Vatomwe 16:6 - Sudest

⁶ Kaiwae gharɨgharɨ va thɨ vakatha raloŋweloŋweghathɨko na ghalɨŋana gharautu madɨbanji i voru, i thovuye eŋge u giya madibe weŋgi na thɨ mun.”

Vatomwe 16:6 Referans Kwoze

Vatomwe 11:18

Thiye ma Jiu gharɨgharɨniye thɨ ghatemuru laghɨye e ghen, ko iyemaeŋge len gaithɨ laghɨye ghambaŋa kaero i mena. Mbaŋa kaero i vutha na u vanivaŋaŋgiya thavala kaerova thiya mare. Mbaŋa kaero i vuthava na len rakakaiwo ghalɨŋan gharautu u vamodaŋgi, na raloŋweloŋweghathɨko wolaghɨye thiya thɨ yavwatatawanaŋge, thoŋgo idaidanji laghɨye o thoŋgo idaidanji nasiye, ne u giya modanji. Mbaŋa kaero i mena na u mukuwoŋgiya wolaghɨyeko va thɨ gaboŋgiya yambaneke gharɨgharɨniye.”

Vatomwe 18:24

Loi ne i lithɨ e ghen kaiwae va u tagavavamareŋgiya ghalɨŋae gharautu na raloŋweloŋweghathɨko, na tembe ŋgoreiyeva gharɨgharɨko wolaghɨye va thiya mare e yambaneke, ghanjigaithɨ modae i lithɨ na i ghao e ghen.”

Vatomwe 13:15

I vatomwe thetheghan mbwanjam theghewoniyema i livalawe ghandewendewe weya thetheghan mbwanjam i vivama e ŋgaliŋgaliyaeko, na valɨkaiwae i utu. Na the gharɨgharɨ ma thɨ kururuwe valɨkaiwae i tagavavamareŋgi.

Vatomwe 19:2

kaiwae le vavaniva i emunjoru na i rumwaru. Loi kaero i vanivaŋa wevoma rayathiyathimama moli na i lithɨwe, kaiwae le yathimako thanavuniye e tɨne i vakowana yambaneke. I gaboŋgiya Loi le rakakaiwo ghathɨthɨ i vakatha njoghawe.”

Vatomwe 13:10

Thoŋgo Loi i vatomweya lolo regha na thɨ ŋgarɨ, ne thɨ ŋgarɨ. Thoŋgo i vatomweya lolo regha na thɨ unɨghɨ e gaithɨ ghaghalithɨ, ne thɨ unɨghɨ e gaithɨ ghaghalithɨ. Iyake kaiwae raloŋweloŋweghathɨko weinji lenji loŋweghathɨ wo thɨ ghataŋaghathɨ.

Vatomwe 18:20

Ghemi rameburuburu, huya warari! Ghemi raloŋweloŋweghathɨ, weimiyaŋgiya ghalɨŋae gharaghambɨ na ghalɨŋae gharautu, huya warari kaiwae tharɨko iya Babilon va thɨ vakathako e ghemi, ghathɨthɨ Loi kaero i vakathanjoghawe.’”

Hibru 10:29

Ko iyemaeŋge thoŋgo lolo regha i wonjoŋanjoŋa Jisas na iŋa, “Iye ma Loi Nariye ŋgoreiye,” o thoŋgo i wovanasinasiyeŋa madibeko iya i vaemunjoruŋa dageraweko togha na i thavwiyathu la tharɨko, o thoŋgo lolo regha i utuvatharɨ weya Nyao Gharegharethovuniye, loloko iyako ghalithɨ ne i laghɨye moli i kivwala loloko i botewo Mosese le Mbaroko ghalithɨ.

Matiu 7:2

Loi le wovatharɨtharɨ weŋga ne i mboromboro weiye lemi wovatharɨtharɨ weŋgiya ghamunena. Lemi vakathako gharɨgharɨ weŋgi tembene i vakathava ŋgoreiye weŋga.

Toto Thovuye Utuniye Luk Le Rorori 12:48

Ko iyemaeŋge rakakaiwoko iya ma i ghareghare budakaiya ghagiyako le renuwaŋa iyemaeŋge i vakatha budakaiya iya valɨkaiwae ne i vaidiya ghaŋgaŋgakowe, ne ghaŋgaŋga seiwo. Loi nuwaiya laghɨye moli weya the lolothan i giyawe laghɨye moli, na tembe nuwaiyava laghɨye moli na e vwatae weya thela i giyawe laghɨye moliwe na e vwatae.”