1 कोरिन्थी 14:3 - राना थारु नयाँ नियम

³ लेकिन जो परमेश्वरको सन्देशके परचार करत हए, बो बिश्वासीनके बिश्वासमे मजबुत करन, प्रोत्साहित करन और उनके दिलके सन्तुष्टि देनमे मदत करत हए।

परमेस्वर को सच्चो वचन

³ लेकिन जो भविस्यवाँड़ी करथैं, बे इंसानन की बढ़ोतरी और सीख और सांति के बढ़ावा की बात करथै।

1 कोरिन्थी 14:3 Referans Kwoze

1 कोरिन्थी 14:12

काहेकी तुम पबित्र आत्मा द्वारा दओ जान बारो खास क्षमतनके ताहीं इतना उत्सुक हओ, जहेमारे बे क्षमतनको इच्छा करओ जो मण्डलीमे बिश्वासीनको बिश्वास मजबुत करत हए।

1 तिमोथी 4:13

जब तक मए हुवाँ नाए पुगंगो तबतक तए बिश्वासीनके ताहीं पबित्र-शास्त्रके बडो अबाजसे पढनके ताहीं, उत्सहा देनके ताहीं और पबित्र शास्त्रको मतलब बुझनके ताहीं समय निकार।

यहूदा 1:20

हे मेरे प्यारे सँगीउ, पबित्र शिक्षामे बढनके ताहीं एक-दुस्रेनके तुमके बिश्वास करनके बेढम मदत करन पणत हए। तुमके पबित्र आत्माको शक्तिको अगुवाईमे प्राथना करन जरुरी हए।

तीतुस 1:9

और बे, येशू ख्रीष्टके बारेमे बिश्वासयोग्य सन्देशमे मजबुतसे बिश्वास करन बारे होन पणो, जो हम बोके सिखाए हएं। बिनके अइसे करनके चाहो, ताकी बे दुस्रेनके सही शिक्षाके पालन करनके ताहीं हौसला दइ पामएं, और सँगए-सँग उनके साबित करपामएं, कि बे गलत हएं।

इफिसियों 6:22

बोके मए तुमर ठिन जाकेमारे पठाओ हओं कि तुमके हमर हालचाल पता होबए, और बो तुमके प्रोत्साहित कर्पाबए।

2 तिमोथी 4:2

कि तए परमेश्वरको बचनको परचार कर; चहुँ परिस्थिति अच्छो होए या खराब होए, सब परिस्थितिमे परमेश्वरको परचार करन मत् छोड। तोके बे आदमीको करोभओ गलत कामके दिखान पणैगो और डाँटन पणैगो। बिनके शिक्षा देत पेती शान्तिसे सम्झैए और हौसला दिए।

तीतुस 2:6

अइसियए जवान आदमीनके फिर सम्झा, कि बे सम्झदरीसे काम करएं।

1 कोरिन्थी 14:31

तुम सब परमेश्वरके सन्देशको परचार कर सकत हओ, पर एकके पच्छु एक। ताकी हर कोइ सिखैगो और प्रोत्साहित होबैगो।

1 कोरिन्थी 14:26

हे मेरे बिश्वासी ददाभइयओ, सुनओ कि कामके कैसे करोजानके चाहो? जब तुम आराधनाके ताहीं इकट्ठा होत हओ, तओ तुम मैसे कोइ गीत गात हए, कोइ उपदेश देतहए, कोइ प्रभुके द्वारा दओगओ प्रकासको बात करत हए, कोइ फरक-फरक भाषामे बात करत हए और कोइ अन्य भाषाको अर्थ खोलत हए; जे सब बातन्को उदेश्य जा होनचाहो, कि “मण्डलीके बिश्वासमे मजबुत होनके ताहीं मदत करनो।”

रोमियों 14:19

जहेमारे हमके हमेसा आदमीनके शान्तिमे एकए सँग रहानके ताहीं और एकदुस्रेके बिश्वासमे बलियो होनके ताहीं मदत करन पणत हए।

प्रेरित 13:15

अब मोशाको नियम कानुन और अगमबक्तनको किताबसे पढनके बाद यहूदी सभाघरको मुखिया पावल और बारनाबासके बुलाएके कहीं, “हे बिश्वासी ददाभइया! अगर तुमरसँग आदमीनके ताहीं सहास देन बारी कुछ बातहएं कहेसे बताबओ।”

