LUCAS 7:42 - Tepehua Huehuetla

⁴² Para ni jantu tu'u' ixtamak'ata ju lai catalhimapalhnichokolh pus ju ix'amach'ixtaknita ju tumin va amac'acxanilh ju ixt'iyun'an. Pus aq'uin'unch. Tis chavaich ju palai camapainiya' ju ixt'iyun'an ju anu' xamach'ixtakni ixtumin.

LUCAS 7:42 Referans Kwoze

COLOSAS 3:13

Ach'ixt'it ni tu'u' tanaviyan tam xamati'. Chai alamac'acxanit'it acsni tu'u' lanaviniyat'it macxcai. Ju Cristo ni quintamac'acxaninch pus vachu' chunch alanavit'it ju uxijnan.

EFESO 4:32

Alai ala'akt'ai'ut'itch. Pak'eunic'a a'unt'it. Alamac'acxanit'it ju pumatamin milhi'uxijnan tachi ju Dios ni tamac'acxanitan ni lhilac'ap'int'at'it ju Cristo.

EFESO 1:7

Yuchach ju quintamalakxtun la'ix'ac'alhni. Chai ni slivasalh na k'ai ju ix'amapaininti ju quintamasunitan pus quintamac'acxaninch ju qui'alactu'unti'an.

GALACIA 3:10

Para amuc'anicanta ixtalak'alhin'an tachi chun ju tanajun ni salaka calakts'incana' ni canaviya' tachi ju najun lacalhamap'aksin. Chunch ju a'ulhtucanta ni chani najun ixchivinti Dios junta ts'okcanta: “Amuc'anicanta ixtalak'alhin'an tachi chun ju jantu stunin tanavik'ojui tachi ju najun lacalhamap'aksin”. Chunch ma naulh ju Dios.

ROMA 5:6

Acsni jantu lai ix'aktaijucanau ju va qui'akstu'an chai jantuca' ixtalhoniyau ju Dios pus nilh ju Cristo ju quilacata'an. Nilh acsni chilh ju ix'avilhchan ju ilhcanitach ju Dios.

ROMA 3:24

Para ju Dios quintanavinitan lamapainin ni soknic'a quintalakts'inan acsni lhilaca'anauch ju Jesús. Chai jantu tu'u' quintasq'uiniyan ju ixtapalh cava ju anu' amapaininti. Salaka alakts'incantach ju qui'alhunut'an va ixlacata ju Jesucristo ni yuchi ju quintamalakxtutan.

MATEO 18:34

Pus ju acsnich ju ix'ucxtin slivasalh na talhk'amalh. Chai mak'axtaknilh ju lapanacni ju tamamak'alhk'ajni tus acsni jantu mapalhk'ojui ju ix'alhi'aninti.

MATEO 6:12

Aquilamac'acxaniuch ju quintalak'alhin quinc'an ni vachu' ic'amac'acxanitauch ju quintanavitan tu'u' macxcai.

MATEO 18:27

Pus ju anu' ucxtin mapainilh ju anu' ixlapanac chai xacanilh ju ix'alhi'aninti chai junilh ni laich ca'anchokolh la'ixchaka'.

LUCAS 7:43

Chai ju Simón juni: ―Pus ca yuchi ju palai laklhu ixlhi'ani. Chai ju Jesús juni: ―Stavasalanti ju xak'alht'ayanan.