1 कोरिन्थी 4:15 - राना थारु नयाँ नियम

¹⁵ काहेकी चहुँ तुमर ठिन ख्रीष्टियन जीबनमे तुमके डगर दिखान बारे हजारौँ महाट्टर होएं, पर सिर्फ महिं तुमर दौवाके बरोबर हओं, काहेकी महिं बो सुरुको आदमी हओं जो तुमर ठिन अच्छो समाचार लैके आओ, जोके परिमाण स्वरुप तुम ख्रीष्ट येशूमे बिश्वास करन लागे।

परमेस्वर को सच्चो वचन

¹⁵ अगर मसीह मैं तुमरे सिखान बारे दसौ हजार होते, तहुँओं तुमरे बाबा भौत से नाय होते, तभई ईसु मसीह मैं सुसमाचार के जरिया मैं तुमरो बाबा बन गौ हौं।

1 कोरिन्थी 4:15 Referans Kwoze

गलातियों 4:19

मेरे छोटे बालका, जौनके मए प्रेम करत हओं, मए तुमर मारे कठिनाइसे गुजर रहो हओं, जैसे कि मए फिरसे तुमके जनम दइ रहो हओं, और मए तबतक जा कठिनाइसे गुजरतए रहामंगो, जबतककी तुम ख्रीष्टके बरोबर नाए बन्जाओ।

1 कोरिन्थी 3:10

परमेश्वर मोके जो काम अपनो बरदानसे करनके दइ हए, बोके मए बुद्धिमानसे करो; मए तुमर सहरमे अच्छो समाचार परचार करो और तुमसे पहिले आदमीनके येशूमे बिश्वास करनमे मदत करो। बोके पिच्छु, अन्य ख्रीष्टियन मजदुर बो काम करतए रहे, जो मए सुरु करो रहओं। पर हम मैसे सब मजदुरन्के ध्यानसे बिचार करन चाहो, कि हमके परमेश्वरको काम कैसे करनके हए।

1 कोरिन्थी 9:23

और मए सब कुछ ख्रीष्टके बारेमे अच्छो समाचारके परचार करनके ताहीं करत हओं, ताकी मोके अच्छो समाचारमे प्रतिज्ञा करेगए आशिषको हिस्सा दओजाए सकए।

1 कोरिन्थी 9:14

अइसियए प्रभु फिर आज्ञा दइ हए, कि उनको रोजी रोटी बे आदमीनसे होनचाहो जो अच्छो समाचार सुनत हएं।

1 पतरस 1:23

काहेकी तुम परमेश्वरसे नयाँ जीबन पाएहओ। तुम जा जीबनके, नाश होन बारे बातसे नाए पाएहओ पर सदाके ताहीं रहो रहान बारो बातसे पाएहओ। हम जा नयाँ जीबन जिन्दा और अनन्त परमेश्वरको बचनसे पाए हएं।

याकूब 1:18

परमेश्वर अपनी इच्छासे हमके सच्चाईको बचनसे नयाँ जीबन दइहए, ताकी परमेश्वरको सृष्टि करोभओ सब चीजमे हम सबसे महत्वपूर्ण हुइ पामएं, जैसेकी फसलको पहिलो हिस्सा सबसे खास हिस्सा होतहए।

फिलेमोन 1:19

मए पावल, अपन हातसे जा लिखत हओं, कि मए जा कर्जाके चुकाए देमंगो। और तए पहिलीयए जानतहए, कि अगर मए तेरो मदत नाए करतो, तओ तए अपनएसे जा नयाँ जीबनके नाएपैतो, जहेमारे तए अपनो जीबनके ताहीं मिर ऋणी हए।

तीतुस 1:4

मए जा चिट्ठी तीतसके लिखरहो हओं, जो मिर अपनो लौंणा कता हए, काहेकी बो येशू ख्रीष्टमे बिश्वास करत हए। दौवा परमेश्वर और हमर मुक्तिदाता येशू ख्रीष्टके घेनसे तोके अनुग्रह और शान्ति मिलतए रहाबए।

2 तिमोथी 4:3

काहेकी अइसो समय आबैगो, कि आदमी सच्चो सन्देश स्वीकार करन नाए चाहंगे, पर बे अपनुयए इच्छाके इकल्लो पुरा करंगे। और बे अइसे गुरुके खोजमे हुइहएं, जौन बिनसे बहे बातके इकल्लो कहामंगे, जो बात बे सुनन चाहंगे।

