1 कोरिन्थी 12:8 - राना थारु नयाँ नियम

⁸ परमेश्वरको आत्मा, एक आदमीके ज्ञानसे भरो भओ सन्देश मस्कनके बरदान देतहए, और बहे आत्मा दुस्रो आदमीके ज्ञानसे भरो भओ सन्देश मस्कनके बरदान देतहए।

परमेस्वर को सच्चो वचन

⁸ एक कै आत्मा जरिये बुद्धि से भरो संदेस दौ जाथै, जबकी दुसरे कै बहे आत्मा अनुसार ग्यान से भरो संदेस देथै।

1 कोरिन्थी 12:8 Referans Kwoze

2 कोरिन्थी 8:7

पर जैसी सब बातमे तुम बढके गए हओ, अर्थात् बिश्वासमे, परचार करन या शिक्षा देनमे, ज्ञानमे, सबए जोसमे और हमर घेनको तुमर प्रेममे, उइसीयए गरीब बिश्वासीनके दान देनो जा काममे फिर बढतए जाओ।

1 कोरिन्थी 1:5

काहेकी हर बातमे तुम बहुत आशिष पाएहओ, काहेकी तुम ख्रीष्ट सँग एकजुटमे हओ। बो जा हए, कि बा तुमके अप्नो बचन मस्कनके और बुझनके सब किसिमको खास क्षमता दइ हए।

1 कोरिन्थी 1:30

पर परमेश्वर तुमके येशू ख्रीष्टमे एकजुट बनाइ हए, और ख्रीष्टद्वारा परमेश्वर हमके अपनो बुद्धि दइ हए। परमेश्वर हमके अपनो नजरमे धर्मी फिर ठहिरात हए। ख्रीष्टके द्वारा हम सब पबित्र बनाए गए हएं, और बा हमके पापसे छुटकारा करत हए।

1 कोरिन्थी 13:8

बो समय आबैगो जब आदमी परमेश्वरको सन्देशके फरक-फरक भाषामे परचार नाए करंगे, और परमेश्वरके बारेमे गहिरो ज्ञानको जरुरत नाए होइगो, पर प्रेम हमेसाके ताहीं बनो रहाबैगो।

मत्ती 13:11

बा बिनसे जबाफ दइके कही, “तुमके त परमेश्वर स्वर्ग-राज्यको रहस्यको ज्ञान दइ हए, पर बिनके नाए दइ हए।

1 कोरिन्थी 13:2

और अगर मए परमेश्वरको सन्देशके घोषणा करत हओं, और सब रहस्य और सब ज्ञानके बुझतहओं, और हियाँतककी मोएमे पहाडन्के इतएसे उतए करनको परमेश्वरमे मजबुत बिश्वास हए पर अगर मोएमे प्रेम नाए हए कहेसे मिर बिरकुल कोइ मोल नाए हए।

प्रेरित 6:3

जहेमारे हे बिश्वासी ददाभइया, तुमर बीचसे पबित्र आत्मा और ज्ञानसे भरेभए सात आदमीके चुनओ, जौनके बारेमे सबके पता हए। हम जा खान बारी बातको जिम्मा बिनके देमंगे।

रोमियों 15:14

हे मेरे बिश्वासी ददाभइया, मए अपनए फिर तुमर बारेमे नेहात्तओ जानत हओं, कि तुम अपनए भलाइसे भरे और तुम पुरा रुपसे जानत हओ, कि तुमके का करन चाहो और एकदुस्रेनके सिखाए सकत हओ।

1 कोरिन्थी 2:11

आदमीनको बारेमे सब चीज जानन बारो बहेको भितरको आत्मा हए। और कौन जान पाबैगो? अइसियए करके परमेश्वरको आत्मा इकल्लो परमेश्वरको सब बात जानत हए।

1 कोरिन्थी 2:16

जा सच्चो हए, काहेकी जैसे पबित्र-शास्त्रमे कहोगओ हए, “कोइ फिर जा नाए जान पाबैगो, कि प्रभुके मनमे का हए। कोइ परमेश्वरके सिखाए नाए पाबैगो।” पर हम बिश्वासी सम्झत हएं, कि ख्रीष्टके मनमे का हए।

1 कोरिन्थी 14:6

जहेमारे हे मेरे बिश्वासी ददाभइयओ, अगर मए तुमर ठिन आएके फरक-फरक भाषामे बात करओं, और प्रकाश, या कुछ खास ज्ञान लाओं, या परमेश्वरको सन्देश, या शिक्षा देओं, बो तुमर ताहीं फाइदा होबैगो।

1 कोरिन्थी 14:26

हे मेरे बिश्वासी ददाभइयओ, सुनओ कि कामके कैसे करोजानके चाहो? जब तुम आराधनाके ताहीं इकट्ठा होत हओ, तओ तुम मैसे कोइ गीत गात हए, कोइ उपदेश देतहए, कोइ प्रभुके द्वारा दओगओ प्रकासको बात करत हए, कोइ फरक-फरक भाषामे बात करत हए और कोइ अन्य भाषाको अर्थ खोलत हए; जे सब बातन्को उदेश्य जा होनचाहो, कि “मण्डलीके बिश्वासमे मजबुत होनके ताहीं मदत करनो।”

2 कोरिन्थी 1:12

हम गर्ब करत हएं, कि हमर बिबेक स्पष्ट हए। संसार और खास करके तुमर सँगको हमर सम्बन्धमे हम परमेश्वरसे आओ भओ पबित्रता और सत्यतामे चले हएं। जा मानब बुद्धिसे नाए, बल्कि परमेश्वरको अनुग्रहसे हए।

2 कोरिन्थी 2:14

पर परमेश्वरके धन्यबाद होए, काहेकी हमर ख्रीष्ट सँगको सम्बन्धके मारे, परमेश्वर रोज हमके ख्रीष्टके सँग डुरीयात हए। और अब बा हमके मिठो बासना आन बारो धुप कता सब ठाउँमे ख्रीष्टको ज्ञान फैलानके प्रयोग करत हए।

2 कोरिन्थी 4:6

जहेमारे कि परमेश्वर कही, “अँध्यारोसे ज्योति चमकए।” और बहे परमेश्वर हमर हृदयमे ज्योति जैसो हमके समझ दइ, ताकी हम परमेश्वरको महिमाके देख पामएं जो येशू ख्रीष्टमे प्रकट होत हए।

2 कोरिन्थी 6:6

शुध्दतामे, ज्ञानमे, धैर्यमे, दयामे, पबित्र आत्माको अगुवाईमे, सच्चो प्रेममे,

2 कोरिन्थी 11:6

मए सिपालु वक्ता नाए होएसे फिर मोएमे ख्रीष्ट और अच्छो समाचारके बारेमे ज्ञान हए। मए मिर ज्ञान बे सबए बातमे दिखाओ हओं जौन मए सिखो हओं।