MATEO 21:25 - Tepehua Huehuetla

²⁵ Pus tis chavaich ju xamalakachayachilh ju Xivan amakpaxana'. Ja yuchi ju Dios u yu'unch ju lapanacni. Pus ju acsnich ju anuch lapanacni talaclajuni ixlhi'akstu'an: ―Pus ni canaju ni Dios ju xamalakachayachilh pus laich aquintajunin tajuch ni jantu xalaca'iniyau.

MATEO 21:25 Referans Kwoze

1 XIVAN 3:20

Para mas c'atsayau ni aktamixnin quintac'acxnitan ju qui'amapaininti'an para tasq'uini ni calhilaksiyau ju Dios. Ju yuchi c'atsai ni vasalh mapainiyau. Ju yuchi c'atsak'ojui tachi chun ju taxtokni.

XIVAN 3:18

Ju quilhilaca'an pus tus ani jantuch muc'anican ju ixtalak'alhin. Para ju jantu quilhilaca'an pus tus ani muc'anicanta ju ixtalak'alhin va ixlacata ni jantu quilhilaca'anta ju laquintapaka'ut ju lakatami ists'alh Dios icjunita.

XIVAN 1:15

Ju Xivan naulh tuchi isc'atsai ixlacata ju anu' ju chivinti juncan. Chai acsni tavanan ixlhakt'asajunun pus p'as ju ixchivinin. Chanich ixnajun: ―Ju mintacha astan yuchi ju xak'ai. Jantu quit'in. Yuchach ju xaclalhakt'asajuyau ju uxijnan.

LUCAS 20:5

Pus ju yu'unch talacchivinilh ixlhi'akstu'an. Ixtalaclajuni: ―Ni calhiquilh'aniu ni Dios ju xamalakachayachilh pus aquintajunin tajuch ni jantu xalaca'iniyau.

XIVAN 1:6

Pus alilh pumatam lapanac ju malakachachilh ju Dios. Ju yuchi ixjuncan Xivan.

MATEO 16:7

Pus ju ix'amamaka'ui talaclajuni sia yu'unch: ―Quintajunan chunch ni jantu lhimintau ju tu'u' xkapavati.

MATEO 21:24

Chai ju Jesús chani alhik'alhtailh: ―Ju quit'in vachu' aclasacmiyau lakatam chivinti. Chai ni aquilajunau pus ju acsnich vachu' aclajunau tichi chavaich ju xaquijuni ni acnaviya' ju ani taxtokni.

MATEO 21:26

Chai jantu lai catinaju ni yu'unch ju lapanacni ju xatamalakachayachilh ni na atalhoniyau ju lapanacni ni ixchux'an talhimispai ju Xivan ni ixnajun ixchivinti Dios.

LUCAS 14:4

Para ju yu'unch jantu tu'u' ta'ak'alhtayanalh. Pus ju acsnich ju Jesús macch'apalh ju anu' lapanac chai lana palaich va. Chai astan malakachachokolh la'ixchaka'.