1 कोरिन्थी 7:25 - राना थारु नयाँ नियम

²⁵ बेहा नाए करे बारेनके बारेमे प्रभुकी कोइ आज्ञा मोके नाए मिलो, पर परमेश्वर अपनी दयाके अनुसार मोके ज्ञान दइ हए जोमे भरोसा करोजाए सकत हए और मए बहेके अनुसार सल्लाहा देत हओं।

परमेस्वर को सच्चो वचन

²⁵ कुवाँरिन के बारे मैं प्रभु से मोकै कोई आग्या नाय मिली है, पर भरोसेमंद होन के ताहीं जैसी दया प्रभु मेरे ऊपर करी है, बहे भरोसे सलाह देथौं।

1 कोरिन्थी 7:25 Referans Kwoze

1 कोरिन्थी 7:6

पर मए जो जा कहात हओं, बो आज्ञा नाए हए बल्कि मिर सुझाब हए।

1 कोरिन्थी 4:2

एक आदमी जोके अपनो मालिक द्वारा काम करनके ताहीं दओगओ हए, बोके सचमे बिश्वासयोग्य होनचाहो, ताकी बो आदमी बहे कामके करए जो करनके बोके आज्ञा दओगओ हए।

1 कोरिन्थी 7:40

पर अगर बो अबिबाहित राहात हए तओ मेरे बिचारमे बो और जद्धा धन्य हए और मोके लागतहए कि परमेश्वरको आत्मा मिर मार्गदर्शन कर रहो हए।

1 कोरिन्थी 7:12

अब मए बाँकी बिश्वासीनसे बात कररहो हओं, जो आदमी अइसे आदमीनसे बेहा करी हएं जो बिश्वासी नाए हएं (जा प्रभुको आज्ञा नाए हए), अगर कोइ बिश्वासीको बैयर प्रभुमे बिश्वास नाए करत होए, और बैयर बो लोगाके सँग लगातार जीइनके ताहीं इच्छुक हए कहेसे लोग आदमी बैयरके छुट-पत्र नाए देए।

2 कोरिन्थी 11:17

नेहात्तओ घमण्ड करन बारो बात करके मए मुरखए बात मस्कनडटो हओं। जा प्रभुके द्वारा मस्कन लगाओ भओ बात नाए हए।

2 कोरिन्थी 2:17

काहेकी तमान आदमी हानी हम परमेश्वरको बचन रुपैयाके ताहीं परचार नाए करत हएं, पर शुद्ध मनसे और ख्रीष्टको अधिकारसे हम परमेश्वरको बचन परचार करत हएं, जा जानके, कि परमेश्वर हमके देखन डटो हए।

1 कोरिन्थी 15:10

मए एक परमेश्वरसे चुनो भओ चेला बनोगओ काहेकी परमेश्वर मिर ताहीं दयालु रहए। और बाको अनुग्रह मेरे जीबनमे प्रभावशाली हए। पर मए अन्य चुनेभए चेलनसे जद्धा मेहेनत फिर करो तहुँफिर जा मेरे घेनसे नाए भओ पर परमेश्वरको अनुग्रहमे मोके बाको काम करनमे मदत करी।

1 कोरिन्थी 7:34

जहेमारे दुई चीज हएं जौनके बारेमे बो सोँचत हए, कि बो परमेश्वरके कैसे खुसी करए और कैसे बो अपनी बैयरके खुसी करए। उइसीयए जौनकी मँगनी हुइगओ हए बो बैयरमे फिर भेद हए: अबिबाहित स्त्री परमेश्वरको सेवा कैसे करएं कहान बारी बातमे चिन्तामे रहात हए, कि बो शरीर और आत्मा दुनौमे प्रभुके खुसी करन बारी बनए। पर बिबाहित जा संसारके चिजनके बातमे चिन्तामे रहात हए, कि कैसे अपनो लोगाके खुसी करए।

1 कोरिन्थी 7:28

पर अगर तुमर बेहा हुइ फिर जएहए तओ पाप नाए हए; और बेहा नाए करेभए बैयर बेहा करहएं तहुँफिर कोइ पाप नाए हए; पर बिबाहित आदमी जा संसारमे अपने जीबनमे अप्रिय चिजनको अनुभव करंगे और मए चाहंगो, कि तुम अइसे परेसानीनसे मुक्त रहाओ।

1 कोरिन्थी 7:10

जौनको बेहा हुइगओ हए, उनके मए नाए, बल्कि प्रभु येशू आज्ञा देतहए, कि बैयर अपनो लोगाके छुट-पत्र नाए देए।