तीतुस 2:9

बिश्वासी जो कमैया हएं, उनके सिखा, कि बे बो सब कुछ करएं, जो उनको मालिक उनके करनके ताहीं कहात हए। बे हर बतामे अपने मालिकनके खुसी करनके कोसिस करएं, और उनके सँग बाद-बिबाद नाए करएं।

1 थेसलोनिकी 2:3

काहेकी हमर सिखाओ भओ शिक्षा झुठो और खराब सोँच या कोइ छल नाए रहए।

1 कोरिन्थी 10:23

तुम कहात हओ, “हम कुछु फिर करनके ताहीं स्वन्त्र हएं।” हाँ, लेकिन हमरे ताहीं सब कुछ अच्छो नाए हए। हम कुछु फिर करनके ताहीं स्वन्त्र हएं, लेकिन सब कुछ परमेश्वरमे हमर बिश्वासके मजबुत नाए करत हए।

1 पतरस 5:12

सिलासको मदतसे मए जा छोटो चिट्ठी तुमके लिखके पठाओ हओं। ख्रीष्टमे मए बोके बिश्वासयोग्य भइया सम्झत हओं। मिर चिट्ठी लिखनको उदेश्य तुमके उत्सहा देनो और पक्का कर्नो हए, कि तुम अनुभव कररहे तुमर ताहीं परमेश्वरको अनुग्रह हए। जा अनुग्रहमे पक्को हुइके ठाणे रहाओ।

हिब्रू 13:22

हे मेरे बिश्वासी ददाभइयओ, मए तुमसे बिन्ती करत हओं, कि हौसलाको जा बचनके धिरजसे सुनओ, काहेकी मए तुमर ताहीं छोटकरीमे लिखो हओं।

हिब्रू 10:25

कित्नोनके संगतीमे नाए जानके बानी होत हए, पर हम एकए सँग इकट्ठा होनके नाए छोडएं। पर हमएं एकदुस्रेके उत्सहा और चेतावनी देन पणत हए। काहेकी हम जानत हएं, कि प्रभु जल्दीए फिरसे लौटके आनडटो हए।

तीतुस 2:15

जहेमारे, तीतस मए चाँहत हओं, कि तए क्रेट टापूके बिश्वासीनके जा बात सिखा, जो मए तोके बताओ हओं। अपने आदमीनके बे सब चीज करनके ताहीं हौसला दे। जहाँ जरुरी होबए, हुवाँ उनके सुधार। तोके अइसो करनके अधिकार हए। पक्का कर, कि जो कुछ फिर तए सिखात हए, कोइ फिर लापरबाही नाए करए।

1 तिमोथी 6:2

और जौननके मालिक बिश्वासी हएं, मालिकके बे बिश्वासी ददाभइया होनके कारण मालिकनके ठिक सम्मान देमएं; बल्कि उनके कमैयनके ताहीं और मेहेनतसे काम करन चाहो, काहेकी उनके फाइदा होनो अपनुवए प्यारो बिश्वासी दादा-भइयनके फाइदा होनो हए। जे बातनको उपदेश दएकर और बिनको पालन करनके ताहीं सबके उत्साहित कर।

2 थेसलोनिकी 3:12

अइसे आदमीनके प्रभु येशू ख्रीष्टमे हम अधिकार दइके कहात हएं, कि बे धिरजसे अपनए काम करएं और अपने जीबन चलानके ताहीं रुपैया कमामएं।

1 थेसलोनिकी 4:18

जहेमारे जे बातसे तुम एकदुस्रेके उत्सहा दए करओ।

1 थेसलोनिकी 4:1

हे मेरे बिश्वासी ददाभइयओ, निष्कर्षमे जा हए, कि हम प्रभु येशू ख्रीष्टके नाउँमे तुमसे बिन्ती और आग्रह करत हएं कि अइसे तरिकासे जीबन जीइबओ, जो परमेश्वरके खुसी करत हए, जैसे हम तुमके सिखाए हएं। तुम पहिलीयएसे जा तरिकासे जीइत हओ, और हम तुमके अइसे करनके ताहीं औ जद्धा प्रोत्सहान करत हएं।

1 थेसलोनिकी 3:2

और तिमोथी जो ख्रीष्टको अच्छो समाचारमे हमर भइया, और परमेश्वरको सेवक हए, बोके तुमर ठिन पठाए, कि बो तुमके बिश्वासमे मजबुत करए; और तुमर बिश्वासके बारेमे तुमके प्रोत्साहित करनमे मदत करए।

1 थेसलोनिकी 2:11

जैसे तुम जानत हओ, कि जैसो दौवा बालकनके सँग ब्यबहार करत हए, अइसियए हम फिर तुम मैसे सबके उपदेश और सहास देतए तुमके सम्झाए,

