Rom Lenji Leta Pol Le Rorori 11:10 - Sudest

¹⁰ Mbala thava thɨ thuweya bigi regha, ko iyemaeŋge maranji i momouwo, na ghanjivuyowoko i rovarivariŋgi mbaŋake wolaghɨye.”

Rom Lenji Leta Pol Le Rorori 11:10 Referans Kwoze

2 Pita 2:4

Loi va i giya vuyowo weŋgiya nyao va thɨ vakatha tharɨ, na i bigiraweŋgi e momouwo tɨne thambe, na gheko thɨ roroghagha ghaghad mbaŋaniye Loi ghambaŋa Mbaro.

Epesas 4:18

na gharenji i momouwo. Kaiwae ma e lenji ghareghare moli na gharenjiko i vurɨgheghe ŋgoreiya varɨ, thiye ma e idaidanji e yawalɨko iya i menako weya Loi.

Rom Lenji Leta Pol Le Rorori 11:8

ŋgoreiya Buk Boboma le utuutu iŋa, “Loi i vakathaŋgi ŋgoreiya unenjima i ghawe, i giya maranji ko iyemaeŋge ma valɨkaiwanji thɨ thuweya bigi regha, na i giya yanawanji ko iyemaeŋge ma valɨkaiwanji thɨ loŋweya bigi regha. Mbe ŋgoraeŋge vara iyako ghaghad noroke.”

Rom Lenji Leta Pol Le Rorori 1:21

Othembe thɨ ghareghareya Loi, thɨ wovanjoŋanjoŋa ŋgoreiye iye ma Loi, ma thɨ wovavwenyevwenyeŋa, na ma thɨ dage mwaewowe. Ko iyemaeŋge lenji renuwaŋa ma unouno eŋge na gharenji i momouwo weŋgi.

Jiud 1:13

Thiye ŋgoranjiya ŋgonu laghɨlaghɨye e njighɨko thɨ bebe na lenji vakathako monjinaniye ŋgoreiya bagoduko njoŋgonjoŋgowae. Thiye ŋgoranjiya ghɨtara thɨ vathavwiya lenji ghamba reŋa na thɨ ghawe moli. Loi kaerova i vivatharaweya ghambanji, momouwo laghɨye moli inawe na ne vethɨ roghabanawe moli.

Jiud 1:6

Hu renuwaŋakikiŋgiya nyao thovuthovuye, iya thiye va thɨ botewoyathu ghamba yakuko Loi va i woveŋgiko, na thɨ roiteta lenji ghamba yakuko. Loi kaero va i yaŋgarɨŋgi e sen memeghabananiye na i vaŋguraweŋgi e momouwo tɨne, thɨ roroghagha na ghambaŋa laghɨye na i woraweya ghanjimbaro.

2 Pita 2:17

Gharɨgharɨke thiyake ŋgoranjiya mborowou kaero thɨma, na ŋgoranjiya ŋgalɨlɨ ndewendewe vurɨgheghe i tagavewoŋgi. Loi kaerova i vivatharaweya ghambanji, e momouwo tɨne.