1 कोरिन्थी 14:20 - राना थारु नयाँ नियम

²⁰ हे मेरे बिश्वासी ददाभइयओ, एक बच्चा कता मत् सोँचओ, जब जा बुराइको बात आत हए तओ बच्चाके रुपमे निर्दोष होबओ। पर जे मेलके बातनके सम्झनमे परिपक्व होओ।

परमेस्वर को सच्चो वचन

²⁰ भईय्यौ और बहेनियौ, तुम समझ मैं बालका मत बनौ: पर बुराई के मामला मैं बालका बने रहबौ, और समझ मैं स्याने बनौ।

1 कोरिन्थी 14:20 Referans Kwoze

1 पतरस 2:2

मए तुमके नयाँ जनम भए बाल्कन सँग तुलना करत हओं। नयाँ जन्मो भओ बालकाके मजबुत होतए बढनके ताहीं रोज अइयाकी दुध चाँहत हए। उइसीयए तुमके फिर परमेश्वरको बचन सुनन इच्छा करन पणत हए, ताकी तुमर परमेश्वर उपरको भरोसा बढतए जाबए और तुम बाचाए जाबओ।

रोमियों 16:19

हर कोइ जानत हए, कि तुम कित्तो अच्छेसे प्रभुको आज्ञा मानत हओ; जहेमारे मए तुमर बारेमे आनन्द करत हओं; पर मए चाँहत हओं, कि जो असल हए बाके ताहीं तुम बुद्धिमान होबओ, और जो खराब हए बामे निर्दोष रहाबओ।

1 कोरिन्थी 13:11

जा आदमीको बिकास कता हए। जब मए एक बच्चा रहओं, मए एक बच्चाके रुपमे बात करत रहओं, सोँचत रहओं और तर्क करे करत रहओं। लेकिन जब हम बुढे भए तओ हम अपने बच्चाके तरिका बन्द करदए।

मत्ती 18:3

और कही, “नेहात्तओ, मए तुमसे कहात हओं, मन बदलके तुम छोटो बालकनके कता नाए हुइहओ तओ कभु स्वर्गके राज्यमे घुस नाए पएहओ।

1 कोरिन्थी 2:6

तहुँफिर मए बेहीं आदमीनके बीचमे ज्ञानको सन्देशके मस्कत हओं, जो आत्मिक रुपसे पक्को हए। पर जा संसारके आदमीनको ज्ञान और जा संसारके हाकिमनको ज्ञान नाए हए; जौनको नाश होन बारो हए।

2 पतरस 3:18

पर तुम लगातार हमर प्रभु और मुक्तिदाता येशू ख्रीष्टको अनुग्रहके बहुतसे बहुत अनुभव करे रहान पणत हए, और बाके बारेमे तुमर सम्झना बढन जरुरी हए। बाके अभए और सदासर्वदा प्रसंसा होए। आमेन।

फिलिप्पी 1:9

और मए जा प्राथना करत हओं, कि ज्ञान और बिबेकसँग तुम एक-दुस्रे प्रति तुमर प्रेम बढतए जाए।

मर्कूस 10:15

नेहात्तओ, मए तुमसे कहात हओं, जौन आदमी बालकनके कता अपनएके परमेश्वरको राज्यमे नाए सौँपत हए, कहेसे बे बाको राज्यमे बक आदमी नाए बनपामंगे।”

फिलिप्पी 3:15

जहेमारे हम मैसे जितनो बिश्वासमे पक्के हएं, अइसियए करके हम एकए हानी सोचएं, और अगर कोइके बातमे तुमर दुस्रो सोँच हए कहेसे परमेश्वर बोके फिर तुमके प्रकट करदेबैगो।

मत्ती 11:25

बो बेरा येशू कही, “हे दौवा परमेश्वर, बादर और पृथ्वीके प्रभु, मए तुमके धन्यबाद चढात हओं, काहेकी तुम जा बात बुद्धिमान और समझदार आदमीसे छिपाएके रक्खे, और जौन आदमी छोटे बच्चा कता हए बिनके प्रकट करेहओ।

मत्ती 19:4

तओ बा कही, “का तुम नाए पढे हओ, कि सृष्टिकर्ता बिनके सुरुसे ‘नर और नारी’ बनाइ हए,

मत्ती 19:14

तओ येशू कही, “बालकनके मिर ठिन आनदेओ, बिनके मत् रोकओ। काहेकी स्वर्गको राज्य अइसिनको हए।”

लूका 18:17

नेहात्तओ मए तुमसे कहात हओ, जौन एक बालकनके जैसो परमेश्वरको राज्यके ग्रहण नाएकरैगो, बो कोइ रितिसे बो भितर प्रबेश नाए कर्पएहए।”

रोमियों 1:13

और हे ददाभइयओ, मए चाँहत हओं, कि तुम जानपाबओ, कि मए घरी-घरी तुमर ठिन आनके चाहो, जैसे कि मए गैर-यहूदीनके बीचमे ख्रीष्टके ताहीं चेला बनाओ, उइसीयए तुमके फिर चेला बनाए पामओं, पर अभएतक मए रुको रहो।

1 कोरिन्थी 14:19

लेकिन अइसो होएसे फिर, अगर मए बिश्वासीनको एक मण्डलीके भेलामे हओं कहेसे मए फरक-फरक भाषाको इस्तमाल नाए करत हओं काहेकी जा मेरे ताहीं अच्छो होबैगो कि हुवाँ पाँचए शब्द कहाओं जो सम्झाओ जाए सकए और दुस्रेके सिखाओ जाए सकए।

इफिसियों 4:13

हम सबके ताहीं लक्ष्य जा हए, कि हम अपन बिश्वासके द्वारा और परमेश्वरको लौंणाके जानन्के द्वारा एकजुट होमएं, और पक्को बिश्वासी बनएं और जब तक हम ख्रीष्ट कता पुरा रुपसे सिद्ध नाएबन्जामएं, तबतक पुरा रुपसे ख्रीष्ट कता बनएं।