1 कोरिन्थी 1:26 - राना थारु नयाँ नियम

²⁶ हे मेरे ददाभइयओ, जाके बारेमे याद करओ, कि जब परमेश्वर तुमके बुलाइ रहए बो समयमे तुम कैसे रहओ, तुम आदमीनको नजरमे जद्धा ज्ञानी नाए रहओ, कुछ आदमी शक्तिशाली नाए रहओ, और सामाजिक हिसाबसे उच्च खानदानके नाए रहओ।

परमेस्वर को सच्चो वचन

²⁶ भईय्यौ और बहेनियौ, खुद के मस्काए जान के बारे मैं सोचौ, कि नाय तौ सरीर से भौत ग्यान बारे, और नाय भौत सामर्थी, और ना भौत समाज मैं नाओं बारे मस्काए गै रहौ।

1 कोरिन्थी 1:26 Referans Kwoze

याकूब 2:5

हे मेरे प्यारे बिश्वासी ददाभइयओ, सुनओ, जा संसारके गरीब आदमीनके परमेश्वर बहुत बिश्वास करी। परमेश्वर बे सबके अपनो राज्यमे हकदार होनके ताहीं प्रतिज्ञा करी, कि जौन बाके प्रेम करैगो।

1 कोरिन्थी 2:8

जोके, जा संसारके हाकिमन मैसे परमेश्वरको योजनाके नाए जानीं, काहेकी अगर जनते तओ सम्मान पान बारो प्रभुके क्रूसमे नाए टँगैते।

1 कोरिन्थी 1:20

उइसो हए तओ, हम बुद्धिमान आदमीनके बारेमे का कहे सकत हएं? हम मोशाको नियम कानुन सिखान बारेसे का कहे सकत हएं? हम संसारके अइसे आदमीनके बारेमे का कहे सकत हएं जो मस्कनमे चलाँक हएं? परमेश्वर बे सबके मुरख बनाए दइ हए और उनको ज्ञानके व्यर्थ दिखाए दइ हए।

लूका 10:21

बहेबेरा येशू पबित्र आत्मामे हुइके आनन्दसे भरीगओ, और कही, “हे दौवा, बादर और पृथ्वीके परमप्रभु, मए तुमके धन्यबाद चढात हओं, काहेकी तुम जा बात बुद्धिमान और समझदारसे लुकाएके धरे, और बालकाके प्रकट करे। काहेकी, दौवा तुमके जहे ठिक लागो।

लूका 1:3

माननीय थियोफिलस, मए फिर जे सब बातके ध्यानसे जाँच करो हओं। और मोके जा अच्छो लागो, कि मए तुमर ताहीं जा घटनाके क्रम अनुसार लिखो।

1 कोरिन्थी 2:13

और जहेमारे हम जे बातनके औरे आदमीनके बतात हएं, जो बात हम परचार करत हएं बो बात आदमीनको बुद्धी नाए सिखाइ हए, बल्कि पबित्र आत्माको सिखाओ भओ शिक्षा मस्कत हएं और पबित्र आत्मा भए बारेनके इकल्लो हम आत्माके सच्चे बातनके बुझात हएं।

2 यूहन्ना 1:1

मए, यूहन्ना मण्डलीको अगुवा जा चिट्ठी परमेश्वरके द्वारा चुनीभइ बो बैयर और बक लौंणालौंणीयाके लिखरहो हओं, मए तुमके सच्चो रुपसे प्रेम करत हओं। मए इकल्लो नाए, बल्कि सत्यके चिनन बारे सब तुमके प्रेम करत हएं।

फिलिप्पी 4:22

सब पबित्र आदमी, खास करके जो रोमको महाराजा कैसरके घरानाके हएं, तुमके नमस्कार कहात हएं।

प्रेरित 17:34

पर कुछ आदमी बोके सँग लागके परमेश्वरमे बिश्वास करीं। बिन मैसे अरियोपागस नाउँको एक सभाको डियनुसियस कहान बारो सदस्य और दामारिस नाउँ भइ एक बैयर रहए। जे बाहेक और कोइ आदमी फिर प्रभुमे बिश्वास नाए करीं।

प्रेरित 13:12

तओ प्रभुको शिक्षामे भओ शक्ति देखके बडो हाकिम अचम्मो पणो और बो प्रभु येशूमे बिश्वास करी।

प्रेरित 13:7

बो जादुगर, साइप्रस टापूको बडो हाकिम सर्गीयस पौलस सँग बैठत रहए। सर्गीयस पौलसको घरमे जाए करत रहए। सर्गीयस पौलस एक बुद्धिमान आदमी रहए। हाकिमके परमेश्वरको बचन सुननके इच्छा भओके कारणसे बारनाबास और शाऊलके बुलान पठाइ।

रोमियों 11:29

काहेकी परमेश्वर अपनो दओ भओ बरदान फिर्ता नाए लेतहए और बुलाएभएनके कभी पिच्छु नाए छोडत हए।