1 कोरिन्थी 15:2 - राना थारु नयाँ नियम

² परमेश्वर तुमके, बो अच्छो समाचारके द्वारा उद्धार दइहए। और अगर तुम बो अच्छो समाचारमे बिश्वास करतए रहे कहेसे परमेश्वर तुमके बचाबैगो। अगर तुम अइसे नाए करत हओ तओ तुम बिना कामको बिश्वास करे हओ।

परमेस्वर को सच्चो वचन

² बहे से तुमरो उद्धार भी होथै, अगर बौ सुसमाचार कै जोमैं तुमकै सुनाओं रहौं याद रखाथौ तौ, नाय तौ तुमरो बिस्वास करनो बेकार है।

1 कोरिन्थी 15:2 Referans Kwoze

हिब्रू 3:6

पर ख्रीष्ट परमेश्वरको घरको आदमीनसे लौंणाके रुपमे बिश्वासयोग्य रहए। और आगर हम हमर आसरामे सहास और भरोसा करे रएहएं, तओ हम परमेश्वरको घरके आदमी हएं।

हिब्रू 2:1

जहेमारे हमरी सिखाइ भइ बात पालन करनके ताहीं जद्धा ध्यान देन पणत हए, तओ हम सच्चाईसे दुर नाए जाए पामंगे।

हिब्रू 3:14

अगर हमर सुरुमे रहो भओ बिश्वासमे हम जीबनको अन्त तक मजबुत रएहएं तओ हम ख्रीष्ट सँग साझा हकदार हुइहएं।

2 तिमोथी 1:9

जौन हमर उद्धार करी, और हमके एक पबित्र जीबनके ताहीं बुलाइ, और बा हमके जाकेमारे नाए बुलाइ, कि हम अच्छे काम करेहएं; पर अपनो योजना और अनुग्रहके अनुसार बुलाइ हए, जो संसारको सृष्टिसे पहिलीए येशू ख्रीष्टके पठाएके परमेश्वर हमके बाको अनुग्रह दिखानको योजना बनाएलै रहए।

कलस्सी 1:23

तुमर बिश्वास ख्रीष्टमे मजबुत होन पणैगो, जैसेकी एक घर बलियो जगमे बनो होतहए। जो हमरे सँग आसरा हए, और जो अच्छो समाचारमे हम बिश्वास करत हएं, बो आसराके मत् छोडओ, जौनके बारेमे बादरके तरे भए सबके परचार करोगओ हए, और मए पावल, जहे अच्छो समाचार सुनान बारो सेवक भओ हओं।

इफिसियों 2:8

काहेकी जब तुम बिश्वास करे तओ परमेश्वर अपने अनुग्रहसे तुमके बचाएलै, और तुम अपनए कोसिस करके बचे नाए हओ, बल्कि जा परमेश्वरको बरदान हए।

1 कोरिन्थी 1:18

जब आदमी जा सन्देश सुनत हएं, कि ख्रीष्टको मृत्यु क्रूसमे भओ, तओ बे मैसे कोइ-कोइ जा सोँचत हएं, कि जा सन्देश व्यर्थ हए। जौन आदमी अइसो सोँचत हएं बे नरक घेन जाएरहेहएं। पर हमरे ताहीं जौन बो सन्देशमे बिश्वास करत हए, जा परमेश्वरके आदमीनके अपनो शक्तिसे बचानको तरिका हए।

याकूब 2:26

जैसे शरीर साँस बिना मरो होतहए, उइसीयए बिश्वास फिर भले काम बिना मरो होतहए।

याकूब 2:14

हे मेरे बिश्वासी ददाभइयओ, अगर कोइ आदमी कहाबैगो, कि मए प्रभु येशू ख्रीष्टमे बिश्वास करत हओं। पर बो आदमी दुस्रेनके ताहीं अच्छो काम नाए करैगो, तओ बोके का फाइदा? का अइसो बिश्वास कभी अपनो उद्धार करपाबैगो?

