1 कोरिन्थी 1:2 - राना थारु नयाँ नियम

² मए जा चिट्ठी तुमके पठाएरहो हओं, जो कोरिन्थ सहरमे भए परमेश्वरके मण्डली हएं, अर्थात् हम जे बात लिखत हएं, जौनके परमेश्वर अपने आदमीनके रुपमे अलग करीहए। बा तुमके ख्रीष्ट येशूमे एकजुटमे बाँधी हए, और बा तुमके पबित्र आदमी होनके बुलाइ हए; उइसीयए, जैसे परमेश्वर औ सब आदमीनके छानी हए, जौन हमरे ठिहामे हमर प्रभु येशू ख्रीष्टको सेवा करत हए, काहेकी बा हमर सबको प्रभु हए।

परमेस्वर को सच्चो वचन

² परमेस्वर की बौ कलीसिया जो कुरिन्थुस नगर मैं है, बे सब जो मसीह मैं पवित्र लोग कहे जाथैं, और हर जघा जो हमरे प्रभु ईसु मसीह के नाओं से प्रार्थना करथैं:

1 कोरिन्थी 1:2 Referans Kwoze

रोमियों 1:7

मए तुम सबके लिखरहो हओं जो रोम सहरमे हएं जौननके परमेश्वर प्रेम करत हए, और बाके अपने पबित्र आदमी होनके ताहीं बुलाए गए। हमरे दौवा परमेश्वर और प्रभु येशू ख्रीष्टके तरफसे तुमके अनुग्रह और शान्ति मिलतए रहाबए।

1 कोरिन्थी 1:30

पर परमेश्वर तुमके येशू ख्रीष्टमे एकजुट बनाइ हए, और ख्रीष्टद्वारा परमेश्वर हमके अपनो बुद्धि दइ हए। परमेश्वर हमके अपनो नजरमे धर्मी फिर ठहिरात हए। ख्रीष्टके द्वारा हम सब पबित्र बनाए गए हएं, और बा हमके पापसे छुटकारा करत हए।

प्रेरित 26:18

ताकी बिनको आँखी खुलए, और बिनके अन्धयारोसे उजियारोमे और शैतानको शक्तिसे परमेश्वर घेन घुमाए पाबए। तओ बे परमेश्वर घेनसे पाप क्षमा पामंगे और मिर उपर बिश्वास करके बे परमेश्वरके चुने भए जनके सँग संगतीमे बैठन पामंगे।’

हिब्रू 13:12

जहेमारे, येशू फिर आदमीनके अपने खुन द्वारा पबित्र करनके ताहीं यरूशलेम सहरके बाहेर बो दुख उठाइ और मरो।

1 थेसलोनिकी 4:7

काहेकी परमेश्वर हमके अशुद्ध जीबन जीइनके ताहीं नाए, पर पबित्र जीबन जीइनके ताहीं बुलाइ हए।

2 कोरिन्थी 4:5

काहेकी हम अपनो परचार नाए करत हएं, पर “येशू ख्रीष्टए प्रभु हए” कहान बारो बात परचार करत हएं, और हम येशूके खातिर तुमर कमैया हएं।

प्रेरित 9:14

और हियाँ फिर जाके मुखिया यहूदी पुजारीनसे अधिकार मिलो हए, कि जो आदमी तुममे बिश्वास करत हएं, बे सबके पकड लेबए।”

प्रकाश 19:16

बाको लत्ता और दहिना जाँघमे “राजनको फिर राजा और प्रभुनको फिर प्रभु” लिखो हए।

यहूदा 1:1

मए यहूदा जा चिट्ठी तुमके लिखनडटो हओं। मए येशू ख्रीष्टको दास और याकूबको भइया हओं। मए जा चिट्ठी परमेश्वरमे बिश्वास करनके बाके द्वारा बुलाएभए आदमीनके लिखनडटो हओं। तुमके परमेश्वर हमर दौवा प्रेम करत हए और येशू ख्रीष्टमे सुरक्षित रक्खी हए।

