1 कोरिन्थी 2:6 - राना थारु नयाँ नियम

⁶ तहुँफिर मए बेहीं आदमीनके बीचमे ज्ञानको सन्देशके मस्कत हओं, जो आत्मिक रुपसे पक्को हए। पर जा संसारके आदमीनको ज्ञान और जा संसारके हाकिमनको ज्ञान नाए हए; जौनको नाश होन बारो हए।

परमेस्वर को सच्चो वचन

⁶ फिर भी मैं बे लोगन कै ग्यान को संदेस देथौं जो आत्मिक रूप से मजबूत है। लेकिन जौ ग्यान ना है जो जौ युग से संबंधित है या बे सक्तियन से जो जौ दुनिया के मुखिया राज करथैं, ऐसी सक्तियैं जो अपनी सक्ति खोए रइ हैं।

1 कोरिन्थी 2:6 Referans Kwoze

हिब्रू 5:14

कर्रो खानु त बिश्वासमे बलियो भए आदमीनके ताहीं हए। बो असल और खराब बात छुट्टयानके तालिम पाए डारत हए।

याकूब 3:15

जा बुद्धि परमेश्वरसे नाए आओ हए। पर जा त संसारिक स्वार्थसे भरो हए, और शैतानके घेनसे आत हए।

2 कोरिन्थी 4:4

और जा संसारको देवता, शैतान बे गैर-बिश्वासीनको बुद्धिन्के अन्धरा बनाए दइ हए, ताकी बे ख्रीष्टको महिमाके बारेमे अच्छो समाचारसे आओ भओ ज्योति देख पामएं, जौन परमेश्वर कैसो हए कहिके दिखात हए।

1 पतरस 5:10

परमेश्वर, जो पुरा रुपमे अनुग्रहकारी हए, बा हमर येशू ख्रीष्ट सँगको सम्बन्धके कारण अपनो अनन्त महिमामे हमके साझेदार होनके बुलाइ हए। तुम कुछ देरतक दुख उठाएके पिच्छु, परमेश्वर तुमके असल बनाबैगो, ताकी तुममे कोइ गल्ती नाए होबए, और बा तुमर मनके मजबुत बनाबैगो और मजबुत होनके ताहीं बामे बिश्वास करन बारे बनाबैगो।

1 कोरिन्थी 2:8

जोके, जा संसारके हाकिमन मैसे परमेश्वरको योजनाके नाए जानीं, काहेकी अगर जनते तओ सम्मान पान बारो प्रभुके क्रूसमे नाए टँगैते।

1 कोरिन्थी 1:28

और परमेश्वर अइसे आदमीनके चुनी जौननके संसारके द्वारा तुच्छ करेगए रहएं, अइसे आदमी जौनन्के कुछु फिर नाए सम्झो जात रहए और उनको उपयोग नाश करनके ताहीं करोजात रहए जोके संसार महत्त्वपूर्ण सम्झत रहए।

कलस्सी 4:12

इपाफ्रास जो तुमर गाउँसे हए, और ख्रीष्ट येशूको सेवक हए, तुमके नमस्कार कहात हए। और हमेसा तुमर ताहीं निरन्तर प्राथना करत हएं, ताकी तुम पुरा परिपक्का हुइके पुरा बिश्वासके सँग परमेश्वरके इच्छामे मजबुत हुइ पाबओ।

इफिसियों 2:2

बो समयमे तुम जा संसारके आदमीनको तरिकाके पालन करत रहओ जो परमेश्वरके नाए जानत हएं और तुम शैतानको आज्ञापालन करत रहओ, अर्थात् बहे प्रधानके जो बादरमे दुष्टआत्मनमे शासन करत हए। जो अभौफिर बे आदमीनके कब्जामे करनके कोसिस कररहो हए जो परमेश्वरको आज्ञापालन नाए करत हएं।

मत्ती 5:48

जहेमारे, तुम हमेसा बहे करओ जो सही हए, सिद्ध बनओ जैसी तुमर स्वर्गमे होन बारो दौवा सिद्ध हए।”

2 कोरिन्थी 1:12

हम गर्ब करत हएं, कि हमर बिबेक स्पष्ट हए। संसार और खास करके तुमर सँगको हमर सम्बन्धमे हम परमेश्वरसे आओ भओ पबित्रता और सत्यतामे चले हएं। जा मानब बुद्धिसे नाए, बल्कि परमेश्वरको अनुग्रहसे हए।

