1 कोरिन्थी 14:26 - राना थारु नयाँ नियम

²⁶ हे मेरे बिश्वासी ददाभइयओ, सुनओ कि कामके कैसे करोजानके चाहो? जब तुम आराधनाके ताहीं इकट्ठा होत हओ, तओ तुम मैसे कोइ गीत गात हए, कोइ उपदेश देतहए, कोइ प्रभुके द्वारा दओगओ प्रकासको बात करत हए, कोइ फरक-फरक भाषामे बात करत हए और कोइ अन्य भाषाको अर्थ खोलत हए; जे सब बातन्को उदेश्य जा होनचाहो, कि “मण्डलीके बिश्वासमे मजबुत होनके ताहीं मदत करनो।”

परमेस्वर को सच्चो वचन

²⁶ भईय्यौ और बहेनियौ, बताबौ का करनो चहाईये? जब तुम कलीसिया मैं जुराथौ, तौ सबन के मन मैं भजन संहिता या उपदेस या दुसरे भासा या उजियारो या तौ दुसरी भासा को मतलब बताने होथै। सबै कछु आत्मिक बढ़ोतरी के ताहीं होनो चहाईये।

1 कोरिन्थी 14:26 Referans Kwoze

इफिसियों 5:19

अगर तुम पबित्र आत्माके नियंत्रणमे हओ कहेसे तुम अइसे करैगे: जब तुम इकट्ठा होइगे, तओ तुम भजन, स्तुतिगान और अन्य गीत गाबैगे जो पबित्र आत्मा हमके देतहए।

रोमियों 14:19

जहेमारे हमके हमेसा आदमीनके शान्तिमे एकए सँग रहानके ताहीं और एकदुस्रेके बिश्वासमे बलियो होनके ताहीं मदत करन पणत हए।

1 थेसलोनिकी 5:11

जहेमारे तुम एकदुस्रेके उत्सहा देबओ, और एकदुस्रेके मजबुत बनाओ, जैसेकी तुम अइसो करत फिर हओ।

इफिसियों 4:16

हम सब जो ख्रीष्टमे बिश्वास करत हएं, बाकी शरीरके अंग कता हएं। जैसे एक आदमीको शरीर, बोको सरा गाँठी-गाँठीसे जुणो रहात हए, और जब शरीरके सब अंग ठिक रितीसे काम करत हए तओ शरीर बढतहए और मजबुत होत हए। उइसीयए, जब हम मैसे हर कोइ बो कामके करत हए जो ख्रीष्ट हमके दइ हए, तओ हम मजबुत बनंगे और पक्को होमंगे और एकदुस्रेके औ जद्धा प्रेम करंगे।

इफिसियों 4:29

कोइ छिया बात तुमर मुँहुँसे नाए निक्रए, बल्कि बेहीं बातके कहामएं जो आदमीनके ताहीं जरुरी हए ताकी उनके बिश्वासमे मजुबुत बनानमे मदत करए। तओ जो कुछ फिर तुम कहाबैगे बा तुमर सुनन बारेनको भलो करैगो।

2 कोरिन्थी 13:10

तहिमारे मए तुमके जा बात लिखरहो हओं, जब मए अग्गु आओ रहओं ताकी प्रभु मोए तुमके दण्ड देन अधिकार दइ हए कहिके मए तुमके दिखाए पामओं। काहेकी मए अपनो अधिकार प्रयोग करके तुमके बिश्वासमे मजबुत बनान चाँहत हओं, तुमर नाश करन नाए चाँहत हओं।

2 कोरिन्थी 12:19

का तुम जा सोँच रहेहओ, कि यित्तो समय तक तुमर अग्गु हम अपनुवए सफाइ दइ रहे हएं? प्रिय हो, हम परमेश्वरको उपस्थितिमे रोजए सच्चो रुपसे ख्रीष्टद्वारा परचार करत हएं और जे सब तुमके बिश्वासमे मजबुत बनानके ताहीं हए।

1 कोरिन्थी 14:40

जो कुछ फिर तुम आराधनाके समयमे करत हओ बे सब बात पुरा इमानदारीसे और ब्यबस्थित ढंगसे करोजाए।

इफिसियों 4:12

उनको जिम्मेदारी जा हए, कि बे परमेश्वरके पबित्र आदमीनके बाको काम करनके ताहीं तयार करएं और ख्रीष्टको शरीर अर्थात् मण्डलीनके निर्माण करएं।

1 कोरिन्थी 14:27

अगर कोइ फरक-फरक भाषामे बात करन जाएरहो हए, तओ जद्धासे-जद्धा दुई या तीन आदमी एक-एक करके मस्कन चाहो, और फरक-फरक भाषाको अर्थ बतानके ताहीं जरुर कोइ एक होन पणो।

रोमियों 1:13

और हे ददाभइयओ, मए चाँहत हओं, कि तुम जानपाबओ, कि मए घरी-घरी तुमर ठिन आनके चाहो, जैसे कि मए गैर-यहूदीनके बीचमे ख्रीष्टके ताहीं चेला बनाओ, उइसीयए तुमके फिर चेला बनाए पामओं, पर अभएतक मए रुको रहो।

रोमियों 12:7

अगर दुस्रेन्के मदत करनको बरदान मिलो हए तओ दुस्रेन्के मदत करनमे लगोराहाए, अगर कोइके शिक्षा देनको बरदान मिलो हए तओ शिक्षा देन बारो काममे लगोराहाए।

रोमियों 15:2

हम मैसे सबएके अप्ने सँगी बिश्वासीनको मनके खुस करनको काम करएं और दुस्रेन्को बिश्वासके मजबुत करनमे मदत करएं।

1 कोरिन्थी 14:2

काहेकी जो फरक-फरक भाषामे बात करत हए बो आदमीनसे नाए बल्कि परमेश्वर सँग बात हए; जहेमारे कि बोकी बात कोइ नाए सम्झत हए; काहेकी बो पबित्र आत्माको समर्थके द्वारा गुप्त बातनके कहात हए।

1 कोरिन्थी 14:15

जहेमारे, मए प्राथना करन चाँहत हओं, पबित्र आत्मा द्वारा निर्देशित करोजाए; पर मए जा फिर चाँहत हओं कि दुस्रे आदमी जा सम्झएं, कि मए का कहिरहो हओं। और जब मए गात हओं, तओ मए चाँहत हओं कि मिर गाना पबित्र आत्मासे प्रेरित होए, लेकिन जा फिर जरुरी हए, कि मए जो गए रहो हओं बो दुस्रेके द्वारा सम्झाओ जाए।