1 कोरिन्थी 15:52 - राना थारु नयाँ नियम

⁵² जा अचानक होइगो, इत्नो तेजीसे, कि जित्नो तेजीसे कोइ अपनो आँखी तिम्काट हए। जब अन्तिम तुरही फुको जएहए, तओ जो आदमी मरचिके हएं बे हमेसाको जीबन जीइनके ताहीं फिरसे जिन्दा करेजामंगे और हम जो जिन्दा हएं, हमर शरीर बदलदओ जाइगो।

परमेस्वर को सच्चो वचन

⁵² जब सबसे बाद की तुरहई बजैगी तौ पलक झपकतै खिना एक घड़ी मैं ऐसो हुई जागो, काहैकि तुरहई बजैगी और मरे भै अमर हुईकै जी उठंगे और हम जो हबै जिंदे हैं, बदल जांगे।

1 कोरिन्थी 15:52 Referans Kwoze

मत्ती 24:31

बा अपन स्वर्गदूत तुरहीको बडो अबाजके साथ पठाबैगो, और बे बादरके जा छोरसे लैके बो छोरतक चारौ घेनसे अपन चुनेभएनके इकट्ठा करंगे।”

यूहन्ना 5:25

नेहात्तओ मए तुमसे कहात हओं, बो बेरा आएरहो हए, और बो बेरा हबए हए, जब मरे भए परमेश्वरको लौंणाको अबाज सुनंगे, और जो सुनन बारे हएं बे हमेसाके ताहीं बचेजामंगे।

यूहन्ना 5:28

“जामे अचम्मो मत् मानओ; काहेकी बेरा आइगओ हए, जब बे सब आदमी शरीरमे मरिगए हएं बे मिर अबाज सुनंगे।

2 पतरस 3:10

पर ख्रीष्ट नेहात्तओ दुबरा लौटके आबैगो। बा चोर कता, नाए सोँचो भओ समयमे लौटके आबैगो। बो बेला बादरमे बडो अबाज होबैगो और बादर हराए जाबैगो। बादरमे भओ सूर्य, जोनी और तारा आगीसे पुरा रुपमे नष्ट होबैगो। बो दिन, आदमी पृथ्वीमे करोभओ सब कामके न्याय करनके ताहीं परमेश्वर प्रकट करैगो।

1 कोरिन्थी 15:42

तओ अइसियए मरके जिन्दा भए आदमीमे फिर होइगो। जौन शरीरके बे दफ्नात हएं बो अइसो शरीर हए जो सडो जातहए, पर जब जा फिरसे जीइउठैगो तओ जा एक अइसो शरीर होबैगो जो सण नाए सकत हए।

प्रकाश 8:13

जब मए फिरसे देखो, तओ बादरमे एक चिल्हरियाके बहुत उपर उणत और उँचो अबाजसे अइसे कहात सुनो, “बे दुष्ट आदमीनके परमेश्वर दण्ड देहए जो पृथ्वीमे रहात हएं, काहेकी जब बाँकी रहेभए तीन स्वर्गदूतके उनके दओगओ तुरहीके फुँकंगे, तओ संसारमे सब आदमीनमे आन बारो बिपत्ति एकदम डर लागन बारो हुइहए।”

1 कोरिन्थी 15:50

हे मेरे बिश्वासी ददाभइयओ, जा पृथ्वीमे हमर शरीर बुट्टी और खुनसे बनो हए; हम स्वर्गमे परमेश्वरके राज्यमे नाए घुस पएहएं। हम स्वर्गमे अपनो अइसो शरीरके साथ नाए रहिपए हएं जो मर सकत हए, काहेकी हुवाँपर कोइ मृत्यु नाए हए।

प्रकाश 8:2

और मए बे सात स्वर्गदूतनके देखो जो परमेश्वरके अग्गु ठाणे रहात हएं, और उन्हएं सात तुरही दओगओ।

1 कोरिन्थी 15:23

पर हर आदमी एक ठिक क्रम अनुसार जिन्दा करोजाबैगो; ख्रीष्ट पहिलो आदमी रहए जोके जिन्दा करोगओ; फिर जब ख्रीष्ट लौटके आबैगो तओ बे सब जो ख्रीष्टमे हएं, उनके फिरसे जिन्दा करोजाबैगो।

1 थेसलोनिकी 4:15

काहेकी हम प्रभु येशूको बचनके अनुसार तुमसे जा कहात हएं, कि हम जो जिन्दा हएं, और जब तक प्रभु येशू फिरसे लौटके नाए आबए, तबतक बचे रहामंगे। जो मरिगए हएं, उनके प्रभुसे भेँटनसे पहिले बे बासे नाए मिल पएहएं।