1 कोरिन्थी 13:4 - राना थारु नयाँ नियम

⁴ जो आदमी दुस्रेनसे प्रेम करत हएं, बे धर्य पुर्बक और दयाके साथ काम करत हए, उनके गुस्सा नाए लागतहए, और बे घमण्ड नाए करत हएं और उनके गर्व नाए होतहए।

परमेस्वर को सच्चो वचन

⁴ प्यार धीरज और दयालु है, प्यार डाह ना करथै; प्यार अपने बारे मैं बड़ाँईं नाय करथै, और गरब ना है;

1 कोरिन्थी 13:4 Referans Kwoze

1 पतरस 4:8

सबसे खास बात जा हए, कि एकदुस्रेनसे गहिरो प्रेम करओ। काहेकी अगर तुम आदमीनके प्रेम करे कहेसे, तुम रोज उनको करोभओ कोइ फिर गलत कामके क्षमा देन तयार रहाबैगे।

इफिसियों 4:32

पर दयालु हुइके एक-दुस्रेके अनुग्रह करओ। परमेश्वर ख्रीष्टमे तुमके क्षमा दइ कता, तुम फिर एकदुस्रेके क्षमा दए करीयओ।

कलस्सी 3:12

जहेमारे जबकी परमेश्वर तुमके अपने पबित्र आदमी होनके ताहीं चुनी हए, और तुमसे प्रेम करत हए, तभीमारे तुम सब करुणा, भलाइ, नम्रता और धैर्य धारण करओ।

1 यूहन्ना 4:11

हे मेरे प्यारे सँगीउ, जब परमेश्वर हमके अइसो प्रेम करी, तओ हमके फिर एक-दुस्रेके प्रेम करन पणो।

1 पतरस 3:8

अन्तमे, मए तुमके जा कहान चाँहत हओं, कि बिश्वासी ददाभइयन सँग एकजुटमे बैठओ, एकदुस्रेके ताहीं सोँचे करओ, एकए परिवारको सदस्य कता एकदुस्रेनके प्रेम करओ। एकदुस्रेनके ताहीं दयालु होबओ और एकदुस्रेन सँग नम्र होबओ।

1 थेसलोनिकी 5:14

और हे मेरे बिश्वासी ददाभइयओ, हम तुमसे बिन्ती करत हएं, कि जो आदमी अल्छी हएं, उनके चेतावनी देओ। बे आदमीनके उत्सहा देओ, जो डरपोक हएं, जो बिश्वासमे कमजोर हएं उनके मदत करओ, सबके सँग सहनशीलता देखाओ।

2 पतरस 1:7

तुम सिरफ परमेश्वरके खुसी बनान किसिमसे जीबन मत् बिताओ, बल्कि अपनुवए परिवारको सदस्य कता तुमके एकदुस्रेनके प्रेम करन पणो। तुमके सिरफ अपनी परिवारको सदस्य कता तुम एकदुस्रेनसे प्रेम करनके नाए, बल्कि तुम्के सबए आदमीनसे प्रेम करन पणो।

इफिसियों 4:2

सदा दिन नम्र, सुधो और धिरज करके एकदुस्रेकी गल्तीन्के स्वीकार करके प्रेम दिखाओ।

2 कोरिन्थी 6:6

शुध्दतामे, ज्ञानमे, धैर्यमे, दयामे, पबित्र आत्माको अगुवाईमे, सच्चो प्रेममे,

कलस्सी 1:11

परमेश्वरको बडो शक्तिको भण्डारसे आओ भओ, शक्ति पाएके तुम मजबुत होबओ, कहिके मए प्राथना करत हओं। ताकी तुम धैर्य और आनन्दसे अपन दुख सहिपाबओ।

गलातियों 5:26

हम एक-दुस्रेके सँग घमण्ड करन बारे, गुस्सा करन बारे और ईर्ष्या करन बारो काम नाए करन पणतहए।

1 कोरिन्थी 4:6

हे मेरे बिश्वासी ददाभइयओ, मए अपोल्लोसके और अपनएके एक उदाहरण रुपमे इस्तमाल करो हओं। जा बतानके ताहीं, कि मए का कर रहो हओं। तुमके हमसे सिखन चाहो, कि पबित्र-शास्त्रमे जो लिखो हए, बोसे अग्गु मतजाओ। अब तुम घमण्डसे हम मैसे एक-दुस्रेके बिरोधमे नाए रहाइगे।

2 तिमोथी 4:2

कि तए परमेश्वरको बचनको परचार कर; चहुँ परिस्थिति अच्छो होए या खराब होए, सब परिस्थितिमे परमेश्वरको परचार करन मत् छोड। तोके बे आदमीको करोभओ गलत कामके दिखान पणैगो और डाँटन पणैगो। बिनके शिक्षा देत पेती शान्तिसे सम्झैए और हौसला दिए।

2 तिमोथी 3:10

पर हे तिमोथी, तए नेहात्तओ जानत हए, कि मए का सिखात हओं, और कैसे जीइत हओं, जीबनमे मिर योजना का हए और मए काहे बिश्वास करत हओं। तए जानत हएं, कि मए धिरज करत हओं, और सब आदमीमे प्रेम करत हओं, मए कठिनाइके सहो,

1 पतरस 2:1

जहेमारे सबए मेलको खराब ब्यबहार करन इन्कार करओ। औरेनके धोखा मतदेओ, कपटी मत् होओ। औरेनको ईर्ष्या मत् करओ। दुस्रे आदमीनको बिरुद्ध खराब बात मत् करओ।