हिब्रू 2:11

काहेकी पापसे शुद्ध बनान बारो और पापसे शुद्ध भए सबएनको दौवा अर्थात्, परमेश्वर एकए हए। जहेमारे येशू बिनसे, बिश्वासी भइया-बहिनीया कहानमे शर्मात नाए हए।

2 तिमोथी 1:9

जौन हमर उद्धार करी, और हमके एक पबित्र जीबनके ताहीं बुलाइ, और बा हमके जाकेमारे नाए बुलाइ, कि हम अच्छे काम करेहएं; पर अपनो योजना और अनुग्रहके अनुसार बुलाइ हए, जो संसारको सृष्टिसे पहिलीए येशू ख्रीष्टके पठाएके परमेश्वर हमके बाको अनुग्रह दिखानको योजना बनाएलै रहए।

1 तिमोथी 3:15

कि अगर मए आनमे देर करदेमओं कहेसे, हम जौन जिन्दा परमेश्वरके मण्डली हएं, हमके परमेश्वरको परिवारको सदस्यके रुपमे अपन जीबन कैसे जीइन पणत हए कहिके तए जानजैए। जैसे घरको जग और खम्मा घरके सहारा देत हए और बोके मजबुत बनाए रखात हए, उइसीयए मण्डलीके बिश्वासी सच्चो शिक्षाके सहारा देत हएं और मजबुत बनाए रहात हएं।

2 थेसलोनिकी 1:1

मए पावल, सिलास और तिमोथीके घेनसे, जा चिट्ठी थेसलोनिके सहरमे रहान बारे मण्डलीनके ताहीं हम लिखरहे हएं, जो दौवा परमेश्वर और प्रभु येशू ख्रीष्टसे सम्बन्धित हए।

1 थेसलोनिकी 1:1

मए पावल, सिलास और तिमोथीके घेनसे जा चिट्ठी थेसलोनिके सहरमे रहान बारे मण्डलीके ताहीं लिखरहे हएं। जो दौवा परमेश्वर और प्रभु येशू ख्रीष्टसे सम्बन्धित हए। मए प्राथना करत हओं, कि परमेश्वर तुमर उपर अनुग्रह करए और शान्ति देबए।

इफिसियों 5:26

ख्रीष्ट मण्डलीनके पबित्र बनानके ताहीं अपनो बचनसे और बप्तिस्माको पानीसे धोएके शुद्ध बनाइ।

2 कोरिन्थी 1:1

मए, पावल हमर बिश्वासी भइया तिमोथीसँग जा चिट्ठी लिखनडटो हओं। मए परमेश्वरकी इच्छासे ख्रीष्ट येशूको चुनो भओ चेला हओं। मए जा चिट्ठी कोरिन्थ सहरमे भए परमेश्वरको मण्डलीनके, और लगायत सारा अखैया परदेशमे भए सब पबित्र जनके लिखनडटो हओं।

1 कोरिन्थी 8:6

पर हमर ताहीं केबल एकए परमेश्वर हए: अर्थात् दौवा, जौनके घेनसे सब चीज हएं, और हम परमेश्वरके ताहीं हएं, और एकए प्रभु हए, अर्थात् येशू ख्रीष्ट जौनके द्वारा सब चीज भए, और जौनके द्वारा हमके जीबन दओगओ हए।

रोमियों 10:12

यहूदी और ग्रीक भाषा मस्कन बारेमे कोइ फरक नाएहए। जहेमारे, कि परमेश्वर सबको प्रभु हए; और मदतके ताहीं बाके बुलान बारे सब उद्धार पातहए।

रोमियों 3:22

अइसियए परमेश्वर, येशू ख्रीष्टमे बिश्वास करन बारे सबएके धर्मी ठहिरात हए। काहेकी सब आदमी एक समान हएं।

प्रेरित 22:16

तए अब काहे देर करत हए? उठ और बप्तिस्मा ले, और अप्नो पापको क्षमा पानके ताहीं बाको नाउँ ले।’

