MARCOS 15:2 - Tepehua Huehuetla

² Chai ju Pilato sacmilh ju Jesús. Junich: ―Ja vasalh uxint'i ju xa'ucxtin'at ju israelitanin. Chai ju Jesús ak'alhtayanalh. Junich: ―Chunch tachi ju na'un.

MARCOS 15:2 Referans Kwoze

MATEO 2:2

Chai ta'asacminilh. Tanaulh: ―Tas anchach ju vi ju ix'ucxtin'an ju israelitanin ju va tsuculhca'. Pus laquint'un quinc'an iclakts'iuch ju st'acu ju tasu chai ju nomputun ni tsuculh ju yuchi. Chai ju quijnan icmintau ni va iclak'ayaputunau.

1 TIMOTEO 6:13

Pus Dios ju axtaknik'ojui is'atsucunti'an tachi chun ju taxtokni. Chai ju Jesucristo naulh tichi lapanac junita la'ix'ucxlacapu' ju Poncio Pilato. Pus ju yu'unch quintalakts'inan acsni icmap'aksiyan.

MARCOS 15:26

Chai ta'ulanilh ju chivinti ju la'is'aktsulh iscurus ju Jesús junta naulh tuchi talak'alhin ixmuc'anicanta. Pus ju anu' chivinti chani naulh: “Ix'ucxtin'an ju israelitanin”.

MARCOS 15:18

Chai k'antam k'antam ixtamac'ami tachi ju mac'amican tam xak'ai. Na ixtamamaxani acsni ixtajuni: ―Ats'uc'uk'alhit'i ji ix'ucxtin ju israelitanin.

MARCOS 15:12

Pus ju acsnich ju Pilato ak'alhtayanalh chai alacjunchokopa ju israelitanin: ―Para tijuch ju lac'asq'uinat'it ju acnavi ju unat'it mi'ucxtin'an.

MARCOS 15:9

Pus ju Pilato ix'anaviniputun ixk'achat'an ju yu'unch chai yuchi chani alaclhijunich ju israelitanin: ―Ja lac'asq'uinat'it ni acmacaulh ju ani ya mi'ucxtin'an ji israelitanin.

MARCOS 15:3

Pus ju xalack'ajin palijni na lhu talak'alhin tamuc'anilh ju Jesús para ju Jesús jantu tu'u' ak'alhtayanalh.