याकूब 3:2

हम सब बहुत भुल करत हएं। पर अपनो कहो भओ बातमे गल्ती नाए करन बारे आदमी नेहात्तओ सिद्ध आदमी हएं। और बो अपनो सारे कामके अधिनमे करनमे सक्षम होतहए।

2 कोरिन्थी 13:11

अन्तमे बिश्वासी ददाभइया, अब बिदा पामओं। सिध्दताको लक्ष्य धरओ। एक-दुस्रेके उत्साहित करओ। एक-दुस्रेके सँग सहमत होबओ। शान्तिमे रहबओ, तओ प्रेम और शान्तिको परमेश्वर तुमर सँग होबैगो।

1 कोरिन्थी 14:20

हे मेरे बिश्वासी ददाभइयओ, एक बच्चा कता मत् सोँचओ, जब जा बुराइको बात आत हए तओ बच्चाके रुपमे निर्दोष होबओ। पर जे मेलके बातनके सम्झनमे परिपक्व होओ।

1 कोरिन्थी 2:13

और जहेमारे हम जे बातनके औरे आदमीनके बतात हएं, जो बात हम परचार करत हएं बो बात आदमीनको बुद्धी नाए सिखाइ हए, बल्कि पबित्र आत्माको सिखाओ भओ शिक्षा मस्कत हएं और पबित्र आत्मा भए बारेनके इकल्लो हम आत्माके सच्चे बातनके बुझात हएं।

1 कोरिन्थी 2:1

हे मेरे बिश्वासी ददाभइयओ, जब मए तुमके परमेश्वरके बारेमे सन्देश सुनातए तुमर ठिन आओ, तओ मए बणे-बणे शब्दनको इस्तमाल नाए करो, और नए मए समझदार बननके कोसिस करो।

लूका 16:8

मालिक बो अधर्मी ब्यवस्थापकको तारिफ करी, कि बो चलाकीसे काम करीहए; काहेकी अइसियए दुनियाके आदमी, अपने पिढीके आदमी सँग ब्यबहार करत ज्योतिके आदमीसे औ जद्धा चलाँक हएं।

मत्ती 19:21

येशू बोसे कही, “तए सिद्ध होनके चाँहत हए तओ, जाएके सब बेँचके दुखी और गरीबनके दे, तओ तए स्वर्गमे धन प्राप्त करैगो, और आएके चेला बननके ताहीं मिर पिच्छु लाग।”

मत्ती 13:22

काँटोमे बुए भए बिज बेही हएं, जौन बचन सुनत हएं, पर जीबनको आवश्यकताके चिन्ता करत हएं, धनी बननके ताहीं और दुस्रो चीज पानके लालचमे बे मुरख बन्जात हएं तभीमारे परमेश्वरको बचन बे भुल जात हएं और अपन जीबन उइसे नाए जीइत हएं जैसे परमेश्वर चाँहत हए।

1 कोरिन्थी 3:1

हे मेरे बिश्वासी ददाभइया, जब मए तुमर सँग रहओं तओ मए तुमके गहिरी शिक्षा नाए बताए पाओ जैसे मोके आत्मिक आदमीनके सँग करन रहए। मोके अइसे बात करन पणो, जैसेकी तुम ख्रीष्टियन जीबनमे बच्चा रहओ।

1 कोरिन्थी 12:8

परमेश्वरको आत्मा, एक आदमीके ज्ञानसे भरो भओ सन्देश मस्कनके बरदान देतहए, और बहे आत्मा दुस्रो आदमीके ज्ञानसे भरो भओ सन्देश मस्कनके बरदान देतहए।

2 कोरिन्थी 4:3

अगर हमर परचार करन बारो अच्छो समाचार लुको हए कहेसे, जा नष्ट होन बरेनके ताहीं फिर लुको हए।

कलस्सी 1:28

जहेमारे हम सब आदमीके ख्रीष्टके बारेमे सुनात हएं। सबके ख्रीष्टमे बलियो बनाएके परमेश्वर ठिन पुगान हम सब किसिमके ज्ञान बुद्धिसे आदमीके होसियार करतए बिनके शिक्षा देत हएं।

हिब्रू 6:1

तभीमारे आओ, हम बो चीज सिखन बन्द करएं, जौन चीज हमके पहिले ख्रीष्टके बारेमे सिखाए गए रहएं। और गहिरो शिक्षा सिखएं, ताकी हमर बिश्वास परिपक्क हुइजाए। हमके फिरसे दुस्रो चोटी परमेश्वरमे बिश्वासके बारेमे और मृत्युके घेन लैजानको कामसे दुर होनको बारेमे सिखन सुरु नाए करन पणैगो।