MATEO 19:27 - Tepehua Huehuetla

²⁷ Pus ju acsnich ju Pitalu' chani juni ju Jesús: ―Pus ju quijnan icmaconk'otauch chux quintaxtokni quinc'an chai iclach'ak'ok'atauch. Ju chavai tijuch ju aclhajayau ju quijnan.

MATEO 19:27 Referans Kwoze

FILIPOS 3:8

Pus vasalh. Tachi chun ju ani taxtokni jantu tu'u' iclhiulai va ixlaca'atalh ni icmispai ju chavai ju tu'u' ju palai k'ox. Yuchi ju qui'ucxtin Cristo Jesús. Pus va ixlacata yuchi icmaconk'ota tachi chun ju anu' taxtokni ju k'oxich xaclhiulai. Chai tachi ju va amacxtalh ic'alhiulai ni laich acmispaya' alai ju Cristo.

LUCAS 5:11

Pus ju acsnich tamacutulh ju ixbarco'an. Tamaconk'olh chux chai tach'ak'ok'alh ju Jesús.

LUCAS 18:28

Pus ju acsnich ju Pitalu' junilh ju Jesús: ―Pus ju quijnan icmaconk'otauch chux quintaxtokni quinc'an chai iclach'ak'ok'atauch ju uxint'i.

LUCAS 15:29

Para ju yuchi ak'alhtayanalh. Junich ju ixpai: “Ju quit'in va ta lakachux c'ata ict'onan aktaijunun. Chai jantu tavanan ju jantu acnavi tuch'i q'ui'uni. Para jantu tavanan q'uixt'aknit'a mas va minchivoch ni laich ac'at'ac'atanilh ju qui'amigojni.

MARCOS 10:28

Ju acsnich ju Pitalu' junich: ―Ju quijnan icmaconk'otauch chux quintaxtokni quinc'an chai iclach'ak'ok'atauch.

MARCOS 2:14

Chai acsni tavanan anchokolh ju Jesús ju lak'achak'an pus lakts'ilh pumatam ach'ini' ju Leví ixjuncan. Ists'alh ju Alfeo. Ju yuchi ixvi junta amapalanancan. Chai ju Jesús juni: ―Aq'uinch'ak'ok'ach. Pus lana taya ju Leví. Ch'ak'ok'alh ju Jesús.

LUCAS 14:33

Pus vana va chun ju uxijnan. K'oxich ap'ast'act'it u ni lai a'una'it'it ju quintamamaka'un u jantu. Pus va tichi chavaich ju milhi'uxijnan ju jantu lacasq'uin ni quit'in ju aclhinonk'oya' tachi chun ju ixtaxtokni ju pacxanta pus jantu lai cativa ju quintamamaka'un.

MATEO 9:9

Chai ju Jesús taxtulh ju anch chai acsni ix'anta ju lacati pus lakts'ilh pumatam ach'ini' ju ixvi junta amapalanancan. Ju yuchi Mateo ixjuncan. Chai ju Jesús chani juni: ―Aq'uinch'ak'ok'ach. Pus ju Mateo lana taya chai ch'ak'ok'alh.

1 CORINTO 4:7

Pus tajuch ni va nonat'it ni palai lack'oxin lapanacni unt'at'it. Palai jantu ju ali'in. Pus lana jantu' tu'u' alin ju lami'atsucunti'an ju jantu va axt'aknic'ant'at'it. Chai ni va xt'aknic'ant'at'it t'as ni va lhit'ak'ayap'alat'it. Ju chunch tachi ju va jantu va xt'aknic'ant'at'it.

1 CORINTO 1:29

Chai ju chunch jantu lai xamati' k'ai cac'atsa la'ixmacni Dios.

MATEO 19:26

Para ju Jesús alakts'ilh chai alacjuni: ―Pus ju va lapanac akts'iya palai tu'u' lhiulai ju ixmak'alit. Palai jantu ixtaxtokni ju Dios. Para ju Dios jantu tu'u' xcai lhiulai. Ju yuchi lai mapaxani ix'atalacpast'ac'at tam lapanac.

MATEO 19:28

Chai ju Jesús juni: ―Pus acsni catasast'ichokoya' chux ju lacamunutpa' pus actola' laquimpu'ucxtin ju slivasalh na k'ox cajuna'. Quit'in ju quimalakachatachilh Dios ni lapanac actsucuya' ju ani. Chai ju uxijnan ni quilach'ak'ok'ayauch ju chavai pus ju acsnich vachu' at'ola'it'it lacalakacaut'ui pu'ucxtin. Chai alhi'una'it'it ju ixquilhmaccaut'ui'an ju mint'a'israelitanin.