1 कोरिन्थी 1:10 - राना थारु नयाँ नियम

¹⁰ हे बिश्वासी ददाभइया, हमर प्रभु येशू ख्रीष्टको अधिकारसे, मए तुमसे अइसे करनके ताहीं बिन्ती करत हओं, कि तुमरमे फुट नाए होनचाहो।

परमेस्वर को सच्चो वचन

¹⁰ भईय्यौ और बहेनियौ, मैं तुमसे ईसु मसीह जो हमरो प्रभु है बाके नाओं से नहोरे करथौं, कि तुम सब एकै बात कहबौ और तुम मैं फूट ना पड़ै, लेकिन एकै मन और एकै मकसद मैं रहकै मेल-जोल से रहबौ।

1 कोरिन्थी 1:10 Referans Kwoze

1 कोरिन्थी 12:25

परमेश्वर अइसे जहेमारे करी ताकी शरीरके कुछ अंगसे एकदुस्रेन्के सँग लडाइ नाए होए, बल्कि उनके एक-दुस्रेके ताहीं देखभार होन पणो।

रोमियों 12:16

एक-दुसरेन्को उत्नुए ध्यान देओ जित्ना तुम अपनएके ध्यान करत हओ, घमण्ड मत् करओ, पर नम्र बारेनके सँगत करओ और अपनी नजरमे जनैया मतहोबओ।

2 कोरिन्थी 13:11

अन्तमे बिश्वासी ददाभइया, अब बिदा पामओं। सिध्दताको लक्ष्य धरओ। एक-दुस्रेके उत्साहित करओ। एक-दुस्रेके सँग सहमत होबओ। शान्तिमे रहबओ, तओ प्रेम और शान्तिको परमेश्वर तुमर सँग होबैगो।

1 कोरिन्थी 11:18

काहेकी सुरुवातमे मए जा सुनो, कि जब तुम आराधनाके ताहीं मण्डलीमे इकट्ठा होत हओ, तओ तुममे फुट होत हए और मोके भरोसा हए, कि जामे कुछ सच्चाई हए।

फिलिप्पी 1:27

खास बात जहेहए, कि ख्रीष्टको अच्छो समाचारके सुहान बारो चल-चलन होबए। जहेमारे, मए तुमके देखओं या नाए देखओं, तुमर बारेमे जा सुनन पामओं, कि तुम एकए उदेश्यमे स्थिर हओ, और एकए सँग लडनके ताहीं बहे बिश्वासके ताहीं लडत हओ, जो अच्छो समाचारसे आत हए।

रोमियों 16:17

अब हे मेरे ददाभइयओ, मए तुमसे बिन्ती करत हओं, कि बे आदमी जो लडाइ करबात हएं, और जो आदमीनके गलत बातमे बिश्वास कारनके लागत हएं जो तुमर सिखो भओ शिक्षाके बिरुद्धमे हए, उनसे साबधान रहाओ, और उनसे दुर रहाओ।

2 कोरिन्थी 5:20

जहेमारे हम ख्रीष्टके राजदूत हएं, और परमेश्वर आदमीनके हम द्वारा बाको सन्देश स्वीकार करनके बिन्ती करनडटो हए। ख्रीष्टके पक्षमे हम तुमके बिन्ती करत हएं, कि तुम परमेश्वर सँग मेलमिलापमे आबओ।

1 कोरिन्थी 4:16

जहेमारे मए तुमसे बिन्ती करत हओं, कि मिर अनुसरण करन बारे होबओ।

प्रेरित 4:32

“बिश्वास करन बारेनको समुह, सबए एक ह्रदय और एक आत्माके रहएं, और बे मैसे एकफिर अपन सम्पति ‘जा मिर हए’ करके नाए कहात रहएं, पर बिनके सँगमे भओ सब चीज साझा रहए।

यूहन्ना 17:23

मए बिनमे, और तुम मोएमे हओ। जहे रितिसे बे फिर पुरा रुपसे एक होमएं। तुम्ही मोके पठाए, और जैसी तुम मोके प्रेम करे, उइसी बिनके फिर प्रेम करत हओ कहिके संसारके आदमी जान पामएं।”

1 थेसलोनिकी 5:13

और जो कुछ तुमर ताहीं करत हएं, बहेमारे उनको बहुत आदर करओ, और उनके बहुत प्रेम करओ, और एक-दुस्रेमे मेलमिलापसे रहाओ।

रोमियों 12:1

तभीमारे ए मेरे ददाभइयओ, हमर ताहीं परमेश्वरको बडो कृपाके कारण मए तुमसे बिन्ती करत हओं, कि तुमर आत्मिक उपासनाके रुममे अपने जीबनके पबित्र और परमेश्वरको मनको बलिदान चढाओ; जहे तुमर परमेश्वरको सेवा करनके सच्चो तरिका हए।

यूहन्ना 10:19

जा सुनके यहूदी समुहके अगुवनके बीचमे फिरसे मनमुटाब भओ।

1 पतरस 2:11

प्रिय हो, तुम जा संसारमे बिदेशी और प्रवासी कता बैठे हओ। मए तुमके बिन्ती करत हओं, कि बे सबए दुष्ट शारीरिक इच्छनसे अलग रहाओ, काहेकी अइसे चाहना आत्माके बिरोधमे रोज लडत हएं।

2 तिमोथी 4:1

जब येशू ख्रीष्ट राजाके रुपममे राज्य करन आबैगो, तओ बा जिन्दा और मरेभइनके न्याय करैगो। तभीमारे, परमेश्वर और येशू ख्रीष्टको साक्षीके रुपमे मए तोके अनुग्रह करत हओं,

