Toto Thovuye Utuniye Luk Le Rorori 12:14 - Sudest

¹⁴ Jisas i gonjoghawe iŋa, “Amalana, thela i vatomwe mbaroko iyako e ghino na lo rɨghe na ya tena lemi bigibigina kaiwami?”

Toto Thovuye Utuniye Luk Le Rorori 12:14 Referans Kwoze

Rom Lenji Leta Pol Le Rorori 2:3

O ghen, u wovatharɨtharɨŋaŋgiya gharɨgharɨko thiyako lenji vakathako kaiwae, ko iyemaeŋge iya thɨ vakavakathako ghen tembe iyava u vakathana. Ko len renuwaŋa u munjeva ne u voiteta Loi le wovatharɨtharɨko?

Rom Lenji Leta Pol Le Rorori 9:20

Ko thela idaya ghen, mau, na u munjeva u gonjogha weya Loi? Valɨkaiwae monjemonje biginiye i dage weya ramonjemonje na iŋa, “Buda kaiwae u monjeŋgo na ŋgoraŋgwake?”

Rom Lenji Leta Pol Le Rorori 2:1

Wou, ghen ma e len rɨghe na u wovatharɨtharɨŋgiya gharɨgharɨ vavana thɨ vakavakatha tharɨ ŋgoranjiyako, kaiwae the valɨvaŋga u wovatharɨtharɨŋaŋgiya gharɨgharɨko thiyakowe, ghen tembe u wovatharɨtharɨŋava ghanɨmbereghana, kaiwae ghen tembe u vakavakathava iya thanavuko thiyako.

Toto Thovuye Utuniye Jon Le Rorori 8:11

Iŋa, “Amalana, ma regha.” Jisas iŋa, “Ghino tembe ŋgoreiyeva, ma ya wovatharɨtharɨŋaŋge. U wa, thava tene mbaŋa reghava u vakatha tharɨ.”

Toto Thovuye Utuniye Jon Le Rorori 6:15

Jisas kaero i ghareghare thɨ munjeva thɨ mena thɨ vaŋgu na thɨ vavurɨghegheŋa na thɨ vakatha na kiŋ, i iteteŋgi na mbowo i njoghava e ouko ghamberegha moli.

Toto Thovuye Utuniye Luk Le Rorori 5:20

Mbaŋa Jisas i thuwe lenji loŋweghathɨko, i dage weya amalako iŋa, “Wou, len tharɨna kaero ya numoten.”

Toto Thovuye Utuniye Luk Le Rorori 22:58

Mbaŋa ubotu e ghereiye, amala regha i thuwe na iŋa, “Ghen tembe ŋgoreiyeva, ghanjiu regha.” Pita i gonjoghawe iŋa, “Amalana, ma ghino!”

Toto Thovuye Utuniye Luk Le Rorori 12:13

Amala regha e wabwiko tɨne i dage weya Jisas iŋa, “Ravavaghare, u dage weya ghaghaŋguko na i giya bigibigiko ramame va i mare iteteŋako weime na i giya valɨvagaga weŋgo.”