LUCAS 19:42 - Tepehua Huehuetla

⁴² Naulh: ―Na k'ox ixva ni ixmach'akxat'it ju chavai acsni iclat'avilau ni quilacata lai a'unch'ok'ot'it ix'amigojni ju Dios. Para ni jantu chun xalayat'it pus ju chavai jantu alak'a'inic'ana'it'it ni laich amach'akxaya'it'it.

LUCAS 19:42 Referans Kwoze

JU ISRAELITANIN 3:15

Pus ixchivinti Dios ju ts'okcanta chani najun: Ni ma k'asmat'at'it ni taxak'alayan ju chavai ju Dios pus jantu p'as anavit'it ju mi'alhunut'an tachi ju talalh ju mak'aniya milacpa'itni'an acsni lana jantu ixtaquiclaca'iniputun ju Dios. Chunch najun la'ixchivinti Dios ju ts'okcanta.

IXTAMALAKACHAN JU JESÚS 10:36

Ju Dios quintamalakachanichin ju ixchivinti ju quijnan ju israelitanin icjuntau. Quintajunan ni mak'oxamixican la'ix'alhunut ju Dios acsni lhilaca'ancan ju Jesús ni yuchach ju ixnoncan camalakachatachilh ju Dios. Yuchi ju xa'ucxtin lhichux.

JU ISRAELITANIN 3:13

Alai alamap'aksit'it ju milhi'uxijnan chux avilhchan acsni titaxak'alayan ju Dios. Ju chunch jantu xamati' ju milhi'uxijnan ju ca'okxchok'ocalh chai na p'as cajunlh ix'alhunut va ixlaca'atalh ni alactu'unun.

LUCAS 19:44

Chai catamaktak'oyach ju milak'achak'an'an. Chai catamaknik'oyan chux ju uxijnan ju t'onat'it anch. Jantu catamacona' ju tu'u' chiux ju va cala'ucxtoc'alh ju ixt'achiux ju lak'achak'an. Pus chunch catanaviniyan ni jantu quilamispayau ju quit'in ju icDios ju chavai avilhchan acsni iclalakmintauch.

IXTAMALAKACHAN JU JESÚS 13:46

Pus ju acsnich ju Pablo chaich ju Bernabé lana jantu tatalhanalh. Alacjuni: ―Akts'iya istasq'uini ni p'ulhnan a'unc'ana'it'it ju ixchivinti Dios ju uxijnan ju quint'a'israelitanin unt'at'it. Para ni jantu lac'a'ip'ut'unat'it chai nonat'it ni jantu lac'asq'uinat'it ju mi'atsucunti'an ju jonk'alhita lact'iyan pus ju chavai ac'ajunau ixchivinti Dios ju yu'unch ju jantu israelitanin tajunita.

JU ISRAELITANIN 3:7

Pus tasq'uini ni va tachi calhilaksiyau ju Cristo. Chai yuchi chani lhinaulh ju Spiritu Santu la'ixchivinti Dios ju ts'okcanta: Ni k'asmat'at'it ni taxak'alayan ju Dios

LUCAS 19:41

Chai acsni vanin cha'alh ju Jesús chai lakts'ilh ju lak'achak'an Jerusalén pus na lhik'alhulh.

LUCAS 19:43

Na k'ox ixva ni ixmach'akxat'it ni cachina' ju avilhchan acsni k'alhtank'ai catamuc'aya' ju t'un ju mint'alaxcai'an la'ixtalakachoko ju milak'achak'an'an chai catalak'axk'avitnuyan chai jantu jinta' lai at'ip'ut'axt'ut'it.