फिलिप्पी 3:16

जहेमारे हमके उइसो सच्चाईके अनुसार काम करन चाहो, जौनके परमेश्वर पहिलीयसे हममे प्रकट करीहए।

2 कोरिन्थी 10:1

मए पावल, तुमर अग्गु नम्र हओं, पर जब दुर होत हओं तओ तुमर ताहीं सहासी होत हओं! ख्रीष्टको नम्रता और दयामे मए तुमसे बिन्ती करत हओं।

यूहन्ना 7:43

जहेमारे येशूके बारेमे आदमीनके बीचमे फुट आओ।

मर्कूस 2:21

कोइ फिर पुरानो लत्तामे नयाँ कुर्ताको थिगरा नाए लगात हए। काहेकी नयाँ थिगरा धुइहएं तओ बो सुकरजएहए और पुरानो कुर्ताके और जद्धा फारदेहए, तओ पुरानो लत्ताको भार बहुत बडो हुइजएहए।

मत्ती 9:16

कोइ फिर पुरानो कुर्तामे नयाँ लत्ताको थिगरा नाए लगात हएं। काहेकी नयाँ थिगरा पुरानो कुर्ताके फारदेत हए, और कुर्ता औ जद्धा फटजातहए।

1 तिमोथी 5:21

मए तोके परमेश्वर, और येशू ख्रीष्ट, और चुनेभए स्वर्गदूतन्के अग्गु मए तोके जा आदेश देत हओं, कि तए कोइके फिर जल्दीयए न्याय मत् करीए। कोइ फिर आदमीनके और कोइ फिर काममे कोइ मिर भेदभाब या पक्षपात नाए करे तए जे सब नियम पालन कर।

2 थेसलोनिकी 2:1

हे मेरे बिश्वासी ददाभइयओ, हम अपने प्रभु येशू ख्रीष्टके दुबारा लौटनेके बारेमे, और बो समयके बारेमे कुछ लिखन हए, जब हम एकए सँग ख्रीष्टसे मिलंगे।

गलातियों 4:12

हे बिश्वासी ददाभइया, तुमर जैसे बननके ताहीं, मए बो यहूदी नियम कानुनके पालन करनके छोडदओ, जौनको मए पालन करत रहओं। जहेमारे अब मए तुमसे बिन्ती करत हओं, कि मेरे कता बन्जाबओ और बो यहूदी नियम कानुनके पालन मत् करओ; तुम मिर अच्छेसे रेखदेख करे।

2 कोरिन्थी 6:1

हम परमेश्वरए सँग काम करत हएं और जहे हैसियतसे तुमके बिन्ती करत हएं, तुम परमेश्वरको अनुग्रह पाएके अब बो व्यर्थ होन मतदेओ।

रोमियों 15:30

हे मेरे बिश्वासी ददाभइयओ; मए तुमके हमर प्रभु येशू ख्रीष्टके नाउँसे बिन्ती करत हओं, कि तुम मेरे ताहीं परमेश्वरसे प्राथना करके मेरे कष्टमे सामिल होबओ। पबित्र आत्मा द्वारा तुमर प्रति मिर प्रेमको कारण अइसो करओ।

यूहन्ना 9:16

फरिसीनको समुह मैसे कोइ-कोइ कहीं, “बो आदमी परमेश्वरसे नाए आओ हए, काहेकी बो पबित्र दिन पालन नाए करत हए।” पर औ जनै कहीं, “जा पापी हुइतो कहेसे अइसो शक्तिशाली चमत्कार कैसे करपैतो।” अइसे बिनके बीच सबको बिचारमे बडो मनमुटाब हुइगओ।

रोमियों 1:13

और हे ददाभइयओ, मए चाँहत हओं, कि तुम जानपाबओ, कि मए घरी-घरी तुमर ठिन आनके चाहो, जैसे कि मए गैर-यहूदीनके बीचमे ख्रीष्टके ताहीं चेला बनाओ, उइसीयए तुमके फिर चेला बनाए पामओं, पर अभएतक मए रुको रहो।

1 कोरिन्थी 1:11

काहेकी, मेरे बिश्वासी ददाभइया, क्लोएके परिवारके आदमी मोके तुमर बारेमे बताइ हएं, कि तुमर बीचमे लणाइ होए रहो हए।

1 कोरिन्थी 3:3

काहेकी तुम जा संसारके आदमीन कता रहात हओ। जहेमारे, कि जब तुम सबसे जरत हओ और लडाइ करत हओ, तओ का जा जहे बातके साबित नाए करत हए, कि तुम जा संसारसे सम्बन्धित हओ? और का तुम जा संसारके आदमीन कता नाए जीइ रहेहओ?

2 कोरिन्थी 13:9

काहेकी हम बिश्वासमे कमजोर हएं और तुम बिश्वासमे बलियो हओ कहेसे हम आनन्दित होत हएं। तुमर बिश्वासको प्रगतीके ताहीं हम प्राथना करत हएं।

1 पतरस 5:10

परमेश्वर, जो पुरा रुपमे अनुग्रहकारी हए, बा हमर येशू ख्रीष्ट सँगको सम्बन्धके कारण अपनो अनन्त महिमामे हमके साझेदार होनके बुलाइ हए। तुम कुछ देरतक दुख उठाएके पिच्छु, परमेश्वर तुमके असल बनाबैगो, ताकी तुममे कोइ गल्ती नाए होबए, और बा तुमर मनके मजबुत बनाबैगो और मजबुत होनके ताहीं बामे बिश्वास करन बारे बनाबैगो।

मर्कूस 3:24

अगर कोइ राज्यमे, आदमी-आदमीनके बीचमे फुट हुइगओ कहेसे, बो राज्य जद्धा दिन नाए टिकपएहए।