1 कोरिन्थी 4:14 - राना थारु नयाँ नियम

¹⁴ मए तुमके लज्जित करनके ताहीं जा बात नाए लिखत हओं, पर मिर उदेश्य तुमके अनुशासित करनो हए। काहेकी तुम मेरे बच्चा कता हओ, जौनके मए सचमे प्रेम करत हओं और चेतावनी देत हओं।

परमेस्वर को सच्चो वचन

¹⁴ मैं तुमकै सर्मबान ताहीं जे बातन कै नाय लिखथौं, लेकिन अपने प्रिय बालका जानकै तुमकै चिताथौं।

1 कोरिन्थी 4:14 Referans Kwoze

1 थेसलोनिकी 2:11

जैसे तुम जानत हओ, कि जैसो दौवा बालकनके सँग ब्यबहार करत हए, अइसियए हम फिर तुम मैसे सबके उपदेश और सहास देतए तुमके सम्झाए,

3 यूहन्ना 1:4

जबही फिर मए जा सुनत हओं, कि बे आदमी, जो मेरे लौंणालौंणीया हानी हएं, बे बहे तरिकासे जिइनडटे हएं, जो सचमे परमेश्वर हमएं दिखाइ हए, तओ जा मोके औ खुसी बनाए देत हए।

1 कोरिन्थी 9:15

लेकिन मए इन मैसे एकफिर अधिकार इस्तमाल नाए करो। मए जा चिट्ठी जाकेमारे नाए लिखरहो हओं, कि तुम अब मेरे ताहीं कुछ करओ। नाए! बिरकुल नाए! मेरे ताहीं मरनो अच्छो हुइहए! काहेकी कोइ फिर मोके जा बातको घमण्ड करनसे नाए रोक सकत हए, कि मए अपनो खयाल अपनए रक्खत हओं।

1 कोरिन्थी 4:15

काहेकी चहुँ तुमर ठिन ख्रीष्टियन जीबनमे तुमके डगर दिखान बारे हजारौँ महाट्टर होएं, पर सिर्फ महिं तुमर दौवाके बरोबर हओं, काहेकी महिं बो सुरुको आदमी हओं जो तुमर ठिन अच्छो समाचार लैके आओ, जोके परिमाण स्वरुप तुम ख्रीष्ट येशूमे बिश्वास करन लागे।

1 थेसलोनिकी 5:14

और हे मेरे बिश्वासी ददाभइयओ, हम तुमसे बिन्ती करत हएं, कि जो आदमी अल्छी हएं, उनके चेतावनी देओ। बे आदमीनके उत्सहा देओ, जो डरपोक हएं, जो बिश्वासमे कमजोर हएं उनके मदत करओ, सबके सँग सहनशीलता देखाओ।

कलस्सी 1:28

जहेमारे हम सब आदमीके ख्रीष्टके बारेमे सुनात हएं। सबके ख्रीष्टमे बलियो बनाएके परमेश्वर ठिन पुगान हम सब किसिमके ज्ञान बुद्धिसे आदमीके होसियार करतए बिनके शिक्षा देत हएं।

2 कोरिन्थी 12:19

का तुम जा सोँच रहेहओ, कि यित्तो समय तक तुमर अग्गु हम अपनुवए सफाइ दइ रहे हएं? प्रिय हो, हम परमेश्वरको उपस्थितिमे रोजए सच्चो रुपसे ख्रीष्टद्वारा परचार करत हएं और जे सब तुमके बिश्वासमे मजबुत बनानके ताहीं हए।

2 कोरिन्थी 11:11

मए तुमर रुपैया काहे नाए लैगओ? का मए तुमके प्रेम नाए करके अइसो करो? परमेश्वर जानत हए मए तुमके प्रेम करत हओं।

2 कोरिन्थी 7:3

तुमके दोषी ठहिरानके ताहीं मए जा नाए कहो हओं, काहेकी मए अग्गुसे कहिदओ हओं, हम तुमके पुरा हृदयसे प्रेम करत हएं, और हम चहुँ मरएं, चहुँ जिइयएं, हम अलग नाए होमंगे।

1 कोरिन्थी 15:34

जो ठिक हए बोके बारेमे ध्यानसे बिचार करओ, अबसे पाप मत् करओ; काहेकी तुम मैसे कुछ आदमी परमेश्वरके स्पष्ट रुपसे नाए जानत हएं।

1 कोरिन्थी 6:5

मए तुमके लज्जित करनके ताहीं जा कहात हओं। का तुम मैसे एक बुद्धिमान आदमी नाए हए जो अपनो सँगी बिश्वासीनको मुद्दा-मामला करसकए?

प्रेरित 20:31

जहेमारे जा सम्झके होसियार हुइयओ, कि तीन वर्षतक दिनरात आँसु बहात हरेक आदमीनके मए चेतावनी देत रहो।

1 कोरिन्थी 4:17

जहेमारे मए तिमोथीके तुमर ठिन पठाओ हओं जो प्रभुमे मिर प्रिय और बिश्वासयोग्य लौंणा हए, और मए हर ठिहा हर एक मण्डलीमे शिक्षा देए अनुसार, तुम येशू ख्रीष्टमे कैसो ब्यबहार करत हओ कहिके बो तुमके याद दिलाबैगो।

2 थेसलोनिकी 3:14

अगर कोइ हमर जा चिट्ठीको सन्देशके नाए मानए, तओ बे आदमीनके चिने रहाबओ और बिनसे मेलमिलाप मत् करओ, ताकी बो शरमको महसुस करए।

फिलेमोन 1:10

मए ओनेसिमसके ताहीं बिन्ती करत हओं, जो मेरे लौंणाके बराबर हए। जब मए जेलमे रहओं, तओ बो ख्रीष्टमे मिर लौंणा बनिगओ।

1 यूहन्ना 2:1

मेरे छोटे बालका, मए जा बात तुमके जहेमारे लिखत हओं, कि तुम पाप मत् करओ, और अगर कोइ पाप करैगो कहेसे दौवा परमेश्वरके ठिन हमर एक साहायक येशू ख्रीष्ट हए जो धर्मी हए। बा हमर पापके माफी करन ताहीं परमेश्वरसे बिन्ती करत हए।