तीतुस 3:3

काहेकी हम फिर पहिले समयमे मुरख, परमेश्वरको आज्ञापालन नाए करन बारे, और आदमीनसे धोखा खाएभए हएं, और हम हर मेलके खराब काम करनके नाए छोडपात रहएं, जौनके हम करन चाँहत रहएं। अइसे करके हमके आनन्द मिलत रहए। और हम अपने समय खराब तरिकासे ब्यबहार करनमे और दुस्रे आदमीनसे डहा करनमे बितात रहएं। और हम घृणित आदमी रहएं; हर कोइ आदमी हमसे घृणा करत रहए, और हम बोसे घृणा करत रहएं।

1 कोरिन्थी 3:3

काहेकी तुम जा संसारके आदमीन कता रहात हओ। जहेमारे, कि जब तुम सबसे जरत हओ और लडाइ करत हओ, तओ का जा जहे बातके साबित नाए करत हए, कि तुम जा संसारसे सम्बन्धित हओ? और का तुम जा संसारके आदमीन कता नाए जीइ रहेहओ?

प्रेरित 7:9

याकूबके लौंणा अपनो भइया योसेफसे गुस्साएके बोके मिश्रदेशमे एक गुलामके रुपमे बेँच दइं। पर परमेश्वर बोके सँग रहए।

2 तिमोथी 2:25

बोके नम्रतासे बे आदमीके सही करन पणो, जो बोको बिरुद्धमे हएं, शैतान जे आदमीनके फसाएलै हए और उनसे अपनी आज्ञापालन कर्बात हए। पर साइत परमेश्वर उनके पश्‍चात्ताप करनके और ख्रीष्टके बारेमे सच्चाईके जाननमे मदत करैगो, ताकी बे होसमे आमएं और बोसे दुर हुइजामएं।

1 तिमोथी 6:4

तओ बो बहुत घमण्डी हए और बो कुछ फिर नाए बुझत हए। बल्कि बे शब्दके अर्थके बारेमे दुस्रे-दुस्रे आदमीनके सँग बिबाद और लडाइ करन चाँहत हएं। और जे बातसे गुस्सा, लडाइ और बदनामकी बात और खराब शंखा पैदा होत हएं।

1 कोरिन्थी 8:1

अब बो प्रश्नके बारेमे, जौन बात तुम अपन चिट्ठीमे लिखे रहओ: का मूर्तिनके अग्गु बलि चढाओ भओ खानु बारी चीजके खान सही हए? हम जान्त हएं, कि हम सबके ठिन ज्ञान हए: ज्ञानसे घमण्ड आत हए, पर प्रेमसे उन्नति होत हए।

रोमियों 1:29

बे सब किसिमके पाप, दुष्टता, स्वार्थ, हिर्ससे भरे हएं। बे दिक्क, हत्या, लणाइ झगडा, छल, और बिजरोसे भरिगए। और बे चुग्ली खान बारे,

याकूब 4:5

का तुम जा सम्झत हओ, कि पबित्र-शास्त्र अइसो कहात हए, “हमरे भितर परमेश्वरको धरो भओ आत्माके ताहीं बा बहुत बडो इच्छासे चाहना करत हए?”

1 कोरिन्थी 4:18

तुमर बीचमे कुछ आदमी सोँचत हएं, कि मए तुमसे मिलन्के नाए आमंगो, और जहेमारे बे घमण्डी हुइगए हएं।

रोमियों 13:13

हम अन्धकारमे नाए बल्कि उजियारोमे बैठन बारे आदमी कता उचित ब्यबहार करएं। मोजमजा करनके, दारु पिनके, व्यभिचार करनके, भ्रष्टचार करनके, झगडा और ईर्ष्या करनके छोड देओ।

कलस्सी 2:18

ख्रीष्ट शरीरको मुण हए, ख्रीष्टके माध्यमसे शरीरके सब अंग जुडे होत हएं और अंगके रेखदेख करत होतहए। जहेमारे जा परमेश्वर इच्छा अनुसार बणत हए, अपनएके अपमान करके और स्वर्गदूतनके आराधना करके कोइके अयोग्य बनान मतदेओ। अइसे आदमी दर्शनमे प्रबेश करत हएं, जौन उनको मानब सोँचके कारण मुरख घमण्डसे भरजात हएं। बे ख्रीष्टमे नाए रहिपात हएं।

फिलिप्पी 1:15

कुछ आदमी त डाह और दुस्रेके सँग लडाइ करके ख्रीष्टके बारेमे अच्छो समाचारके परचार करत रहएं। और कोइ आदमी ख्रीष्टके बारेमे अच्छो समाचारको परचार करनके अच्छो मनसे मेरी मदत करत रहएं।

2 कोरिन्थी 12:20

काहेकी मोके डर हए, कहुँ अइसो नाए होए, कि मए आएके जैसो चाँहत हओं, उइसो तुमके नाए पामओं। और मोके फिर जैसो तुम नाए चाँहत हओ उइसीयए पाबओ। मोके डर हए, कि तुममे लडाइ, डाह, क्रोध, स्वार्थ, बिजरो, चुग्ली, घमण्ड और गोलमाल हुइ सकत हए।

1 कोरिन्थी 5:2

तुमके जाके बारेमे दुखए-दुखसे भरजानके रहए और बो आदमी जो बो करी, बोके मण्डलीसे निकार देन रहए, लेकिन जाको बदला तुम घमण्ड महसुस करत हओ।

मत्ती 27:18

काहेकी बो जानत रहए कि बे बाके दिक्कसे सौंपी रहएं।