हिब्रू 10:23

हम जो आसरा करेहएं बोके मजबुतसे पाकणे रहमएं, काहेकी बाको करोभओ प्रतिज्ञा बा पुरा करैगो कहिके हम परमेश्वरमे बिश्वास करपामएं।

लूका 8:13

पत्थर बारी जमिनमे पणन बारे बेही हएं, जौन परमेश्वरको बचन सुनके खुसीसे ग्रहण करत हएं। पर बिनकी जर नाए होत हए, और बे थोरी समयके ताहीं बे बिश्वास करत हएं, पर सतावटके समयमे बे अलोप हुइजात हएं।

याकूब 2:17

अइसियए जौन बिश्वासी भलाइको काममे प्रकट नाए होत हए कहेसे बो अपनो स्वभाबमे मरो भओ हए।

हिब्रू 4:14

स्वर्गमे जान बारो परमेश्वरको लौंणा येशू हए। बा हमर सबको सबसे भारी प्रधान यहूदी पुजारी हए। तभीमारे सब आदमीनके अग्गु ग्रहण करोभओ बिश्वासके थामके मजबुत होबओ।

2 थेसलोनिकी 2:15

जहेमारे हे मेरे बिश्वासी ददाभइयओ, बिश्वासमे स्थिर रहाओ; और बेहीं सन्देशमे बिश्वास करत रहाओ, जो हम तुमके सिखाए रहएं जब हम तुमरसँग रहएं या जब हम चिट्ठी पठाए रहएं।

गलातियों 3:4

का तुमर सब दु:ख बेकार हुइगए? मए नेहात्तओ आसरा करत हओं, कि जा बेकार नाए होए।

2 कोरिन्थी 6:1

हम परमेश्वरए सँग काम करत हएं और जहे हैसियतसे तुमके बिन्ती करत हएं, तुम परमेश्वरको अनुग्रह पाएके अब बो व्यर्थ होन मतदेओ।

रोमियों 1:16

काहेकी मोके ख्रीष्टको खुसीके खबरमे पुरा भरोसा हए। काहेकी अच्छो समाचारमे बिश्वास करन बारे सबके परमेश्वर अपने शक्ति द्वारा उद्धार करत हए, सुरुवातमे परमेश्वर यहूदी आदमीनके मुक्ति दइ और अब सब आदमीनके फिर मुक्ति देत हए।

2 कोरिन्थी 2:15

काहेकी हम ख्रीष्ट द्वारा परमेश्वरके ताहीं जलाओ भओ धुप कता हएं। और हमसे परचार भओ सन्देश उद्धार पाएभए और नाए पाएभए सब आदमीनमे फैलन डटो मिठो बासना कता हए।

1 कोरिन्थी 15:14

और अगर ख्रीष्ट मरो मैसे जिन्दा नाए हुइतो, तओ जौन सन्देशको परचार हम करत हएं, बो सन्देश और ख्रीष्टमे तुमर बिश्वासको कोइ अर्थ नाए हुइतो।

1 कोरिन्थी 1:21

मए जा जहेमारे कहात हओं, काहेकी परमेश्वर बुद्धिमानके साथ जा फैसला लइ, कि जा संसारके आदमी अपनो ज्ञानके द्वारा बोके जाननमे सक्षम नाए होमंगे। जहेमारे परमेश्वर बे आदमीनके बचानको बिचार करी जो बो अच्छो समाचारमे बिश्वास करत हएं जौनको हम परचार करे, हियाँतककी बे आदमी जो बिश्वास नाए करत हएं, कि हमर परचारको कोइ फाइदा नाए हए।

रोमियों 11:22

जहेमारे परमेश्वरको दयालुता और कठोरताके देखके बिचार करओ! पतन भए बारेन्के उपर कडा ब्यबहार करओ, पर बाको दयामे रहे कहेसे तुमके परमेश्वरको दया दिखाओ जाबैगो, नत तुम फिर काटे जाबैगे।

प्रेरित 8:13

सिमोन अपनए फिर फिलिपको सन्देशमे बिश्वास करी। बो बप्तिस्मा लइ और फिलिपके सँगए-सँग लाग गओ, और चिन्हा और बणे-बणे चमत्कारको काम करके देखके बोके अचम्मो लगत रहए।

प्रेरित 2:47

और बे परमेश्वरको प्रसंसा करत रहएं और सबए आदमी उनसे खुस रहएं। उद्धार पान बारेनको संख्या उनको झुण्डमे प्रभु दिनए-दिन बढाए देत रहए।

1 कोरिन्थी 11:2

मए तुमर तारिफ करत हओं। काहेकी तुम मोके हर समयमे याद करत रहात हओ; और जो शिक्षा मए तुमके दओ हओं, उनके साबधानीसे पालन कररहे हओ।