हियाँ हमरे सँगी बिश्वासी सोस्थेनेसके सँग हओं, जौन मोके मदत करत हए।

रोमियों 11:13

मए तुम गैर-यहूदीनसे जा बात कहिरहो हओं। मए गैर-यहूदीनके ताहीं चुनो भओ चेला भओके कारण मए मिर सेवाकाइमे गर्ब करत हओं।

रोमियों 1:5

ख्रीष्टके द्वारा मोके अनुग्रह और चुनेभए चेलाको काम परमेश्वर दइ, ताकी बाको नाउँको कारण सबए जातिके आदमी ख्रीष्टको अच्छो समाचारमे बिश्वास करएं और बाको आज्ञापालन करएं।

प्रेरित 14:14

पर जा बात पता पातए, चुनेभए चेला पावल और बारनाबास बहुत परेसान हुइगए। और जहेमारे बे अपने लत्ता फारके दौरे और आदमीनको भिडमे जाएके चिल्लाएके कहीं,

प्रेरित 14:4

पर बो नगरके आदमीनमे मनमुटाब हुइगओ रहए; जासे कित्ने आदमी त यहूदीनके घेन, और कित्ने चुनेभए चेलनके घेन हुइहए।

प्रेरित 13:2

जब बे उपवास सहित प्रभुकी आराधना करनडटे रहएं, तओ पबित्र आत्मा कही, “मेरे ताहीं बारनाबास और शाऊलके मेरी सेवा करनके ताहीं अलग करओ जोके ताहीं मए उनके बुलाओ हओं।”

प्रेरित 9:15

पर प्रभु बोसे कही, “तए चलो जा, काहेकी जत गैर-यहूदी, राजा और इस्राएल देशके आदमीनके अग्गु मेरे बारेमे परचार करनके ताहीं मए बोके मिर सेवा करनके ताहीं चुनो हओं।

प्रेरित 9:5

बो पुछी, “हे प्रभु, तुम कौन हओ?” और बा कही, “मए येशू हओं, जौनके तए सताए रहोहए।

1 कोरिन्थी 10:29

मिर कहाइ, तुमर अपने बिबेकसे नाए हए, पर बे अन्य आदमीनसे हए। का फाइदा अगर तुम अपनी स्वन्त्रतामे जोड देत हओ कि खाओ जाए सकत हए और दुस्रे आदमी सोँचत हएं कि जा पाप हए? कुछ फाइदा नाए हए।

1 कोरिन्थी 10:30

अगर मए अपनो खानु धन्यबाद दइके खाए रहो हओं जो मूर्तिनके चढाओगओ हए। तओ जोमे मए धन्यबाद देत हओं, बोके कारण मोके काहे आरोप लगाओ जातहए?

1 कोरिन्थी 11:16

पर अगर कोइ सोँचत हए, कि जो मए कहिरहो हओं बो गलत हए। तओ जा जानए, कि जाके अलाबा हमरे ठिन और परमेश्वरके मण्डलीनके ठिन अइसो रिति-रिबाज नाए हए।

2 कोरिन्थी 10:7

तुम बाहिरी रुपसे देखत हओ। कोइ आदमीके जा भरोसा हए कि बो ख्रीष्टको हए कहेसे, अपनएके याद दिलाबए, कि जैसो बो ख्रीष्टको हए, हम फिर ख्रीष्टके हएं।