1 कोरिन्थी 9:18

तओ फिर मिर कौनछो इनाम हए? जा, कि अच्छो समाचार परचार करनमे मए ख्रीष्टको अच्छो समाचार सेँतए-मेँत करदेओं; हियाँतककी अच्छो समाचारमे जो मिर अधिकार हए, बोके मए पुरो रितिसे काममे लाओं।

1 कोरिन्थी 9:12

काहेकी तुम अन्य आदमीनके आर्थिक मदत करे जौन तुमर बीच परचार करी, नेहात्तओ बारनाबास और मए जाको औ फिर जद्धा लायक हएं। काहेकी हम तुमर ताहीं चुनेभए चेला रहएं। हबएतक, हम मैसे कोइ फिर जा बातमे जोर नाए दओ, कि तुम हमके बे चीजके देओ जो हमके तुमसे चाहो रहए। पर जा छोडके, हम कुछ फिर सहनके ताहीं तयार रहएं, ताकी हम ख्रीष्टके बारेमे अच्छो समाचारमे बिश्वास करनसे कोइके फिर बाधा नाए डारएं।

1 कोरिन्थी 3:6

तुमके परमेश्वरको सन्देश बतान बरो मए पहिलो आदमी रहओं, जहेमारे मए बो आदमी कता हओं जौन खेतमे बीज बोइ। बोको पिच्छु, अपोल्लोस तुमके तुमर बिश्वासके मजबुत होनके मदत करी, ठिक उइसीयए कोइ दुस्रो आदमी बे पेणनके पानी देतहए जो बढन लगे हएं। पर परमेश्वर तुमके नयाँ जीबन दइ हए और तुमके आत्मिक रुपसे बढनमे मदत कर रहो हए, जैसे परमेश्वर पेणके बढात हए।

रोमियों 15:20

पर मिर मनको उमंग जहेहए, कि अच्छो समाचार परचार बेहीं क्षेत्रमे होएं, जहाँ येशू ख्रीष्टके बारेमे अबतक नाए सुनाओ गओ। ताकी मए उइसो घर बनान बारो नाए हुइपामओं जौन औरेनके जगमे घर बनातहए।

1 कोरिन्थी 1:30

पर परमेश्वर तुमके येशू ख्रीष्टमे एकजुट बनाइ हए, और ख्रीष्टद्वारा परमेश्वर हमके अपनो बुद्धि दइ हए। परमेश्वर हमके अपनो नजरमे धर्मी फिर ठहिरात हए। ख्रीष्टके द्वारा हम सब पबित्र बनाए गए हएं, और बा हमके पापसे छुटकारा करत हए।

1 कोरिन्थी 3:8

जो पेण लगात हए बोको मोल और जो छिँचत हए बोको मोल बिरकुल एकए कता हए, और जे दुनौ जो करी हएं, बोको अनुसार इन्के परमेश्वरके घेनसे इनाम मिलैगो।

1 कोरिन्थी 9:16

अगर मए अच्छो समाचार परचार करत हओं, तओ जामे मोके घमण्ड करनको कोइ हक नाए हए; काहेकी जा त मोके येशू ख्रीष्टसे सौँपो गओ जिम्मेदारी हए; और अगर मए अच्छो समाचार नाए सुनामङगो तओ मोके समस्या होबैगो।

1 कोरिन्थी 15:1

हे मेरे बिश्वासी ददाभइयओ, मए तुमके बहे अच्छो समाचारके याद दिलात हओं जो पहिलीयए परचार करडारो हओं, जोके तुम बो सन्देशमे बिश्वास फिर करे रहओ और जोमे तुम भरोसा करतए आए हओ।

2 कोरिन्थी 4:5

काहेकी हम अपनो परचार नाए करत हएं, पर “येशू ख्रीष्टए प्रभु हए” कहान बारो बात परचार करत हएं, और हम येशूके खातिर तुमर कमैया हएं।

गलातियों 3:24

जहेमारे ख्रीष्टके आनतक नियम कानुन हमर डगर दिखान बारो और हमर रेखदेख करनके ताहीं दओ गओ रहए, ताकी हम येशू ख्रीष्टमे बिश्वास करनसे परमेश्वरके अग्गु धर्मी ठहिर पामएं।

गलातियों 3:25

जबकी हम ख्रीष्टमे अपनो भरोसा धरे हएं, तओ हमर मदत करनके ताहीं और हमके डगर दिखानके ताहीं नियम कानुनकी जरुरत नाए हए।