1 कोरिन्थी 6:14 - राना थारु नयाँ नियम

¹⁴ जाके अलाबा, हमर शरीर महत्त्वपूर्ण हए, काहेकी जैसे परमेश्वर प्रभु येशूके मरो मैसे जिन्दा करनके ताहीं अपनी शक्तिके इस्तमाल करी रहए। जहेमारे परमेश्वर हमके फिर मरे भए मैसे जिन्दा करैगो।

परमेस्वर को सच्चो वचन

¹⁴ और परमेस्वर अपनी सामर्थ्य से प्रभु कै मरे मैं से जिंदो करी, और हमउँ कै जिंदो करी।

1 कोरिन्थी 6:14 Referans Kwoze

2 कोरिन्थी 4:14

काहेकी हम जानत हएं, कि प्रभु येशूके मृत्युसे जिन्दा करबान बारो हमके फिर येशू सँग जिन्दा करैगो और येशू ख्रीष्टए हमके तुमर सँग परमेश्वरके अग्गु ठाणके लैजाबैगो।

रोमियों 8:11

अगर तुममे परमेश्वरको आत्मा बास करत हए, जौन ख्रीष्ट येशूके मरो भओ मैसे जिन्दा करी कहेसे, बा जौन ख्रीष्ट येशूके मरो भओ मैसे जिन्दा करी, बा तुमर नाशवान शरीरके फिर जिन्दा करैगो जो आत्मा तुमरमे बास करत हए।

फिलिप्पी 3:21

बा अपनो शक्तिको बहे प्रभावके अनुसार, जौनके द्वारा बा सब चीजके अपने अधिनमे कर सकत हए। हमर कमजोर संसारकी शरीरको रुप बदलके अपनो महिमाको शरीर जैसो बनाबैगो।

प्रेरित 2:24

पर परमेश्वर बाके मरो भओ मैसे जिन्दा करीहए। परमेश्वर बाके मृत्युको शक्तिसे छुटाइहए काहेकी मृत्युके ताहीं येशूके अपने अधिनमे नाए धर सकत रहए।

1 थेसलोनिकी 4:14

काहेकी अगर हम बिश्वास करत हएं, कि येशू मरो, और जीइउठो। तओ अइसियए परमेश्वर उनके फिर, जो येशूमे बिश्वास करतए मरिगए हएं, परमेश्वर उनके येशूके सँग लौटाएके लाबैगो।

1 कोरिन्थी 15:23

पर हर आदमी एक ठिक क्रम अनुसार जिन्दा करोजाबैगो; ख्रीष्ट पहिलो आदमी रहए जोके जिन्दा करोगओ; फिर जब ख्रीष्ट लौटके आबैगो तओ बे सब जो ख्रीष्टमे हएं, उनके फिरसे जिन्दा करोजाबैगो।

प्रेरित 17:31

काहेकी संसारके सबए आदमीनको न्याय करन बारो दिन बा तोक दइ हए और बो दिन बा अपनए छानो भओ व्यक्ति द्वारा न्यायसाथ इन्साफ करैगो। आदमीको लौंणाके न्याय करनके अधिकार हए कहान बारो प्रमाण सबए आदमीनके देओ कहिके परमेश्वर येशूके मरो मैसे जिन्दा करी।”

प्रेरित 2:32

जहे येशूके, परमेश्वर मरो भओ मैसे जिन्दा करी। जा बातके हम सब साक्षी हएं।

2 कोरिन्थी 13:4

काहेकी कमजोरीमे ख्रीष्ट क्रूसमे टंगोगओ, पर परमेश्वरको शक्तिमे बा जिन्दा हए। अइसियए ख्रीष्ट कमजोरीमे भओ कता हम फिर कमजोर हएं, पर तुमर सँगको हमर ब्यबहार करनके परमेश्वरको शक्ति द्वारा हम ख्रीष्टएके सँग जिइमंगे।