Toto Thovuye Utuniye Jon Le Rorori 7:12 - Sudest

¹² E wabwiko tɨne gharɨgharɨ thɨ vevaŋaewi weŋgi Jisas kaiwae, vavana thɨŋa, “Amalaghɨniye lolo thovuye,” na vavana thɨŋa, “Nandere, i yaroŋgiya gharɨgharɨ.”

Toto Thovuye Utuniye Jon Le Rorori 7:12 Referans Kwoze

Toto Thovuye Utuniye Jon Le Rorori 9:16

Parisi vavana thɨŋa, “Lolona iya me vakatha iyana weŋge iye ma i menawe Loi, kaiwae ma i ghambugha Sabat ghambaro.” Vavana thɨŋa, “Ne ŋgoroŋga na lolo, iye tharɨ gharavakatha, i vakatha vakatha ghamba rotaele ŋgoranjiya iyake?” E mbaŋako iyako thɨ vakatha wabwi.

Toto Thovuye Utuniye Jon Le Rorori 7:47

Parisi mbowo thɨ vaitoŋgiva thɨŋa, “Le utuko me wo nuwami, ae?

Toto Thovuye Utuniye Jon Le Rorori 7:32

Parisi vavana thɨ loŋwevaidiya gharɨgharɨ mbema thɨ vaŋaewiŋa eŋge bigibigike thiyake Jisas kaiwae, iwaeŋge ravowovowo laghɨlaghɨye na Parisi thɨ variyeŋgiya Ŋgolo Boboma gharagatɨgat na vethɨ yalawe.

Pilipai 2:14

Mbaŋake wolaghɨye lemi kaiwo e tɨne, thava hu veliya ghamiutu o hu vedageghatuthi weŋga,

Rom Lenji Leta Pol Le Rorori 5:7

Mbe mbaŋa vavana eŋge lolo regha i vatomweya yawaliye na i mare thela i ghambugha mbaro kaiwae, ko mbwata valɨkaiwae eŋge lolo regha ghamberegha i vatomwe na i mare lolo regha ghathanavu thovuye kaiwae.

Vakatha 11:24

Banabas iye lolo thovuye Nyao Boboma i riyevanjara na le loŋweghathɨ i laghɨye, iya kaiwae le thalavu kaiwae gharɨgharɨ lemoyo thɨ loŋweghathɨgha Giya.

Toto Thovuye Utuniye Jon Le Rorori 7:52

Thɨ gonjoghawe thɨŋa, “Ghen tembe u menava Galili, ae? U vaona Buk Boboma na u thuwe; mane Loi ghalɨŋae gharautu regha tene i menava Galili.”

Toto Thovuye Utuniye Jon Le Rorori 6:14

Mbaŋa thɨ thuwe le vakathako ghamba rotaele iyako thɨŋa, “Mbema emunjoru, amalaghɨniye Loi ghalɨŋaema gharautu, iya bukuma i woraŋgiya, ne i njama e yambaneke.”

Toto Thovuye Utuniye Luk Le Rorori 23:50

Amala regha idae Josep rara Arɨmathiya, ghemba regha Judiya e tɨne. Iye lolo rumwarumwaruniye na i roroghagha Loi le ghamba mbaro thembaŋa ne i mena. I ghambugha mbaro na Jiu lenji kot laghɨye loloniye regha, ko iyemaeŋge mava i wovatha lenji mbaro na lenji vakathako Jisas kaiwae.

Toto Thovuye Utuniye Luk Le Rorori 23:47

Mbaŋa ragagaithɨ lenji randeviva i thuwe budakaiya me yomara, i taraweŋa Loi iŋa, “Emunjoru iye va lolo rumwarumwaruniye! Ma i ndevakathamun tharɨ!”

Toto Thovuye Utuniye Luk Le Rorori 18:19

Jisas i gonjoghawe iŋa, “Buda kaiwae uŋa ghino ya thovuye? Ma lolo regha i thovuye, Loi ghamberegha moli.

Toto Thovuye Utuniye Luk Le Rorori 7:16

Taulaghɨko weinji lenji mararu laghɨye na thɨ taraweŋa Loi thɨŋa, “Loi ghalɨŋae gharautu laghɨye regha kaero menda i yomara e tɨnendake. Loi kaero i mena i thalavuŋgiya le gharɨgharɨ.”

Toto Thovuye Utuniye Luk Le Rorori 6:45

Lolo thovuye uneya thanavu thovuye, ŋgoreiya thovuyeko i mbanɨvathavatha e ghareko. Lolo raitharɨ uneya thanavu raitharɨ, ŋgoreiya tharɨko i mbanɨvathavatha e ghareko. Kaiwae budakaiya i riyevanjara gharendake, iya thɨ rakaraŋgi e ghaendake.

Matiu 27:63

Thɨ dagewe thɨŋa, “Amalana, wo renuwaŋakikiya rakwanɨko iyako, mbaŋa vamba e laghalagha va iŋa, ‘Mbaŋa thegheto e ghereiye kaero ya thuweiruva.’

Matiu 21:46

Thɨ mando na thɨ munjeva thɨ yalawe ko iyemaeŋge thɨ mararuŋgiya wabwiko kaiwae thɨŋa iye Loi ghalɨŋae gharautu.

Matiu 10:25

I thovuye eŋge ravavaona i tabo na ŋgoreiya le ravavaghare na rakakaiwo ŋgoreiya ghagiya. Ŋgolo tanuwagae ghino, thoŋgo thɨ uno idaŋgu Bilɨsabul ghemi lo ŋgoloko gharɨgharɨniye ghemi, ne thɨ rena ida raraitharɨ moli na ghemi idaidami.