LUCAS 20:13 - Tepehua Huehuetla

¹³ Pus ju acsnich ju amanavin ju anu' pu'uvas naulh: “Tas nu' aclayach ju chavai. Acmalakachayach ju quints'alh ju na icmapaini. Ca laich cava ni catatalhonilh ju yuchi acsni catalakts'ina'”.

LUCAS 20:13 Referans Kwoze

MATEO 3:17

Chai chivincancha ju lact'iyan chai k'asmatcalh ju lacat'un junta ixya ju Jesús. Chai chani naulh: ―Ju ani ya yuchi ju quints'alh. Ju yuchi na icmapaini. Na iclhik'achanch ju yuchi.

GALACIA 4:4

Para acsni cha'alh ju avilhchan ju ilhcata ju Dios pus malakachachilh ju ists'alh. Chai ju yuchi pumaktasu pumatam chako'ulh. Chai ni israelita ixjunita vachu' pus ixnavi tachi ju najun lacalhamap'aksin.

ROMA 8:3

Ju mak'aniya ixlhamap'aksin Dios jantu lai xaquintaxtakniyan ju soknic'a qui'atsucunti'an ni va jantu lai xamuctaxtuyau ni va lapanacni juntau. Para ju Dios quinta'aktaijun. Ju yuchi malakachachilh ju ists'alh. Quitalacasuchilh ju ani lacamunutpa' tachi ju tam lapanac. Chai ixpacxanta ixlacatuna tachi ixlacatuna ju alactu'uni lapanac mas jantu alactu'unulh ju yuchi. Yuchi ju mapalalh ixtapalh ju qui'alactu'unti'an. Chai ni quimapalachilh ju Cristo ixtapalh ju qui'alactu'unti'an pus jantu vana na tachapun jun ju alactu'unti ju laqui'atsucunti'an.

XIVAN 1:34

Chai quit'in ju iclakts'ilh ju tuchi tapasalh. Chai iclajunauch ni yuchach ju ani ju ists'alh ju Dios.

LUCAS 9:35

Chai tak'asmatlh lakatam chivinti ju xaminacha laca'ataputs'i chai ixnajun: ―Ju ani yuchi ju quints'alh chai na icmapaini. Yuchach ju ak'asmatnit'it.

MATEO 17:5

Pus acsni ixt'ajunca' chivini' ju Pitalu' lana tamacatalh ju ataputs'i ju k'ai slamnic'a ixjunita. A'akxtakmak'o ju yu'unch. Chai tak'asmatlh lakatam chivinti ju xaminacha laca'ataputs'i chai chani xanajun: ―Ju ani ya yuchi ju quints'alh chai na icmapaini. Slivasalh na iclhik'achan ju yuchi. Yuchach ju ak'asmatnit'it.

LUCAS 18:2

Pus ajunich: ―Ju lakatam lak'achak'an ix'alin pumatam lacat'icst'i ucxtin. Chai ju yuchi jantu ixtalhoni ju Dios chai jantu ix'atalhoni ju ixt'alapanacni.

LUCAS 18:4

Pus ju anu' ucxtin na lakalhu avilhchan jantu ixnavini ju tuchi isq'uini ju anu' chako'ulh. Para astan pus naulh la'ix'alhunut: “Ju quit'in jantu ictalhoni ju Dios nin tu'u' iclhiulai ju quint'alapanacni.

LUCAS 20:12

Chai ju amat'un malakachachokopa ixlhipumat'utu ixlapanac. Pus ju yu'unch vana va chun tanavichokopa. Tamac'atsani chai tamaxtulh lacapu'uvas.

LUCAS 20:14

Chai chunch ju navi. Para ju anu' makch'alhcatnin acsni talakts'ilh talaclajunilh sia yu'unch: “Yuchach ju anu' ju amanavinch cajuna' acsni caniya' ju ixpai. Pus asok'ot'itch. Camakniuch. Chai qui'anuch'an cajuna' ju ani pu'ach'ananti”.