MATEO 16:15 - Tepehua Huehuetla

¹⁵ Pus ju acsnich ju Jesús ajunchokopa: ―Chai ju uxijnan t'as nonat'it. Tis chavaich ju quilalhiulayau ju quit'in.

MATEO 16:15 Referans Kwoze

LUCAS 9:20

Chai ju Jesús ajuni: ―Chai ju uxijnan tis chavaich quilalhiulayau ju quit'in. Chai ju Pitalu' junich: ―Uxint'ich ju Cristo'at ju ixnoncan camalakachatachilh ju Dios.

MATEO 13:11

Chai ju Jesús alacjuni: ―Ju uxijnan lac'asq'uinic'ant'at'it ni amach'akxaya'it'it ju chivinti ju najun ni lhinomputun ju Dios la'is'atsucunti'an ju lapanacni. Para ju ali'in lapanacni jantu alak'a'inican ni catamachakxa.

MARCOS 8:29

Pus ju acsnich ju Jesús alacsacmipa ju yu'unch. Ajuni: ―Para ju uxijnan tis chavaich ju quilalhiulayau ju quit'in. Chai ak'alhtayanalh ju Pitalu'. Juni: ―Uxint'i ju Cristo'at ju ixnoncan camalakachatachilh ju Dios.

MATEO 16:14

Chai ju yu'unch tajuni: ―Pus ju ali'in tanajun ni ma Xivan'at ju ix'amakpaxanan. Chai ju ali'in tanajun ni ma Elías'at. Chai ju ali'in tanajun ni ma Jeremías'at u ak'antam mak'aniya lapanac unit'a ju ixnajun ixchivinti Dios.

MATEO 16:16

Pus ju Simón Pitalu' naulh: ―Uxint'ich ju Cristo'at ju ixnoncan camalakachatachilh ju Dios. Ists'alh'at ju Dios ju lak'ajunta.