1 कोरिन्थी 8:9 - राना थारु नयाँ नियम

⁹ पर होसियार होबओ, अइसो नाए होए, कि तुमर जा स्वतन्त्रता कहुँ कमजोर बिश्वास बारेनके ताहीं बिश्वासके छोडनको कारण नाए बनए।

परमेस्वर को सच्चो वचन

⁹ पर चौकन्ने रहबौ, ऐसो ना होबै कि, तुमरो जौ अधिकार कहूँ बिस्वास मैं कमजोरन के ताहीं ठोकर ना हुई जाए।

1 कोरिन्थी 8:9 Referans Kwoze

गलातियों 5:13

हे मेरे बिश्वासी ददाभइयओ, तुमके परमेश्वरके द्वारा छुटकारा होनके ताहीं बुलाओ गओ रहए, और जहेमारे अब तुमके मोशाको नियम कानुनके पालन करनके जरुरी नाए हए; और अपनी शारीरिक इच्छनके अनुसार चलन बारे मतबनाओ, बल्कि एक-दुस्रेसे प्रेम करओ और एक-दुस्रेको सेवा करओ।

1 पतरस 2:16

तुमके चाहो अनुसार काम करनसे तुमके रोकपान बारो कोइ नाए हए। काहेकी तुम हमर प्रभु येशू ख्रीष्टसे स्वतन्त्र करेगए हओ। पर जाके तुम खराब कामको बहाना मतबनाबओ। पर तुमके अपनो काममे जा दिखान पणैगो, कि तुम नेहात्तओ परमेश्वरके सेवक हओ।

2 पतरस 2:19

झुठे गुरु आदमीनसे कहात हएं, कि बे अपना चाहन बारो जो कोइ फिर काम करन स्वतन्त्र हएं। एक हिसाबसे बे अपनए फिर नोकर कता हएं, काहेकी बे अपनुवए पापी स्वभाबसे बिनके पापको काम करन मजबुर करत हएं। काहेकी जौन बात कोइ आदमीके जितत हए बहे बात बोके नोकर बनातहए।

1 कोरिन्थी 10:24

कोइ अपनुवए इकल्लो भलाइके ध्यान नाए देबए बल्कि दुस्रेनको भलाइके ताहीं फिर ध्यान देबए।

1 कोरिन्थी 10:32

मए सबके खुसी करनके कोसिस करत हओं, मए एकको भलाइके बारेमे नाए सोँच रहो हओं, बल्कि सबको भलाइके बारेमे सोँच रहो हओं, ताकी उनके बचाओ जाए सकए। उइसीयए तुम फिर अइसियए रहाबओ, ताकी यहूदी या ग्रीक भाषा मस्कन बारे या परमेश्वरके मण्डलीके ताहीं कोइ मुस्किल नाए होबए।

1 कोरिन्थी 9:22

जब मए बे आदमीनके सँग होत हओं जौनको बिश्वास कमजोर हए, तओ उनके बरोबर ब्यबहार करत हओं। ताकी मए उनके ख्रीष्टके पिच्छु चलनमे मदत करपामओं। मए सब आदमीनके ताहीं सब कुछ बनो हओं, कि कोइन-कोइ रितिसे, कोइ कुछ आदमीके उद्धार करबाए पामओं।

1 कोरिन्थी 8:12

जब तुम दुस्रे बिश्वासी ददाभइया और बहिनियाके अइसो काम करनके ताहीं प्रोत्साहित करके पाप करत हओ, जासे बे जानत हएं कि बो गलत हए तओ तुम ख्रीष्टके बिरुद्धमे पाप कर रहेहओ।

1 कोरिन्थी 8:10

तुम जानत हओ, कि मूर्ति बास्तबमे परमेश्वर नाए हएं। जहेमारे तुम मूर्तिके मन्दिरमे खानु खाए सकत हओ। पर जो कोइ बिश्वासमे कमजोर हए बो तुमके हुवाँ खानु खात देखत हए, तओ बो मूर्तिनके बलि चढाओ भओ बुट्टी खानके ताहीं प्रोत्साहित होतहए। जबकी बो सोँचत हए, कि अइसो करन गलत हए।

प्रकाश 2:14

पर तिर बिरुद्धमे मिर जा गुनासो हए: काहेकी तए बे आदमीनको बिरोध नाए करत हए, जो तेरे मण्डलीमे झुठे शिक्षा देत हएं, जैसे अगमबक्ता बालाम बितो भओ समयमे शिक्षा दइ रहए। बालाम अगमबक्ता, राजा बालाकके सिखाइ, कि इस्राएल देशके आदमीनके पाप करनके ताहीं उक्सानके का करनके पणैगो। बो उनके मूर्तिनको बलि चढाओ भओ खानु खान और अनैतिक रुपसे जीइनके सिखाइ।

2 कोरिन्थी 11:21

का तुम सोँचत हओ, कि मए उइसो नाए करेके कारणसे मए लज्जित हओं? पर कोइ कुछु बातमे घमण्ड करत हए कहेसे, मए फिर बे बातमे घमण्ड करत हओं। हाँ, मए मुरख कता बोलरहो हओं।

1 कोरिन्थी 10:29

मिर कहाइ, तुमर अपने बिबेकसे नाए हए, पर बे अन्य आदमीनसे हए। का फाइदा अगर तुम अपनी स्वन्त्रतामे जोड देत हओ कि खाओ जाए सकत हए और दुस्रे आदमी सोँचत हएं कि जा पाप हए? कुछ फाइदा नाए हए।

रोमियों 15:1

सयद हम जा जानत हएं, कि जे बातनसे कोइ फरक नाए पणत हए, पर हम केवल अपनएके खुस करनके ताहीं अइसो नाए कर सकत हएं। हमएं बेहीं आदमीनको शंखा और डरमे बिचार करन चाहो जौन जे बातनके गलत मानत हएं।

मत्ती 18:10

“देखओ, तुम जे छोटे मैसे कोइके फिर हेला मत् करीयओ; काहेकी मए तुमसे कहात हओं, कि स्वर्गमे बिनके स्वर्गदूत हमेसा मिर दौवाके सँग हएं।

1 कोरिन्थी 10:28

लेकिन अगर कोइ तुमसे कहात हए कि, “मूर्तिनके बो खानु बलि चढाओ भओ रहए,” तओ जाके मत् खाओ, अपनो अन्तरआत्माके मारे नाए, बल्कि बोको बिबेकके कारणसे जौन तुमके बताइ रहए। काहेकी मिर स्वन्त्रताके कोइ अन्य आदमीको बिबेक द्वारा न्याय नाए करोजान चाहो।

2 कोरिन्थी 6:3

परमेश्वरके साझेदारके रुपमे, हमर सेवामे दोष नाए मिलए कहिके हम कोइको फिर डगरमे बाधाको कारण नाए बनंगे।

2 कोरिन्थी 11:29

जब कोइ कमजोर होतहए कहेसे मए फिर कमजोर महसुस करत हओं। जब कोइ पापमे पड्जात हए तओ मए बहुत परेसान होत हओं।

कलस्सी 2:8

ध्यान देओ, कि बेकम्मा और झुठी बातसे कोइ तुमके नाए फसाए पाबए, जौन ख्रीष्टके अनुसार नाए हुइके आदमीनको परम्परा और संसारकी शिक्षामे अधारित रहात हएं, और जौनके कारण हम आदमीनको दौवा भओ, जो शिक्षाके पिच्छु चलन नाए चाँहत हएं, बो कारण जहेहए।