Romans 3:10 - Tewa

¹⁰ Yôesiví ta̖ˀnin diwe kinnân ûnta̖ˀmuu: Toˀwí wänbo iví wówátsi taˀge wíˀihonpí, wîˀ wänbo yoe.

Romans 3:10 Referans Kwoze

Romans 3:23

gá tꞌä̖hkíḏíbo ívítꞌaywó̖ˀnandân, heḏiho toˀwí wänbo yä̖ˀḏâaˀiḏa̖ˀ wínamuupí Yôesi tꞌä̖hkí yä̖ˀḏâaˀi namuu waagibá.

Titus 3:3

Gínkhâyˀä̖ˀ kin waagi ívíˀâ̖a̖míˀin, gá wáymûu naˀin wáˀ hanginta̖hpíˀin gimúˀdeḏân, heḏá tꞌóyanpíˀindá gimuuwän, in taˀgen namuu iweḏi gihângepóewän, háa naˀinbí túuˀú iwe gicha̖a̖ waagiḏa̖ˀ ívíˀoḏi wíˀbo ívípihíhchanmäḏi nä́ˀi híwó̖ˀpîˀ hä̖ä̖wíḏí naˀin dípanhógi waa gínpóe, naˀinbí wówátsi-á tꞌä̖hkí yä̖ˀḏâapíḏa̖ˀ ívíˀowän, githúutꞌóewän, wây-á tꞌowaḏá dítꞌaywän heḏi naˀindi wáˀ indá âytꞌaywän.

Mark 10:18

Jesus-di óetsikaˀyan, “Háaḏan naa híwóˀdi gin dítu̖ˀoˀ? Jôesi Táḏáḏa̖ˀmân híwóˀdi namuu, wíyá toˀwí-á joe.

1 Peter 1:16

Iví taˀnin diwe iví híˀ ûnmuuˀi ginnân ûntaˀmuu: Naa yä̖ˀḏâaˀiḏa̖ˀ omuuḏi un wáˀ únkhâyˀä̖ˀ yä̖ˀḏâaˀinda̖ˀ ímúuníˀin.

Romans 3:4

Yoe, háˀto ûnˀóḏe-í. Gínkhâyˀä̖ˀ gitú̖níˀin Yôesi-á wíˀihôeyóˀopíˀin tobá tꞌä̖hkí tꞌowa dihôeyó wänboˀ. Yôesiví ta̖ˀnin diwe iví̖ˀgeḏi ûntû̖ˀ waa: Ihéeˀandá tꞌowa dínhanginnání taˀge ihíˀmáaˀin. Heḏi tꞌowaḏi ôntꞌeˀpꞌíḏénde wänbo dínhanginpúwí hä̂nhay wänbo híwó̖ˀpí wíˀiˀopíˀin.

Romans 11:8

Yôesi Táḏáví ta̖ˀnin diwá nä́ˀin wé̖ˀgeˀin tꞌowaví̖ˀgeḏi kinnân nata̖ˀmuu: Yôesiḏi inbí hangintan ovâypeḏeeˀan, heḏi tsée nakeetꞌóepîˀ-á, oeyay natꞌoˀpîˀ-á ovâymä́gi, heḏi nää thaa puˀwahay kinbo dínpoˀ.

Romans 3:11

Toˀwí wänbo wínakaˀpóya̖ˀpí háa in yä̖ˀḏâaˀin namuuˀin, toˀwí wänbo wínadaˀpí Yôesi óetaa-íˀin.