LUCAS 22:33 - Tepehua Huehuetla

³³ Para ju Pitalu' junich: ―Qui'ucxtin ju quit'in aclhilak'a'iyach mas act'at'alhnucanch. U mas act'aniyanch.

LUCAS 22:33 Referans Kwoze

MARCOS 14:31

Para ju Pitalu' na p'as ixnajun ni jantu tavanan catinaulh ni jantu mispai mas tus cat'amaknicalh. Chai si chun ixtanajun ju ali'in ix'alacmamaka'ui ju Jesús.

MARCOS 14:29

Pus ju acsnich ju Pitalu' junilh: ―Mas cata'ats'alhk'o ju ali'in para ju quit'in jantu tavanan actimacoya'un.

MATEO 20:22

Para ju Jesús alacjuni: ―Ju uxijnan jantu c'ats'ayat'it tuch'i quilasq'uiniyau. Ja lai amak'alhk'ajnana'it'it tachi ju acmak'alhk'ajnana' ju quit'in. Pus ju yu'unch tajuni ni calayach.

IXTAMALAKACHAN JU JESÚS 21:13

Para ju acsnich ju Pablo quintajunan: ―Tajuch ni va lack'alhunat'itch chai quilamaxcaniniyau ju qui'alhunut. Ju quit'in jantu tu'u' iclhiulai mas tach'in aquintanaviyanta ju lak'achak'an Jerusalén. U mas aquintamakniyanta va ixlacata ni iclhilaksita ju qui'ucxtin'an Jesús. ―Chunch ju quintajunan.

LUCAS 22:34

Para ju Jesús junich: ―Pitalu' icjunan ni chavai atats'isni acsni tuca' t'asai ju puyux pus pakt'utu ju na'unt'a ni jantu q'uimisp'ai.

XIVAN 13:38

Ak'alhtayanalh ju Jesús: ―Ja vasalh lai axt'akt'i ju mi'atsucunti ju quilacata. Slivasalh ju icjunan. Acsni jantuca' t'asai ju puyux pus pakt'utuch ju na'unt'a ni jantu q'uimisp'ai.

LUCAS 22:57

Para ju yuchi naulh ni jantu. Junich: ―Chako'ulh jantu icmispai ju yuchi.