1 कोरिन्थी 11:26 - राना थारु नयाँ नियम

²⁶ काहेकी हर समय जब तुम जा रोटीके खात हओ, और जा कटोरासे अंगुरको रसा पिइत हओ, तओ जब तक प्रभु नाए आए तबतक प्रभुको मृत्युको घोषणा करत रहियओ।

परमेस्वर को सच्चो वचन

²⁶ जब कभई तुम जौ रोटी खाथौ, और जौ कटोरा मैं से पीथौ, तौ तुम प्रभु की मौत को जब तक बौ नाय आए, प्रचार करथौ।

1 कोरिन्थी 11:26 Referans Kwoze

प्रकाश 1:7

सुनओ, बा बादरके सँग आन बारो हए, हर एक आदमी बाके देखंगे, हियाँतककी जब येशू क्रूसमे चढाओगओ रहए तओ बाके पसुरीमे भाला मारी रहए, बो फिर देखैगो। और जब बे बाके देखंगे तओ पृथ्वीके सब आदमी उँची अबाजमे रोमंगे। अइसियए होबए। आमेन।

हिब्रू 9:28

उइसी करके बहुत आदमीनको पाप उठाए लैजानके ताहीं ख्रीष्ट अपनएके एकए चोटी बलि करी। और येशू दुस्रो चोटी फिर आबैगो। बो बेरा अपनएके पापके ताहीं बलि करनके नाए, पर बाको डगर देखके बैठन बारेनके बचानके ताहीं आबैगो।

यूहन्ना 14:3

तुमर ताहीं ठाउँ तयार करके मए घुमके आमंगो और तुमके मेरे सँग रहानके ताहीं अपने ठिन लैजामंगो, ताकी जहाँ मए रहामओं हुवाँ तुम फिर रहाबओ।

1 यूहन्ना 2:28

छोटे बालकओ, ख्रीष्टके सँग एकजुटमे सदिमान बने रहाओ; ताकी जब बा फिरसे दिखाइ देबैगो, तओ हम हिम्मत पामएं, और आन बारो बो दिनमे बाके अग्गु हम लज्जित नाए होमएं।

प्रेरित 1:11

और बे कहीं, “हे गालील परदेशके आदमी, तुम काहे ठाणके बादर घेन देख रहेहओ? जहे येशू, जौनके परमेश्वर तुमर ठिनसे स्वर्गमे लैगओ हए। ठिक जहे कता दुबारा आबैगो, जैसे तुम अभए बाके स्वर्गमे जात देखे हओ।”

2 पतरस 3:10

पर ख्रीष्ट नेहात्तओ दुबरा लौटके आबैगो। बा चोर कता, नाए सोँचो भओ समयमे लौटके आबैगो। बो बेला बादरमे बडो अबाज होबैगो और बादर हराए जाबैगो। बादरमे भओ सूर्य, जोनी और तारा आगीसे पुरा रुपमे नष्ट होबैगो। बो दिन, आदमी पृथ्वीमे करोभओ सब कामके न्याय करनके ताहीं परमेश्वर प्रकट करैगो।

यूहन्ना 21:22

येशू पत्रुससे कही, “अगर मए चाँहत हओ, कि जा मेरे लौटन तक जिन्दा रहाबए, तओ तोए का होतहए? तए मिर चेला बनो रहो।”

प्रकाश 22:20

येशू जे सब बचनको गवाही देतहए, और बा कहात हए, “नेहात्तओ, मए जल्दीए आएरहो हओं।” मए यूहन्ना जबाफ दओ “आमेन! हे प्रभु येशू आबओ।”

यहूदा 1:14

आदमसे लैके सातौ पिढीमे जन्मो भओ हनोक जे आदमीनके बारेमे अइसे कहिके अगमबाणी बोली रहए, “देखओ, प्रभु नेहात्तओ अपनो अनगिन्ती पबित्र स्वर्गदूतनके सँग आबैगो।

1 थेसलोनिकी 4:16

काहेकी प्रभु येशू अपनए स्वर्गमे उतरैगो; बो समय आदमी उँचो अबाजमे हुकुम देत सुनंगे, आदमी एक प्रधान स्वर्गदूतके मस्कत सुनंगे और आदमी एक स्वर्गदूतके परमेश्वरको तुरही बजात सुनंगे। और जो ख्रीष्टमे बिश्वास करतए मरिगए हएं, बे पहिले जीइ उठंगे।

1 कोरिन्थी 15:23

पर हर आदमी एक ठिक क्रम अनुसार जिन्दा करोजाबैगो; ख्रीष्ट पहिलो आदमी रहए जोके जिन्दा करोगओ; फिर जब ख्रीष्ट लौटके आबैगो तओ बे सब जो ख्रीष्टमे हएं, उनके फिरसे जिन्दा करोजाबैगो।

2 थेसलोनिकी 1:10

जे बात तओ होमंगी जब प्रभु येशू ख्रीष्टके पबित्र आदमीनके द्वारा महिमा पानके ताहीं दुबरा लौटके आबैगो जो परमेश्वरसे सम्बन्धित हए। परमेश्वर बेहीं आदमीनसे महिमित करोजाबैगो जो परमेश्वरमे बिश्वास करत हएं। और बो दिन तुम फिर परमेश्वरकी महिमा करन बारे आदमीनके सँग होबैगे। काहेकी तुम बो बातमे बिश्वास करे, जौन बात हम बाके बारेमे तुमके बताए रहएं।

1 कोरिन्थी 4:5

जहेमारे जब तक प्रभु नाए लौटए तबतक कोइको न्याय मत् करओ। परमेश्वर स्पष्टसे बे सब बिचारनके बताबैगो जो आदमीनको भितर हए, जौनके बारेमे कोइ नाए जानत हए। परमेश्वर उदेश्यन्के प्रकट करैगो जो उनको दिलमे हए।

यूहन्ना 21:23

जहेमारे जा बात बिश्वासी ददाभइयनमे फैलीगओ, कि बो दुस्रो चेला नाए मरैगो। तहुँफिर येशू बोसे जा नाए कही रहए, कि जा नाए मरैगो, बल्कि जा कही रहए, “अगर मए चाँहत हओ, कि जा मेरे लौटन तक जिन्दा रहाबए, तओ तोए का?”