MATEO 2:11 - Tepehua Huehuetla

¹¹ Chai acsni tatanu lacachaka' talakts'ilh ju ask'at'a chai ixnati ju Malia ixjuncan. Pus tata'aktsokotanilh chai talak'ayalh. Chai tapaxk'otlh ju ixtalhiminta chai taxtaknilh ju lhak'ailakts'in ju oro chai ju pum chai ju xak'alhch'at lakatam q'uiu ju na c'us acamin.

MATEO 2:11 Referans Kwoze

LUCAS 2:16

Pus lana vats'alhti ta'alh. Chai talhitajulh ju Malia chai ju José chai ju ask'at'a ni ixt'ajunch junta vajin ju caballo.

MATEO 2:2

Chai ta'asacminilh. Tanaulh: ―Tas anchach ju vi ju ix'ucxtin'an ju israelitanin ju va tsuculhca'. Pus laquint'un quinc'an iclakts'iuch ju st'acu ju tasu chai ju nomputun ni tsuculh ju yuchi. Chai ju quijnan icmintau ni va iclak'ayaputunau.

JU AMAVASALACALH 19:10

Pus ju acsnich icta'aktsokotanilh vanin la'ixch'aja' ju anu' anquilh ni va xaclak'ayaputun. Para ju yuchi quijuni: ―Jantu chun aq'ui'ulht'u ni va mint'axalapanac icjunita chai ixt'axalapanac ju mi'alak'avin ju tajuni ju lapanacni ixlacata ju Jesús. Alai yuchi ju Dios ju alak'ayat'i. ―Chunch ju xaquijuni ju anquilh. Pus ju ixlapanac Dios junita yuchi ju vas najun ju chivinti ixlacata ju Jesús.

MATEO 14:33

Pus ju acsnich ju ixtatanumanalh lacabarco talak'ayalh. Tajunich: ―Slivasalh ni ists'alh'at Dios.

JU AMAVASALACALH 5:8

Chai acsni amaklhtayanalh ju alhiqui ju Ask'at'a Borrego pus ju anu' ixpumat'at'i'an atapacxat chai ixpumap'uxamt'at'i'an papanin tata'aktsokotanilh la'ix'ucxlacapu' ju anu' Borrego. Chai pumatamin ju yu'unch ixtach'apata ixlhisan'an ju arpa juncan chai ixpumap'un'an ju si oro ixjunita. Chai anchach ju ixtaxavai ixpum'an. Chai ju pum yuchach ixchivinti'an ju ixlapanacni Dios ju ani lacamunutpa' ju tuchi tapuxak'alai ju Dios.

LUCAS 2:38

Pus ju yuchi vachu' acsnich ju alakmilh ju José chai ju Malia. Chai vachu' junilh lak'ailakts'iuch ju Dios ixlacata ju ask'at'a. Chai astan ix'alacjuni ixlacata ju Jesús tachi chun ju amachak'an Jerusalén ju ixtapacxantaji ju ixputak'alhtaxtun'an.

MATEO 1:18

Acsni tavanan lak'aulhch ju Jesucristo pus chanich va. Pus yuchi ju Malia ju ixnati cajuna' va is'asq'uinintica' ixjunita ju José. Para acsni jantuca' ixtalat'atsucui acsnich ju c'atsacalh ni ixpacxanta ju is'ask'at'a la'ixtachaput ju Spiritu Santu.

MATEO 2:10

Pus ju anuch lapanacni ni talakts'ilh ju st'acu pus na tak'achalh.

MATEO 12:46

Acsni ixt'ajunca' xak'alana' ju lapanacni ju Jesús pus tachincha ju ixnati chai is'ap'isek'en. Chai tataya makspa' ni va ixtat'achivimputun ju Jesús.

XIVAN 19:39

Chai vachu' makach'ak'ok'analh ju Nicodemo. Yuchi ju quit'achivinilh ts'is ju Jesús. Ixlhi'antach ju pokxni ju na c'us ix'acamin. Ixlhinavicanta ju xaq'uiu mira chai ixlhiya ixk'alhchat ju xaq'uiu aloes. Tachi lakap'uxamcau kilo istats'inq'uita.