कलस्सी 4:8

तुखिकसके मए जाकेमारे तुमर ठिन पठाओ हओं, कि तुम बोसे जान पाबैगे कि हमर सँग का हुइ रहो हए, और बो तुमके बिश्वासमे मजबुत करैगो।

इफिसियों 4:29

कोइ छिया बात तुमर मुँहुँसे नाए निक्रए, बल्कि बेहीं बातके कहामएं जो आदमीनके ताहीं जरुरी हए ताकी उनके बिश्वासमे मजुबुत बनानमे मदत करए। तओ जो कुछ फिर तुम कहाबैगे बा तुमर सुनन बारेनको भलो करैगो।

2 कोरिन्थी 2:7

बरु तुम बोके क्षमा करीयओ और सान्त्वना दियओ, नत्की बो बहुतए दुखी होबैगो और पानीमे डुबन डटो आदमी कता हुइ जाबैगो।

2 कोरिन्थी 1:4

परमेश्वर हमर सब मेलके दुखमे सान्त्वना देतहए, ताकी हम फिर दुस्रेनके सान्त्वना दइ पामएं। जैसी परमेश्वर हमके सान्त्वना दइहए उइसी हम औरेनके सान्त्वना दइ सकत हएं।

1 कोरिन्थी 14:17

परमेश्वरके ताहीं तुमर दओगओ धन्यबाद बढिया हुइ सकत हए, पर जासे दुस्रेनके अपने बिश्वासमे मजबुत नाए मिलैगो।

1 कोरिन्थी 8:1

अब बो प्रश्नके बारेमे, जौन बात तुम अपन चिट्ठीमे लिखे रहओ: का मूर्तिनके अग्गु बलि चढाओ भओ खानु बारी चीजके खान सही हए? हम जान्त हएं, कि हम सबके ठिन ज्ञान हए: ज्ञानसे घमण्ड आत हए, पर प्रेमसे उन्नति होत हए।

रोमियों 15:2

हम मैसे सबएके अप्ने सँगी बिश्वासीनको मनके खुस करनको काम करएं और दुस्रेन्को बिश्वासके मजबुत करनमे मदत करएं।

रोमियों 12:8

जोके उत्सहा देनको बरदान मिलो हए तओ बो उत्सहा देनमे लगोरहाए; कोइके दान देनको बरदान मिलो हए कहेसे खुल्ला मनसे दान देबए, जोके अगुवापनको बरदान मिलो हए कहेसे अगुवाई करनमे गम्भीरतासे लागोरहाए। और जोके दया दिखानको बरदान मिलो हए कहेसे खुसीसे करनमे लागो रहाबए।

प्रेरित 15:32

यहूदा और सिलास अपनए फिर अगमबक्ता रहएं। बे प्रभुमे बिश्वासी ददाभइयनके बहुत सहास देतए उनको बिश्वास मजबुत बनाइं।

प्रेरित 14:22

और बे हरेक गाउँमे भए प्रभुके चेलनके मजबुत बनात बिश्वासमे रहिरहानके हौसला दइं। “परमेश्वरको राज्यमे पुगनसे पहिले हम दुख और कष्ट सहान पणैगो,” कहान बारी बात सिखाइ।

प्रेरित 9:31

अइसियए सारा यहूदिया परदेश, गालील परदेश और सामरियामे मण्डलीनके पबित्र आत्मा द्वारा उत्सहा मिलतए गओ। और प्रभुको डरमे नेँगतए और पबित्र आत्मासे शान्ति मिलके बे बहुत आदमी प्रभु येशूमे बिश्वास करीं।

लूका 3:18

अइसियए औ बेढम उपदेशसे शिक्षा दइके यूहन्ना आदमीके अच्छो समाचार परचार करत रहो।

हिब्रू 3:13

जब तक पबित्र-शास्त्रमे “आजको दिन” कहान बारी बात हए, तबतक हर दिन एक-दुस्रेनके हौसला देबओ। पाप तुमके धोखा नाएदेबए और तुमर ह्रदय कठोर नाए होबए।

प्रेरित 4:36

योसेफ नाउँ भओ एक आदमी रहए। बो लेबी घरानाको रहए और साइप्रसके टापूसे रहए। चुनेभए चेला बोसे बारनाबास कहिके बुलात रहएं, जौनको अर्थ हए, एक अइसो आदमी जो दुस्रेनके उत्साहित करत हए।