MATEO 15:9 - Tepehua Huehuetla

⁹ Jantu lhitapalai ni quintalak'ayai ni ta'amalanininch va ixlhamap'aksin'an ju ixt'alapanacni'an.

MATEO 15:9 Referans Kwoze

MARCOS 7:7

Ma jantu tu'u' nomputun ni tanajun ni yuchi ju xak'ai ju Dios. Ju yu'unch ma ta'amalaninin ju tu'u' tachi ju vasalh ixlhamap'aksin Dios mas va ixlhamap'aksin ixt'alapanac'an. Ju Isaías naulh ni ma chunch ju naulh ju Dios.

1 TIMOTEO 1:4

Nin yuchi ni lai na tu'u' catalhiula ju va chivintich. Nin yuchi ni catalhitak'aya ju tuchi tanajunch ni tanavita ju mak'aniya ixlacpai'an mas jantu. Pus jantu tavanan lai catitamatank'axtuk'o ju chunch. Chai ju chunch atalacpast'ac'at pu'alin va asacminti. Jantiyu' ju lai cati'a'aktaiju ixmakpitsica ju ixchivinti Dios junta najun ni calhilaca'au ju Jesús.

TITO 1:14

A'unch ni jantuch cataquiclaca'ilh tu'u' ju va chivintich ju tanajun ju quint'a'israelitanin. Nin yuchi ju ixlhamap'aksin'an ju lapanacni ju jantu tak'achani ju stavasalanti ixlacata ju Cristo.

JU ISRAELITANIN 13:9

Jantu alak'a'it'it ni xamati' cata'okxchok'oyan chai na tijlhu atalaninti catajunan ju jantu ixt'achunch junita tachi ju lanit'at'it. Pus ju tu'u' lhamap'aksin ixlacata ju tu'u' vaiti jantu tavanan aktaijuta tam xamati' ni lai salaka cava la'ixmacni Dios. Alai va yuchi ju Dios ju aquinta'aktaijuyan la'ix'amapaininti ni lai va tachi calhilaksiyau ju yuchi.

SANTIAGO 2:20

Ja lana jantu mach'akxayat'it ji tontojni lapanacni ju chunch nonat'it. Ja va jantu mach'akxayat'it ni jantu lhitapalai ni acnaulh ni iclhilaca'anta ju Jesús acsni jantu acnavi tu'u' ju k'ox.

JU AMAVASALACALH 22:18

Pus ju quit'in p'as ic'ajuni tachi chun ju tak'asmat'a ju ixchivinti Dios ju ts'okcanta ju ani. Chai slivasalh ju ic'ajuni. Ni xamati' calalhavaya' ju ani chivinti pus ju Dios calalhavaniya' ju mak'alhk'ajnat ju ts'okcanta ju ani laca'alhiqui.

1 CORINTO 15:2

Chai ni alac'a'ik'alhiya'it'it pus at'ak'alht'axt'uya'it'it. Para ni jantu vasalh alac'a'iya'it'it pus jantu lai at'it'ak'alht'axt'ut'it.

MATEO 15:10

Acsni nonk'olh ju chunch ju Jesús pus at'asanilh ju ixtalhavat lapanacni chai chani alacjuni: ―Aquilak'asmatniu chai amach'akxat'it ju aclajunau.