Toto Thovuye Utuniye Mak Le Rorori 1:22 - Sudest

²² Gharɨgharɨko iyava thɨ vandeŋeko gharenji i yo laghɨye le vavaghare kaiwae, kaiwae mava ŋgoreiya mbaro gharavavaghare, ko i vavaghare weiye mbaro.

Toto Thovuye Utuniye Mak Le Rorori 1:22 Referans Kwoze

Matiu 13:54

I njogha e ghambae na i vavaghare e lenji ŋgolo kururu tɨne. Gharenji i yo le vavaghareko kaiwae na thɨŋa, “Le ghareghareko aŋga i mena? Ŋgoroŋga na valɨkaiwae i vakatha vakathaŋgike ghamba rotaele thiyake?”

Toto Thovuye Utuniye Jon Le Rorori 7:46

Thɨ gonjogha weŋgi thɨŋa, “Amalake iyake le utu ma ŋgora vara gharɨgharɨke wolaghɨye lenji utu.”

Toto Thovuye Utuniye Luk Le Rorori 4:32

Gharenji va i yo le vavaghareko kaiwae, kaiwae i utu weiye mbaro.

2 Korinita 4:2

Ko iyemaeŋge simosimo na monjina vakathaniye kaero wo ndeghereiyewana. Ma wo kwanɨyaroŋgiya gharɨgharɨ na Loi le utu wo vɨvɨ na ma reghaova. Ko iyemaeŋge utuutu emunjoru wo vavaghareŋa wagiyawe, na iyake e tɨne wo woraŋgiyaime gharɨgharɨ e maranji na e gharenji thɨ ghareghare ghime kaiwo thovuye gharavakatha Loi e marae.

Vakatha 6:10

Ko mava valɨkaiwanji thɨ utu kivwala Sitiven kaiwae Nyao Boboma va i vakatha na i thimba e utuutu.

Toto Thovuye Utuniye Luk Le Rorori 21:15

kaiwae ghino ne ya giya utuutu na thimba e ghemi, na mbala ghamithɨghɨyaŋgina ma valɨkaiwanji thɨ wovakwanɨkwanɨŋga e lemi utuna.

Toto Thovuye Utuniye Mak Le Rorori 1:23

E mbaŋako iyako amala ina gheko nyao raitharɨ inawe, va ina Jiu e lenji ŋgolo kururuko tɨne i yaro iŋa,

Toto Thovuye Utuniye Luk Le Rorori 2:47

Taulaghɨko gharenji i yo le ghareghare na le gonjoghako kaiwae.