प्रेरित 18:1

तओ फिर पावल एथेन्स सहरसे बिदा हुइके कोरिन्थ सहरमे गओ।

प्रेरित 15:9

बा यहूदी और गैर-यहूदी आदमीनमे भेदभाव नाए करी। पर गैर-यहूदीके आदमी बिश्वास करीं और परमेश्वर बिनको मनके शुद्ध बनाइ।

प्रेरित 10:36

तुम बो सन्देशके जान्त हओ, जो परमेश्वर हमके, अर्थात् इस्राएल देश बारे आदमीनके पठाइ रहए। बा शान्तिके बारेमे अच्छो समाचार परचार करी, जो आदमीनके येशू ख्रीष्टमे बिश्वासके द्वारा मिलसकत हए। बा सब आदमीनको परमेश्वर हए।

प्रेरित 9:21

तओ सुनन बारे सब अचम्मो मनके कहीं, “का जा बहे आदमी नाए हए जो यरूशलेम सहरमे उनके मारत रहए जो ख्रीष्ट येशूमे बिश्वास करत रहएं? और का हिना फिर जा जहेमारे नाए आओ रहए, कि उनके बाँधके मुखिया यहूदी पुजारीके ठिन लैजाए?”

2 तिमोथी 2:22

जहेमारे, बे पापी इच्छनसे बच, जो जवान आदमीनके आकर्षित करत हए और जो शुद्ध मनसे प्रभुको नाउँ लेतहए, और उनके सँग परमेश्वरके अग्गु ठिक ठहिरन बाली बातके, बिश्वासके, प्रेमके, और जो शुद्ध मनसे प्रभुकी आराधना करत हए, उन्हिनके सँग लग।

गलातियों 1:2

मए जा बे मण्डलीनके या बिश्वासी ददाभइयनको समुहके लिखरहो हओं, जो गलातिया परदेशमे हएं।

प्रेरित 9:13

तओ हननिया जबाफ दइके कही, “हे प्रभु, मए जा आदमीके बारेमे बहुतनसे सुनो हओं, कि जा यरूशलेम सहरमे तेरे पबित्र जनके बहुत सताइ हए।

रोमियों 8:28

और हम जानत हएं, कि जो आदमी परमेश्वरसे प्रेम करत हए, परमेश्वर उनके ताहीं सब चिजनके एक अच्छी अन्तमे लात हए; अर्थात् बिनके ताहीं जौनन्के बो चुनी हए।

1 कोरिन्थी 10:32

मए सबके खुसी करनके कोसिस करत हओं, मए एकको भलाइके बारेमे नाए सोँच रहो हओं, बल्कि सबको भलाइके बारेमे सोँच रहो हओं, ताकी उनके बचाओ जाए सकए। उइसीयए तुम फिर अइसियए रहाबओ, ताकी यहूदी या ग्रीक भाषा मस्कन बारे या परमेश्वरके मण्डलीके ताहीं कोइ मुस्किल नाए होबए।

1 कोरिन्थी 12:27

जहे परकार, तुम सब मिल्के ख्रीष्टको शरीर हओ, और तुम मैसे सबए बाके हओ, बाके शरीरके अंगके समान हओ।

1 तिमोथी 2:8

मए चाँहत हओं, कि हर ठिहा जब तुम परमेश्वरको आराधना करनके ताहीं जमा होत हओ, तओ बे लोग जो पबित्र जीबन जीइत हएं अपने हातके उठाएके बिना दिक्क और बिना बिबाद करे प्राथना करएं।

2 तिमोथी 2:19

तहुँफिर परमेश्वरके आदमी एक जग हानी हएं, जो हमेसा बिश्वासमे बने रहात हएं। जा जगमे जे मेलको शब्द लिखे रहात हएं: “प्रभु जानत हए, कि बाके आदमी कौन हएं” और जा फिर कि “जो कोइ फिर परमेश्वरको आराधना करत हए, बोके खराब काम करनके बन्द करदेन पणो।”